ਵੱਡੀ ਵਾਰਦਾਤ : ਬੱਸ ’ਚ ਸਵਾਰ ਯਾਤਰੀਆਂ ’ਤੇ ਮਹਿਲਾ ਨੇ ਕੀਤਾ ਚਾਕੂ ਨਾਲ ਹਮਲਾ

ਜਰਮਨੀ - ਪੱਛਮੀ ਜਰਮਨੀ ਲਈ ਜਾ ਰਹੀ ਬੱਸ ’ਚ ਸਵਾਰ ਯਾਤਰੀਆਂ 'ਤੇ ਚਾਕੂ ਨਾਲ ਕੀਤੇ ਗਏ ਹਮਲੇ ’ਚ 6 ਲੋਕ ਜ਼ਖਮੀ ਹੋਣ ਤੋਂ ਬਾਅਦ ਪੁਲਸ ਨੇ 32 ਸਾਲਾ ਇਕ ਮਹਿਲਾ ਨੂੰ ਗ੍ਰਿਫਤਾਰ ਕਰ ਲਿਆ। ਅਧਿਕਾਰੀਆਂ ਦੇ ਕਹਿਣ ਅਨੁਸਾਰ ਮਹਿਲਾ ਕੋਲੋਂ ਸਿਆਸੀ ਜਾਂ ਧਾਰਮਿਕ ਮਕਸਦ ਦਾ ਕੋਈ ਸਬੂਤ ਨਹੀਂ ਮਿਲਿਆ। ਪੁਲਸ ਨੇ ਸ਼ੁੱਕਰਵਾਰ ਦੀ ਸ਼ਾਮ ਨੂੰ ਕਿਹਾ ਕਿ ਹਮਲੇ ’ਚ ਜ਼ਖਮੀ ਹੋਏ ਲੋਕਾਂ ’ਚੋਂ ਤਿੰਨ ਦੀ ਹਾਲਤ ਗੰਭੀਰ ਹੈ। ਸੂਤਰਾਂ ਤੋਂ ਮਿਲੀ ਰਿਪੋਰਟ ਅਨੁਸਾਰ ਇਹ ਹਮਲਾ ਕੋਲੋਨੇ ਦੇ ਪੂਰਬ ’ਚ ਸੀਗੇਨ ਵਿਖੇ ਸ਼ਾਮ ਦੇ 7.40 ਵਜੇ ਹੋਇਆ ਸੀ ਜਿਸ ਦੌਰਾਨ ਬੱਸ ’ਚ ਲਗਭਗ 40 ਲੋਕ ਸਵਾਰ ਸਨ। ਪੁਲਸ ਅਤੇ ਵਕੀਲਾਂ ਨੇ ਕਿਹਾ ਕਿ ਜ਼ਖਮੀ ਹੋਏ 6 ਲੋਕਾਂ ਦੀ ਉਮਰ 16 ਤੋਂ 30 ਸਾਲ ਦੇ ਲਗਭਗ ਸੀ ਅਤੇ ਸਾਰੇ ਇਕ ਹੀ ਹਲਕੇ ਦੇ ਸਨ।

ਪੜ੍ਹੋ ਇਹ ਅਹਿਮ ਖ਼ਬਰ-ਪੌਪ ਗਰੁੱਪ ਨੇ ਡੋਨਾਲਡ ਟਰੰਪ ਨੂੰ ਚੋਣਾਂ ’ਚ ਆਪਣੇ ਗੀਤਾਂ ਦੀ ਵਰਤੋਂ ਕਰਨ ’ਤੇ ਲਾਈ ਰੋਕ

ਸ਼ਨੀਵਾਰ ਸਵੇਰ ਤੱਕ, ਉਨ੍ਹਾਂ ’ਚੋਂ 3 ਮਰੀਜ਼ਾਂ ਦੇ ਇਲਾਜ ਤੋਂ ਬਾਅਦ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਸੀ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਹ ਹਮਲਾ ਸੋਲਿੰਗਨ ਸ਼ਹਿਰ ਦੇ ਚਾਕੂ ਨਾਲ ਕੀਤੇ ਗਏ ਹਮਲੇ ਤੋਂ ਇਕ ਹਫਤੇ ਬਾਅਦ ਵਾਪਰਿਆ। ਸੋਲਿੰਗਨ ਉੱਤਰੀ ਰਾਇਨ-ਵੇਸਫੇਲੀਆ ਸੂਬੇ ਦਾ ਹੀ ਇਕ ਸ਼ਹਿਰ ਹੈ। ਇਸ ਹਮਲੇ ’ਚ ਸੀਰੀਆ ਦੇ ਇਕ ਸ਼ੱਕੀ ਇਸਲਾਮੀ ਕੱਟੜਪੰਥੀ ’ਤੇ 3 ਲੋਕਾਂ ਦੀ ਹੱਤਿਆ ਕਰਨ ਅਤੇ 8 ਹੋਰਨਾਂ ਨੂੰ ਜ਼ਖਮੀ ਕਰਨ ਦਾ ਦੋਸ਼ ਹੈ। ਪੁਲਸ ਨੇ ਕਿਹਾ ਕਿ ਸੀਗੇਨ ’ਚ ਗ੍ਰਿਫਤਾਰ ਕੀਤੀ ਗਈ ਔਰਤ ਇਕ ਜਰਮਨ ਨਾਗਰਿਕ ਸੀ ਜਿਸ ਦੀ ਕੋਈ ਪ੍ਰਵਾਸੀ ਪਿਛੋਕੜ ਨਹੀਂ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।