ਸਸਤਾ ਸਾਮਾਨ ਪੈ ਸਕਦੈ ਮਹਿੰਗਾ! ਆਨਲਾਈਨ ਸ਼ਾਪਿੰਗ ਕਰਨ ਵਾਲਿਆਂ ਲਈ ਜਾਰੀ ਹੋਈ ਐਡਵਾਈਜ਼ਰੀ

ਗੈਜੇਟ ਡੈਸਕ : ਜੇਕਰ ਤੁਸੀਂ ਵੀ ਆਨਲਾਈਨ ਸ਼ਾਪਿੰਗ (Online Shopping) ਦੌਰਾਨ ਮਿਲਣ ਵਾਲੇ ਭਾਰੀ ਡਿਸਕਾਊਂਟ ਨੂੰ ਦੇਖ ਕੇ ਤੁਰੰਤ ਆਰਡਰ ਕਰ ਦਿੰਦੇ ਹੋ, ਤਾਂ ਸਾਵਧਾਨ ਹੋ ਜਾਣ ਦੀ ਲੋੜ ਹੈ। ਉਪਭੋਗਤਾ ਮਾਮਲੇ ਵਿਭਾਗ ਨੇ ਅਜਿਹੀ ਗਲਤੀ ਕਰਨ ਵਾਲੇ ਗਾਹਕਾਂ ਨੂੰ ਨਵੀਂ ਚਿਤਾਵਨੀ ਜਾਰੀ ਕਰਦਿਆਂ ਕਿਹਾ ਹੈ ਕਿ ਸਿਰਫ਼ ਛੋਟ ਦੇਖਣਾ ਹੀ ਕਾਫੀ ਨਹੀਂ ਹੈ, ਸਗੋਂ ਖਰੀਦਦਾਰੀ ਤੋਂ ਪਹਿਲਾਂ ਨਿਯਮਾਂ ਅਤੇ ਸ਼ਰਤਾਂ ਨੂੰ ਪੜ੍ਹਨਾ ਬੇਹੱਦ ਜ਼ਰੂਰੀ ਹੈ।

ਲੁਕਵੇਂ ਖਰਚਿਆਂ ਦੀ ਮਾਰ
 ਵਿਭਾਗ ਅਨੁਸਾਰ, ਕਈ ਈ-ਕਾਮਰਸ ਪਲੇਟਫਾਰਮ ਭਾਰੀ ਡਿਸਕਾਊਂਟ ਦਾ ਲਾਲਚ ਦੇ ਕੇ ਗਾਹਕਾਂ ਨੂੰ ਖਿੱਚਦੇ ਹਨ, ਪਰ ਬਾਅਦ ਵਿੱਚ ਡਿਲੀਵਰੀ ਚਾਰਜ, ਪਲੇਟਫਾਰਮ ਫੀਸ ਅਤੇ ਟੈਕਸ ਵਰਗੇ ਕਈ ਲੁਕਵੇਂ ਖਰਚੇ ਜੋੜ ਦਿੱਤੇ ਜਾਂਦੇ ਹਨ। ਇਸ ਕਾਰਨ ਆਰਡਰ ਦੇ ਅੰਤ ਵਿੱਚ ਬਣਨ ਵਾਲਾ ਫਾਈਨਲ ਬਿੱਲ ਉਮੀਦ ਨਾਲੋਂ ਕਿਤੇ ਜ਼ਿਆਦਾ ਹੋ ਜਾਂਦਾ ਹੈ।

जागरूक उपभोक्ता वही है जो discount के साथ-साथ terms & conditions भी ध्यान से पढ़े।
अगर आपके cart में भी अतिरिक्त शुल्क जुड़ जाए या e-commerce platform आपकी सहायता न करे, तो राष्ट्रीय उपभोक्ता हेल्पलाइन 1915 पर कॉल करें या WhatsApp 8800001915 पर संदेश भेजें।#NCH1915… pic.twitter.com/p3G3ytz2bZ

— Consumer Affairs (@jagograhakjago) May 11, 2026

'ਜਾਗੋ ਗਾਹਕ ਜਾਗੋ' ਮੁਹਿੰਮ ਤਹਿਤ ਸਲਾਹ
ਸਰਕਾਰ ਨੇ 'ਜਾਗੋ ਗਾਹਕ ਜਾਗੋ' ਮੁਹਿੰਮ ਦੇ ਤਹਿਤ ਲੋਕਾਂ ਨੂੰ ਜਾਗਰੂਕ ਕਰਦਿਆਂ ਕਿਹਾ ਹੈ ਕਿ ਸਮਝਦਾਰ ਗਾਹਕ ਉਹੀ ਹੈ ਜੋ ਹਰ ਛੋਟੀ ਜਾਣਕਾਰੀ ਨੂੰ ਧਿਆਨ ਨਾਲ ਪੜ੍ਹਦਾ ਹੈ। ਵਿਭਾਗ ਨੇ ਅਪੀਲ ਕੀਤੀ ਹੈ ਕਿ ਫਾਈਨਲ ਪੇਮੈਂਟ ਕਰਨ ਤੋਂ ਪਹਿਲਾਂ ਬਿੱਲ ਦੀ ਚੰਗੀ ਤਰ੍ਹਾਂ ਜਾਂਚ ਕੀਤੀ ਜਾਵੇ ਤਾਂ ਜੋ ਕਿਸੇ ਵੀ ਤਰ੍ਹਾਂ ਦੇ ਆਰਥਿਕ ਨੁਕਸਾਨ ਤੋਂ ਬਚਿਆ ਜਾ ਸਕੇ।

ਸ਼ਿਕਾਇਤ ਲਈ ਹੈਲਪਲਾਈਨ ਨੰਬਰ
 ਜੇਕਰ ਕੋਈ ਈ-ਕਾਮਰਸ ਪਲੇਟਫਾਰਮ ਗਾਹਕ ਦੀ ਸਹਾਇਤਾ ਨਹੀਂ ਕਰਦਾ ਜਾਂ ਕੋਈ ਗਲਤ ਚਾਰਜ ਵਸੂਲਦਾ ਹੈ, ਤਾਂ ਉਪਭੋਗਤਾ ਸਿੱਧੇ ਤੌਰ 'ਤੇ ਰਾਸ਼ਟਰੀ ਉਪਭੋਗਤਾ ਹੈਲਪਲਾਈਨ (NCH) ਨੰਬਰ 1915 'ਤੇ ਕਾਲ ਕਰਕੇ ਆਪਣੀ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹਨ। ਇਸ ਤੋਂ ਇਲਾਵਾ, ਮਦਦ ਲਈ ਵਟਸਐਪ (WhatsApp) ਨੰਬਰ 8800001915 'ਤੇ ਵੀ ਸੁਨੇਹਾ ਭੇਜਿਆ ਜਾ ਸਕਦਾ ਹੈ। ਸਰਕਾਰ ਅਨੁਸਾਰ, ਇਹ ਹੈਲਪਲਾਈਨ ਗਾਹਕਾਂ ਦੀਆਂ ਸ਼ਿਕਾਇਤਾਂ ਦਾ ਹੱਲ ਕਰਵਾਉਣ ਅਤੇ ਸਬੰਧਤ ਕੰਪਨੀਆਂ ਨਾਲ ਸੰਪਰਕ ਕਰਨ ਵਿੱਚ ਮਦਦ ਕਰਦੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e