ਯੂਕ੍ਰੇਨ ਦੇ ਜ਼ਾਲੁਜ਼ਨੀ 10 ਜੁਲਾਈ ਨੂੰ UK ''ਚ ਸੰਭਾਲਣਗੇ ਰਾਜਦੂਤ ਵਜੋਂ ਚਾਰਜ

ਕੀਵ (ਏਜੰਸੀ)- ਯੂਕ੍ਰੇਨ ਦੇ ਸਾਬਕਾ ਫ਼ੌਜ ਕਮਾਂਡਰ-ਇਨ-ਚੀਫ਼ ਵੈਲੇਰੀ ਜ਼ਾਲੁਜ਼ਨੀ 10 ਜੁਲਾਈ ਨੂੰ ਯੂਨਾਈਟੇਡ ਕਿੰਗਡਮ 'ਚ ਯੂਕ੍ਰੇਨ ਦੇ ਰਾਜਦੂਤ ਵਜੋਂ ਚਾਰਜ ਸੰਭਾਲਣਗੇ। ਯੂਕ੍ਰੇਨੀ ਪ੍ਰਸਾਰਕ ਸੁਸਪਿਲਨੇ ਨੇ ਸ਼ਨੀਵਾਰ ਨੂੰ ਡਿਪਲੋਮੈਟ ਸੂਤਰਾਂ ਦਾ ਹਵਾਲਾ ਦਿੰਦੇ ਹੋਏ ਇਹ ਜਾਣਕਾਰੀ ਦਿੱਤੀ। 9 ਮਈ ਨੂੰ ਯੂਕ੍ਰੇਨੀ ਰਾਸ਼ਟਰਪਤੀ ਵੋਲੋਡਿਮੀਰ ਜ਼ੇਲੇਂਸਕੀ ਨੇ ਜ਼ਾਲੁਜ਼ਮੀ ਨੂੰ ਯੂ.ਕੇ. 'ਚ ਯੂਕ੍ਰੇਨ ਦਾ ਰਾਜਦੂਤ ਨਿਯੁਕਤ ਕੀਤਾ। 4 ਜੁਲਾਈ ਨੂੰ ਯੂਕ੍ਰੇਨੀ ਸਮਾਚਾਰ ਵੈੱਬਸਾਈਟ ਗਲੇਵਕਾਮ ਨੇ ਦੱਸਿਆ ਕਿ ਜ਼ਾਲੁਜ਼ਨੀ ਯੂ.ਕੇ. ਲਈ ਰਵਾਨਾ ਹੋ ਗਏ ਹਨ। ਸਾਬਕਾ ਕਮਾਂਡਰ-ਇਨ-ਚੀਫ਼ ਬ੍ਰਿਟਿਸ਼ ਰਾਜਾ ਚਾਰਲਸ III ਨੂੰ ਆਪਣੇ ਪ੍ਰਮਾਣ ਪੱਤਰ ਪੇਸ਼ ਕਰਨ ਤੋਂ ਬਾਅਦ ਆਪਣੇ ਰਾਜਦੂਤ ਵਜੋਂ ਚਾਰਜ ਸੰਭਾਲ ਸਕਣਗੇ।

8 ਫਰਵਰੀ ਨੂੰ ਜ਼ਾਲੁਜ਼ਨੀ ਨੂੰ ਯੂਕ੍ਰੇਨ ਦੀ ਥਲ ਸੈਨਾ ਦੇ ਸਾਬਕਾ ਮੁਖੀ ਓਲੇਕਸਾਂਦਰ ਸਿਸਰਕੀ ਵਲੋਂ ਫ਼ੌਜ ਕਮਾਂਡਰ-ਇਨ-ਚੀਫ਼ ਵਜੋਂ ਬਦਲ ਦਿੱਤਾ ਗਿਆ। ਕੁਝ ਦਿਨ ਪਹਿਲੇ, ਰਾਸ਼ਟਰਪਤੀ ਨੇ ਇਕ ਇਤਾਲਵੀ ਪ੍ਰਸਾਰਕ ਨਾਲ ਇਕ ਇਤਾਲਵੀ ਪ੍ਰਸਾਰਕ ਨਾਲ ਇਕ ਇੰਟਰਵਿਊ 'ਚ ਕਿਹਾ ਕਿ ਉਹ ਆਪਣੇ ਦੇਸ਼ ਲਈ ਮੁੜ ਸ਼ੁਰੂ ਅਤੇ ਨਵੀਂ ਸ਼ੁਰੂਆਤ ਚਾਹੁੰਦੇ ਹਨ। ਵਾਸ਼ਿੰਗਟਨ ਪੋਸਟ ਨੇ ਕਿਹਾ ਕਿ ਜੇਕਰ ਜ਼ੇਲੇਂਸਕੀ ਰਾਜਨੀਤ ਕਰੀਅਰ ਬਣਾਉਣ ਦਾ ਫ਼ੈਸਲਾ ਕਰਦੇ ਹਨ ਤਾਂ ਜ਼ਾਲੁਜ਼ਨੀ ਉਨ੍ਹਾਂ ਲਈ ਖ਼ਤਰਾ ਬਣ ਸਕਦੇ ਹਨ। 7 ਮਾਰਚ ਨੂੰ ਯੂਕ੍ਰੇਨੀ ਵਿਦੇਸ਼ ਮੰਤਰਾਲਾ ਨੇ ਕਿਹਾ ਕਿ ਉਸ ਨੇ ਬ੍ਰਿਟੇਨ 'ਚ ਯੂਕ੍ਰੇਨੀ ਰਾਜਦੂਤ ਦੇ ਅਹੁਦੇ ਲਈ ਜ਼ਾਲੁਜ਼ਨੀ ਦੀ ਉਮੀਦਵਾਰੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇                             

https://whatsapp.com/channel/0029Va94hsaHAdNVur4L170e