ਵੀਅਤਨਾਮ ''ਚ ਦਰੱਖਤ ਦਾ ਟਾਹਣਾ ਡਿੱਗਣ ਨਾਲ ਦੋ ਲੋਕਾਂ ਦੀ ਮੌਤ

ਹਨੋਈ : ਵੀਅਤਨਾਮ ਦੇ ਹੋਚੀ ਮਿਨਹ ਸਿਟੀ ਦੇ ਇੱਕ ਪਾਰਕ 'ਚ ਸ਼ੁੱਕਰਵਾਰ ਸਵੇਰੇ ਕਸਰਤ ਕਰ ਰਹੇ ਬਜ਼ੁਰਗਾਂ ਦੇ ਇੱਕ ਸਮੂਹ ਉੱਤੇ ਦਰੱਖਤ ਦੀ ਵੱਡੀ ਟਾਹਣੀ ਡਿੱਗਣ ਕਾਰਨ ਦੋ ਲੋਕਾਂ ਦੀ ਮੌਤ ਹੋ ਗਈ ਅਤੇ ਤਿੰਨ ਹੋਰ ਜ਼ਖ਼ਮੀ ਹੋ ਗਏ। ਇਸ ਬਾਰੇ ਸਥਾਨਕ ਮੀਡੀਆ ਨੇ ਜਾਣਕਾਰੀ ਦਿੱਤੀ ਹੈ।

ਜ਼ਿਲ੍ਹਾ 1 ਪੀਪਲਜ਼ ਕਮੇਟੀ ਦੇ ਚੇਅਰਮੈਨ ਲੇ ਡਕ ਥਾਨਹ ਨੇ ਕਿਹਾ ਕਿ ਤਾਓ ਦਾਨ ਪਾਰਕ 'ਚ 62 ਤੇ 60 ਸਾਲ ਦੇ ਦੋ ਵਿਅਕਤੀਆਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਸਿਨਹੂਆ ਨਿਊਜ਼ ਏਜੰਸੀ ਨੇ VnExpress ਦੇ ਹਵਾਲੇ ਨਾਲ ਦੱਸਿਆ ਕਿ 60 ਤੋਂ 70 ਸਾਲ ਦੀ ਉਮਰ ਦੇ ਤਿੰਨ ਹੋਰ ਲੋਕਾਂ ਨੂੰ ਐਮਰਜੈਂਸੀ ਲਈ ਸਥਾਨਕ ਹਸਪਤਾਲਾਂ 'ਚ ਭੇਜਿਆ ਗਿਆ। ਥਾਨਹ ਨੇ ਕਿਹਾ ਕਿ ਇਸ ਘਟਨਾ ਦੌਰਾਨ ਡਿੱਗਿਆ ਤਣਾ ਤਾਜ਼ਾ ਸੀ ਤੇ ਉਸ 'ਤੇ ਕਿਸੇ ਬਿਮਾਰੀ ਦੇ ਲੱਛਣ ਦਿਖਾਈ ਨਹੀਂ ਦੇ ਰਹੇ ਸਨ। 

ਹੋ ਚੀ ਮਿਨਹ ਸਿਟੀ ਗ੍ਰੀਨਰੀ ਪਾਰਕਸ ਕੰਪਨੀ ਲਿਮਿਟੇਡ ਦੇ ਇੱਕ ਨੁਮਾਇੰਦੇ ਨੇ ਦੱਸਿਆ ਕਿ ਦਰੱਖਤ ਲਗਭਗ 20 ਮੀਟਰ ਉੱਚਾ ਹੈ ਜਦੋਂ ਕਿ ਡਿੱਗੀ ਹੋਈ ਸ਼ਾਖਾ ਲਗਭਗ 10 ਮੀਟਰ ਲੰਬੀ ਅਤੇ 20-30 ਚੌੜੀ ਸੈਂਟੀਮੀਟਰ ਹੈ। ਟਾਹਣੀ ਉਸ ਵੇਲੇ ਡਿੱਗੀ ਜਦੋਂ ਹਨੇਰੀ ਜਾਂ ਮੀਂਹ ਨਹੀਂ ਪੈ ਰਿਹਾ ਸੀ। ਤਿੰਨ ਜ਼ਖ਼ਮੀ ਔਰਤਾਂ ਵਿੱਚੋਂ ਇੱਕ ਦਿਮਾਗੀ ਸੱਟ ਤੋਂ ਪੀੜਤ ਹੈ ਜਦੋਂ ਕਿ ਦੂਜੀ ਨੂੰ ਸਰਵਾਈਕਲ ਵਰਟੀਬਰਾ ਤੋਂ ਪੀੜਤ ਹੈ।