ਦਿੱਲੀ ਏਅਰਪੋਰਟ ''ਤੇ ਟਲਿਆ ਵੱਡਾ ਹਾਦਸਾ, DGCA ਨੇ ਪਾਇਲਟ ਨੂੰ ਕੀਤਾ ਸਸਪੈਂਡ
Tuesday, Sep 17, 2024 - 07:31 PM (IST)
ਨਵੀਂ ਦਿੱਲੀ- ਦਿੱਲੀ ਦੇ ਇੰਦਰਾ ਗਾਂਧੀ ਇੰਟਰਨੈਸ਼ਨਲ ਏਅਰਪੋਰਟ 'ਤੇ 9 ਸਤੰਬਰ ਨੂੰ ਇਕ ਵੱਡਾ ਹਾਦਸਾ ਹੋਣੋ ਟਲ ਗਿਆ। ਇੰਡੀਗੋ ਏਅਰਲਾਈਨਜ਼ ਦਾ ਜਹਾਜ਼, ਜੋ ਬੇਂਗਲੁਰੂ ਲਈ ਉਡਾਣ ਭਰ ਰਿਹਾ ਸੀ, ਟੇਲ ਸਟ੍ਰਾਈਕ ਦਾ ਸ਼ਿਕਾਰ ਹੋ ਗਿਆ। ਇਸ ਘਟਨਾ ਤੋਂ ਬਾਅਦ ਜਹਾਜ਼ ਨੂੰ ਤੁਰੰਤ ਗ੍ਰਾਊਂਡ ਕਰ ਦਿੱਤਾ ਗਿਆ ਅਤੇ ਪਾਇਲਟ ਤੇ ਕਰੂ ਨੂੰ ਸਸਪੈਂਡ ਕਰ ਦਿੱਤਾ ਗਿਆ।
ਘਟਨਾ ਦਾ ਕਾਰਨ ਅਤੇ ਪ੍ਰਭਾਵ
- ਟੇਲ ਸਟ੍ਰਾਈਕ ਦੀ ਜਾਣਕਾਰੀ- ਟੇਲ ਸਟ੍ਰਾਈਕ ਦੀ ਜਾਣਕਾਰੀ ਮਿਲਦੇ ਹੀ, ਡਾਇਰੈਕਟਰੇਟ ਜਨਰਲ ਆਫ ਸਿਵਲ ਐਵੀਏਸ਼ਨ (ਡੀ.ਜੀ.ਸੀ.ਏ.) ਨੇ ਜਹਾਜ਼ ਨੂੰ ਗ੍ਰਾਊਂਡ ਕਰ ਦਿੱ। ਡੀ.ਜੀ.ਸੀ.ਏ. ਨੇ ਪੂਰੇ ਮਾਮਲੇ ਦੀ ਡੁਂਘਾਈ ਨਾਲ ਜਾਂਚ ਕਰਨ ਦੇ ਆਦੇਸ਼ ਦਿੱਤੇ ਹਨ।
ਸੰਭਾਵਿਤ ਕਾਰਨ- ਏਅਰਪੋਰਟ ਸੂਤਰਾਂ ਦੇ ਅਨੁਸਾਰ, ਲੈਂਡਿੰਗ ਦੇ ਸਮੇਂ ਜਹਾਜ਼ ਦੀ ਤੇਜ਼ ਰਫਤਾਰ ਇਸ ਘਟਨਾ ਦਾ ਕਾਰਨ ਹੋ ਸਕਦੀ ਹੈ। ਤੇਜ਼ ਰਫਤਾਰ ਕਾਰਨ ਹਵਾ ਦੇ ਦਬਾਅ 'ਚ ਗੜਬੜੀ ਹੋਣ ਦੀ ਸੰਭਾਵਨਾ ਸੀ, ਜਿਸ ਨਾਲ ਪਾਇਲਟ ਨੇ ਸੁਰੱਖਿਆ ਦੇ ਲਿਜਾਹ ਨਾਲ ਜਹਾਜ਼ ਨੂੰ ਦੁਬਾਰਾ ਟੇਕ ਆਫ ਕਰਵਾਇਆ। ਜੇਕਰ ਜਹਾਜ਼ ਨੂੰ ਉਤਾਰਨ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਤਾਂ ਟਾਇਰ ਫਟ ਸਕਦੇ ਸਨ ਜਾਂ ਜਹਾਜ਼ ਰਨਵੇ ਨਾਲ ਟਕਰਾ ਸਕਦਾ ਸੀ।
ਐਮਰਜੈਂਸੀ ਸਥਿਤੀ
- ਸੁਰੱਖਿਅਤ ਲੈਂਡਿੰਗ- ਘਟਨਾ ਤੋਂ ਬਾਅਦ ਜਹਾਜ਼ ਨੂੰ ਲਗਭਗ 20 ਮਿੰਟਾਂ 'ਚ ਟਰਮੀਨ-3 'ਤੇ ਸੁਰੱਖਿਅਤ ਲੈਂਡ ਕਰਵਾਇਆ ਗਿਆ। ਸਾਰੇ ਯਾਤਰੀ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ ਅਤੇ ਕਿਸੇ ਨੂੰ ਕੋਈ ਸੱਟ ਨਹੀਂ ਲੱਗੀ।
ਫਿਲਹਾਲ ਦੀ ਸਥਿਤੀ- ਡੀ.ਜੀ.ਸੀ.ਏ. ਨੇ ਇਸ ਘਟਨਾ ਦੀ ਵਿਸਤ੍ਰਿਤ ਜਾਂਚ ਦੇ ਆਦੇਸ਼ ਦਿੱਤੇ ਹਨ ਤਾਂ ਜੋ ਭਵਿੱਖ 'ਚ ਅਜਿਹੀਆਂ ਘਟਨਾਵਾਂ ਤੋਂ ਬਚਿਆ ਜਾ ਸਕੇ ਅਤੇ ਸੁਰੱਖਿਆ ਮਾਪਦੰਡਾਂ ਨੂੰ ਯਕੀਨੀ ਬਣਾਇਆ ਜਾ ਸਕੇ।
ਇਹ ਘਟਨਾ ਇੱਕ ਮਹੱਤਵਪੂਰਨ ਸੁਰੱਖਿਆ ਜਾਗਰੂਕਤਾ ਦਾ ਸੰਕੇਤ ਹੈ ਕਿ ਜਹਾਜ਼ ਦੇ ਲੈਂਡਿੰਗ ਅਤੇ ਟੇਕ ਆਫ ਦੌਰਾਨ ਚੌਕਸੀ ਵਰਤੀ ਜਾਣੀ ਚਾਹੀਦੀ ਹੈ। ਮਾਮਲੇ ਦੀ ਗੰਭੀਰਤਾ ਨੂੰ ਸਮਝਦੇ ਹੋਏ ਇੰਡੀਗੋ ਏਅਰਲਾਈਨਜ਼ ਅਤੇ ਡੀਜੀਸੀਏ ਅਧਿਕਾਰੀਆਂ ਨੇ ਤੁਰੰਤ ਕਦਮ ਚੁੱਕੇ ਹਨ। ਸੁਰੱਖਿਆ ਮਾਪਦੰਡਾਂ ਦੀ ਸਮੀਖਿਆ ਕੀਤੀ ਜਾਵੇਗੀ ਅਤੇ ਭਵਿੱਖ ਵਿੱਚ ਅਜਿਹੀਆਂ ਘਟਨਾਵਾਂ ਨੂੰ ਰੋਕਣ ਲਈ ਲੋੜੀਂਦੇ ਸੁਧਾਰ ਕੀਤੇ ਜਾਣਗੇ।
