ਅਮਰੀਕੀ ਹਮਲੇ ''ਚ ਵੈਨੇਜ਼ੁਏਲਾ ਦਾ ਰੂਸੀ ਡਿਫੈਂਸ ਸਿਸਟਮ ਤਬਾਹ ! ਢੇਰ ਹੋਏ ਅਤਿ-ਆਧੁਨਿਕ ਹਥਿਆਰ

ਇੰਟਰਨੈਸ਼ਨਲ ਡੈਸਕ : ਅਮਰੀਕਾ ਅਤੇ ਵੈਨੇਜ਼ੁਏਲਾ ਵਿਚਾਲੇ ਚੱਲ ਰਹੇ ਤਣਾਅ ਦੌਰਾਨ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਅਮਰੀਕੀ ਹਵਾਈ ਹਮਲਿਆਂ ਨੇ ਵੈਨੇਜ਼ੁਏਲਾ ਦੇ ਹਿਗੁਏਰੋਟੇ ਏਅਰ ਬੇਸ 'ਤੇ ਤਾਇਨਾਤ ਰੂਸੀ ਨਿਰਮਿਤ Buk-M2E ਮੱਧ-ਦੂਰੀ ਦੇ ਏਅਰ ਡਿਫੈਂਸ ਸਿਸਟਮ ਨੂੰ ਪੂਰੀ ਤਰ੍ਹਾਂ ਤਬਾਹ ਕਰ ਦਿੱਤਾ ਹੈ। ਇਸ ਹਮਲੇ ਦੌਰਾਨ ਨਾ ਸਿਰਫ਼ ਇਹ ਮਿਜ਼ਾਈਲ ਪ੍ਰਣਾਲੀ ਨਸ਼ਟ ਹੋਈ, ਸਗੋਂ ਇੱਕ ਜਹਾਜ਼ ਅਤੇ ਹਵਾਈ ਅੱਡੇ ਦਾ ਬੁਨਿਆਦੀ ਢਾਂਚਾ ਵੀ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ ਹੈ।

ਇਹ ਵੀ ਪੜ੍ਹੋ...ਟ੍ਰੇਨ ਦੇ ਡੱਬੇ 'ਤੇ ਲਿਖੇ 5 ਅੰਕਾਂ ਦੇ ਨੰਬਰ ਦਾ ਕੀ ਹੈ ਮਤਲਬ? 95% ਲੋਕ ਨਹੀਂ ਜਾਣਦੇ ਇਹ ਰਾਜ਼

ਕੋਈ ਜਵਾਬੀ ਕਾਰਵਾਈ ਨਹੀਂ ਕਰ ਸਕਿਆ ਰੂਸੀ ਸਿਸਟਮ 
ਸੂਤਰਾਂ ਅਨੁਸਾਰ ਅਮਰੀਕੀ ਹਮਲਿਆਂ ਦੀ ਪਹਿਲੀ ਲਹਿਰ ਵਿੱਚ ਹੀ ਵੈਨੇਜ਼ੁਏਲਾ ਦਾ ਏਅਰ ਡਿਫੈਂਸ ਸਿਸਟਮ ਬੇਅਸਰ ਹੋ ਗਿਆ। ਵੀਡੀਓ ਫੁਟੇਜ ਤੋਂ ਪਤਾ ਲੱਗਾ ਹੈ ਕਿ ਜਦੋਂ ਹਮਲਾ ਹੋਇਆ ਤਾਂ Buk-M2E ਸਿਸਟਮ ਦੀਆਂ ਮਿਜ਼ਾਈਲਾਂ ਲੋਡ ਸਨ, ਪਰ ਇਸ ਦੇ ਬਾਵਜੂਦ ਕੋਈ ਜਵਾਬੀ ਫਾਇਰ ਨਹੀਂ ਹੋਇਆ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਅਮਰੀਕਾ ਨੇ ਹਮਲੇ ਤੋਂ ਪਹਿਲਾਂ ਹੀ ਰਡਾਰ ਅਤੇ ਕਮਾਂਡ ਸਿਸਟਮ ਨੂੰ ਜਾਮ ਕਰ ਦਿੱਤਾ ਸੀ, ਜਿਸ ਕਾਰਨ ਰੂਸੀ ਸਿਸਟਮ "ਅਸਮਾਨੀ ਲੜਾਈ" ਵਿੱਚ ਪੂਰੀ ਤਰ੍ਹਾਂ ਅਸਫਲ ਰਿਹਾ।

ਇਹ ਵੀ ਪੜ੍ਹੋ...LIC ਦਾ ਬੰਪਰ ਆਫਰ! ਬੰਦ ਪਾਲਿਸੀਆਂ ਮੁੜ ਹੋਣਗੀਆਂ ਚਾਲੂ, ਪੜ੍ਹੋ ਪੂਰੀ ਖ਼ਬਰ

ਰੂਸੀ ਹਥਿਆਰਾਂ ਦੀ ਭਰੋਸੇਯੋਗਤਾ 'ਤੇ ਸਵਾਲ
 ਇਸ ਘਟਨਾ ਨੇ ਰੂਸੀ ਹਥਿਆਰਾਂ ਦੀ ਤਾਕਤ 'ਤੇ ਵੱਡੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। Buk-M2E (ਨਾਟੋ ਨਾਮ: SA-17 Grizzly) ਨੂੰ ਇੱਕ ਬਹੁਤ ਹੀ ਆਧੁਨਿਕ ਸਿਸਟਮ ਮੰਨਿਆ ਜਾਂਦਾ ਹੈ ਜੋ 50 ਕਿਲੋਮੀਟਰ ਦੀ ਰੇਂਜ ਵਿੱਚ ਜਹਾਜ਼ਾਂ, ਡਰੋਨਾਂ ਅਤੇ ਕਰੂਜ਼ ਮਿਜ਼ਾਈਲਾਂ ਨੂੰ ਮਾਰਨ ਦੇ ਸਮਰੱਥ ਹੈ। ਵੈਨੇਜ਼ੁਏਲਾ ਨੇ 2015 ਦੇ ਆਸ-ਪਾਸ ਰੂਸ ਤੋਂ ਅਜਿਹੇ 12 ਸਿਸਟਮ ਖਰੀਦੇ ਸਨ, ਪਰ ਰੱਖ-ਰਖਾਅ ਅਤੇ ਸਪੇਅਰ ਪਾਰਟਸ ਦੀ ਕਮੀ ਕਾਰਨ ਇਨ੍ਹਾਂ ਵਿੱਚੋਂ ਸਿਰਫ਼ 5-6 ਹੀ ਚਾਲੂ ਹਾਲਤ ਵਿੱਚ ਸਨ।

ਇਹ ਵੀ ਪੜ੍ਹੋ...USA ਦੇ ਹੱਥ ਲੱਗਾ 1530000000000000 ਦਾ ਖਜ਼ਾਨਾ ! ਵੈਨੇਜ਼ੁਏਲਾ 'ਤੇ ਹਮਲਾ ਅਮਰੀਕਾ ਨੂੰ ਕਰੇਗਾ ਮਾਲਾਮਾਲ

ਅਮਰੀਕੀ ਮੁਹਿੰਮ ਨੂੰ ਮਿਲੀ ਵੱਡੀ ਸਫਲਤਾ
ਨਿਕੋਲਸ ਮਾਦੁਰੋ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ, ਵੈਨੇਜ਼ੁਏਲਾ ਦੀ ਫੌਜੀ ਸਮਰੱਥਾ ਨੂੰ ਇਹ ਦੂਜਾ ਵੱਡਾ ਝਟਕਾ ਲੱਗਾ ਹੈ। ਅਮਰੀਕਾ ਦੀ ਇਸ ਕਾਰਵਾਈ ਨਾਲ ਵੈਨੇਜ਼ੁਏਲਾ ਦਾ ਹਵਾਈ ਸੁਰੱਖਿਆ ਘੇਰਾ ਕਮਜ਼ੋਰ ਹੋ ਗਿਆ ਹੈ, ਜੋ ਕਿ ਰੂਸ ਲਈ ਵੀ ਇੱਕ ਵੱਡਾ ਕੂਟਨੀਤਕ ਝਟਕਾ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt