ਇਨ੍ਹਾਂ ਆਸਾਨ ਤਰੀਕਿਆਂ ਨਾਲ ਕਰੋ ਕੂਹਣੀਆਂ ਅਤੇ ਗੋਡਿਆਂ ਦਾ ਕਾਲਾਪਨ ਦੂਰ
05/20/2018 11:00:57 AM
ਜਲੰਧਰ— ਆਮ ਤੌਰ 'ਤੇ ਸਾਡੀਆਂ ਕੂਹਣੀਆਂ ਅਤੇ ਗੋਡਿਆਂ ਦਾ ਰੰਗ ਸਾਡੇ ਸਰੀਰ ਦੇ ਰੰਗ ਨਾਲੋਂ ਕੁਝ ਕਾਲਾ ਹੁੰਦਾ ਹੈ। ਕੁਝ ਬਾਹਰੀ ਕਾਰਕਾਂ ਅਤੇ ਰਗੜ ਦੀ ਵਜ੍ਹਾ ਕਰਕੇ ਸਰੀਰ ਦੇ ਇਹ ਹਿੱਸੇ ਬਾਕੀ ਅੰਗਾਂ ਦੀ ਤੁਲਨਾ 'ਚ ਵਧੇਰੇ ਕਾਲੇ ਨਜ਼ਰ ਆਉਂਦੇ ਹਨ। ਅਜਿਹੇ 'ਚ ਕੁਝ ਖ਼ਾਸ ਕੱਪੜਿਆਂ ਨੂੰ ਪਾਉਣ 'ਤੇ ਅਸਹਿਜਤਾ ਮਹਿਸੂਸ ਹੋ ਸਕਦੀ ਹੈ ਪਰ ਜੇਕਰ ਤੁਸੀਂ ਚਾਹੋ ਤਾਂ ਕੂਹਣੀਆਂ ਅਤੇ ਗੋਡਿਆਂ ਦੇ ਕਾਲੇਪਨ ਨੂੰ ਕੁਝ ਖਾਸ ਘਰੇਲੂ ਤਰੀਕਿਆਂ ਦੀ ਮਦਦ ਨਾਲ ਦੂਰ ਕਰ ਸਕਦੇ ਹੋ
1 ਨਿੰਬੂ ਦੇ ਰਸ ਨਾਲ
ਨਿੰਬੂ ਦੇ ਰਸ 'ਚ ਸਾਈਟ੍ਰਿਕ ਅਮਲ ਹੁੰਦਾ ਹੈ। ਨਿੰਬੂ ਦੀ ਵਰਤੋਂ ਤੁਸੀਂ ਨੈਚੂਰਲ ਬਲੀਚ ਦੇ ਰੂਪ 'ਚ ਵੀ ਕਰ ਸਕਦੇ ਹੋ। ਨਿੰਬੂ ਦੇ ਰਸ ਦੀ ਵਰਤੋਂ ਨਾਲ ਕੂਹਣੀਆਂ ਅਤੇ ਗੋਡਿਆਂ ਦਾ ਕਾਲਾਪਨ ਦੂਰ ਹੋ ਜਾਂਦਾ ਹੈ। ਨਿੰਬੂ ਨੂੰ ਚੰਗੀ ਤਰ੍ਹਾਂ ਨਿਚੋੜ ਕੇ ਉਸ ਦਾ ਰਸ ਕੱਢ ਲਓ। ਇਸ 'ਚ ਕੁਝ ਮਾਤਰਾ 'ਚ ਚੀਨੀ ਮਿਲਾ ਲਓ। ਇਸ ਮਿਸ਼ਰਣ ਨੂੰ ਹੌਲੀ-ਹੌਲੀ ਕੂਹਣੀਆਂ 'ਤੇ ਰਗੜੋ ਅਤੇ ਕੁਝ ਦੇਰ ਤੱਕ ਇਸੇ ਤਰ੍ਹਾਂ ਰਹਿਣ ਦਿਓ। ਜਦੋਂ ਇਹ ਸੁੱਕ ਜਾਵੇ ਤਾਂ ਕੋਸੇ ਪਾਣੀ ਨਾਲ ਧੋ ਲਵੋ। ਤੁਸੀਂ ਚਾਹੋ ਤਾਂ ਨਿੰਬੂ ਨੂੰ ਕੱਟ ਕੇ ਵੀ ਕੂਹਣੀਆਂ ਜਾਂ ਗੋਡਿਆਂ 'ਤੇ ਰਗੜ ਸਕਦੇ ਹੋ।
2 ਮਲਾਈ ਅਤੇ ਹਲਦੀ ਦਾ ਪੇਸਟ
ਮਲਾਈ ਅਤੇ ਹਲਦੀ ਨੂੰ ਚੰਗੀ ਤਰ੍ਹਾਂ ਮਿਲਾ ਲਓ। ਇਸ ਪੇਸਟ ਨੂੰ ਕੂਹਣੀਆਂ ਅਤੇ ਗੋਡਿਆਂ 'ਤੇ ਚੰਗੀ ਤਰ੍ਹਾਂ ਮਲੋ। ਹਲਦੀ 'ਚ ਬਲੀਚਿੰਗ ਦਾ ਗੁਣ ਪਾਇਆ ਜਾਂਦਾ ਹੈ ਅਤੇ ਮਲਾਈ ਨਮੀ ਦੇਣ ਦਾ ਕੰਮ ਕਰਦੀ ਹੈ। ਇਨ੍ਹਾਂ ਦੋਹਾਂ ਦਾ ਮਿਸ਼ਰਣ ਮੇਲੇਨਿਨ ਨੂੰ ਹਲਕਾ ਕਰਨ ਦਾ ਕੰਮ ਕਰਦਾ ਹੈ। ਤੁਸੀਂ ਚਾਹੋ ਤਾਂ ਇਸ ਪੇਸਟ ਨੂੰ ਕੁਝ ਦੇਰ ਇਸੇ ਤਰ੍ਹਾਂ ਲਗਾ ਕੇ ਰੱਖ ਸਕਦੇ ਹੋ। ਇਸ ਤੋਂ ਬਾਅਦ ਇਸ ਨੂੰ ਕੋਸੇ ਪਾਣੀ ਨਾਲ ਧੋ ਲਓ।
