ਜਾਨ ਬਚਾਉਣ ਲਈ ਟਰੰਪ ਨੇ ਟਰੱਕ ''ਚ ਕੀਤਾ ਸਫ਼ਰ ! ਏਅਰਪੋਰਟ ''ਤੇ ਬਣ ਗਿਆ ਫ਼ਿਲਮੀ ਸੀਨ

ਇੰਟਰਨੈਸ਼ਨਲ ਡੈਸਕ- ਦੁਨੀਆ ਦਾ ਸਭ ਤੋਂ ਤਾਕਤਵਰ ਸ਼ਖਸ ਦੁਸ਼ਮਣ ਦੀ ਚਾਲ ਵਿਚ ਘਿਰ ਗਿਆ ਅਤੇ ਜਾਨ ਬਚਾਉਣ ਲਈ ਉਹ ਕੇਟਰਿੰਗ ਦਾ ਸਾਮਾਨ ਲੱਦਣ ਵਾਲੇ ਟਰੱਕ ਵਿਚ ਸਵਾਰ ਹੋ ਗਿਆ। ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨਾਲ ਵਾਪਰੇ ਹੈਰਾਨਕੁੰਨ ਘਟਨਾਕ੍ਰਮ ਦਾ ਖੁਲਾਸਾ ਹੋਇਆ ਹੈ, ਜਦੋਂ ਉਨ੍ਹਾਂ ਦੀ ਜਾਨ ਨੂੰ ਖ਼ਤਰੇ ਵਿਚ ਦੇਖ ਕੇ ਟਰੱਕ ਵਿਚ ਬਿਠਾ ਕੇ ਪੁਰਾਣੇ ਏਅਰ ਫ਼ੋਰਸ ਵੰਨ ਤੱਕ ਪਹੁੰਚਾਇਆ ਗਿਆ। ਘਟਨਾ 8 ਜੁਲਾਈ ਦੀ ਹੈ ਜਦੋਂ ਟਰੰਪ ਨਾਟੋ ਸੰਮੇਲਨ ਵਿਚ ਸ਼ਾਮਲ ਹੋਣ ਤੁਰਕੀ ਪੁੱਜੇ ਅਤੇ ਉਨ੍ਹਾਂ ਨੇ ਕਤਰ ਤੋਂ ਤੋਹਫ਼ੇ ਵਿਚ ਮਿਲੇ ਜਹਾਜ਼ ਦੀ ਵਰਤੋਂ ਕੀਤੀ। ਸੰਮੇਲਨ ਖ਼ਤਮ ਹੋਇਆ ਤਾਂ ਸੀਕਰੇਟ ਸਰਵਿਸ ਵਾਲਿਆਂ ਨੂੰ ਈਰਾਨ ਵੱਲੋਂ ਵੱਡੇ ਖ਼ਤਰੇ ਦੀ ਸੂਹ ਮਿਲੀ ਪਰ ਕਤਰ ਵਾਲਾ ਜਹਾਜ਼ ਅਜਿਹੇ ਖ਼ਤਰਿਆਂ ਨਾਲ ਨਜਿੱਠਣ ਦੇ ਸਮਰੱਥ ਨਹੀਂ ਸੀ।

ਲੋਕਾਂ ਦੀਆਂ ਨਜ਼ਰਾਂ ਨੂੰ ਧੋਖਾ ਦੇਣ ਖਾਤਰ ਡੋਨਾਲਡ ਟਰੰਪ ਪਹਿਲਾਂ ਨਵੇਂ ਜਹਾਜ਼ ਵਿਚ ਚੜ੍ਹੇ ਪਰ ਖਾਸ ਲਾਂਘੇ ਰਾਹੀਂ ਬਿਲਕੁਲ ਹੇਠਾਂ ਮੌਜੂਦ ਕੇਟਰਿੰਗ ਟਰੱਕ ਵਿਚ ਗਏ ਅਤੇ ਬਾਅਦ ਵਿਚ ਇਹ ਟਰੱਕ ਪੁਰਾਣੇ ਏਅਰਫ਼ੋਰਸ ਵੰਨ ਦੇ ਹੇਠਾਂ ਜਾ ਕੇ ਰੁਕ ਗਿਆ ਜਿਥੋਂ ਟਰੰਪ ਆਪਣੇ ਜਹਾਜ਼ ਵਿਚ ਸਵਾਰ ਹੋਏ ਅਤੇ ਫਿਰ ਯੂ.ਕੇ. ਤੱਕ ਦਾ ਸਫ਼ਰ ਆਰੰਭ ਹੋਇਆ। ਵਿਉਂਤਬੰਦੀ ਐਨੇ ਸ਼ਾਤਰ ਤਰੀਕੇ ਨਾਲ ਕੀਤੀ ਗਈ ਕਿ ਟਰੰਪ ਦੇ ਨਵੇਂ ਜਹਾਜ਼ ਵਿਚ ਮੌਜੂਦ ਪੱਤਰਕਾਰਾਂ ਨੂੰ ਵੀ ਪਤਾ ਨਾ ਲੱਗਾ ਕਿ ਟਰੰਪ ਇਸ ਜਹਾਜ਼ ਵਿਚ ਨਹੀਂ। ਇਥੋਂ ਤੱਕ ਕਿ ਵਾਈਟ ਹਾਊਸ ਦੇ ਕਈ ਸੀਨੀਅਰ ਅਫ਼ਸਰ ਵੀ ਇਸ ਯੋਜਨਾਬੰਦੀ ਤੋਂ ਅਣਜਾਣ ਸਨ। 

ਪੜ੍ਹੋ ਇਹ ਅਹਿਮ ਖ਼ਬਰ-   ਇੰਡੋਨੇਸ਼ੀਆ 'ਚ ਯਾਤਰੀਆਂ ਨਾਲ ਭਰੀ ਕਿਸ਼ਤੀ 'ਚ ਲੱਗੀ ਅੱਗ, ਬਚਾਏ ਗਏ 100 ਤੋਂ ਵਧੇਰੇ ਲੋਕ

ਵਾਸ਼ਿੰਗਟਨ ਪੋਸਟ ਅਤੇ ਹੋਰ ਕਈ ਮੀਡੀਆ ਅਦਾਰਿਆਂ ਦੀ ਰਿਪੋਰਟ ਵਿਚ ਇਹ ਘਟਨਾਕ੍ਰਮ ਬਿਆਨ ਕੀਤਾ ਗਿਆ ਹੈ। ਨਵੇਂ ਜਹਾਜ਼ ਦੀ ਫਲਾਈਟ ਦੌਰਾਨ ਪੱਤਰਕਾਰਾਂ ਨੂੰ ਵਿੰਡੋ ਸ਼ੇਡ ਡਾਊਨ ਕਰਨ ਲਈ ਆਖਿਆ ਗਿਆ ਅਤੇ ਅਜਿਹੀ ਸਾਵਧਾਨੀ ਉਸ ਵੇਲੇ ਵਰਤੀ ਜਾਂਦੀ ਹੈ ਜਦੋਂ ਹਵਾਈ ਜਹਾਜ਼ ਕਿਸੇ ਖ਼ਤਰਨਾਕ ਇਲਾਕੇ ਵਿਚੋਂ ਲੰਘ ਰਿਹਾ ਹੁੰਦਾ ਹੈ। ਇੱਥੇ ਦੱਸਣਾ ਬਣਦਾ ਹੈ ਕਿ ਅਮਰੀਕਾ ਦੇ ਰਾਸ਼ਟਰਪਤੀ ਨੂੰ ਖ਼ਤਰੇ ਤੋਂ ਬਚਾਉਣ ਵਾਸਤੇ ਇਹ ਤਰੀਕਾ ਨਵਾਂ ਨਹੀਂ। ਸਾਲ 2000 ਵਿਚ ਜਦੋਂ ਬਿਲ ਕਲਿੰਟਨ ਪਾਕਿਸਤਾਨ ਗਏ ਤਾਂ ਉਨ੍ਹਾਂ ਨੂੰ ਵੀ ਅਜਿਹੇ ਸਰਕਾਰੀ ਜਹਾਜ਼ ਰਾਹੀਂ ਭੇਜਿਆ ਗਿਆ ਜਿਸ 'ਤੇ ਅਮਰੀਕਾ ਨਾਲ ਸਬੰਧਤ ਕੋਈ ਨਿਸ਼ਾਨੀ ਨਜ਼ਰ ਨਹੀਂ ਆਉਂਦਾ ਸੀ। 

ਇਸ ਵੇਲੇ ਡੋਨਾਲਡ ਟਰੰਪ ਵੱਲੋਂ ਵਰਤਿਆ ਜਾ ਰਿਹਾ ਬੋਇੰਗ 747-8 ਜਹਾਜ਼ ਕਤਰ ਦੇ ਸ਼ਾਹੀ ਪਰਿਵਾਰ ਤੋਂ ਤੋਹਫ਼ੇ ਵਿਚ ਮਿਲਿਆ ਅਤੇ ਇਸ ਵਿਚ ਕਾਫ਼ੀ ਸੁਧਾਰ ਵੀ ਕੀਤੇ ਗਏ ਪਰ ਏਅਰਫ਼ੋਰਸਨ ਵੰਨ ਦੇ ਬਰਾਬਰ ਨਾ ਬਣਾਇਆ ਜਾ ਸਕਿਆ। ਇਸੇ ਦੌਰਾਨ ਵਾਈਟ ਹਾਊਸ ਨੇ ਕਿਹਾ ਕਿ ਨਵੇਂ ਜਹਾਜ਼ ਵਿਚ ਸੁਰੱਖਿਆ ਦੀ ਕੋਈ ਕਮੀ ਨਹੀਂ ਪਰ ਅਮਰੀਕਾ ਦੇ ਕਈ ਦੁਸ਼ਮਣ ਟਰੰਪ ਨੂੰ ਨਿਸ਼ਾਨਾ ਬਣਾਉਣਾ ਚਾਹੁੰਦੇ ਹਨ ਜਿਸ ਦੇ ਮੱਦੇਨਜ਼ਰ ਸੁਰੱਖਿਆ ਯਕੀਨੀ ਬਣਾਉਣ ਦੇ ਵੱਖੋ ਵੱਖਰੇ ਤਰੀਕੇ ਅਖਤਿਆਰ ਕਰਨੇ ਵੀ ਲਾਜ਼ਮੀ ਹੋ ਜਾਂਦੇ ਹਨ। ਵ੍ਹਾਈਟ ਹਾਊਸ ਦੇ ਟਿੱਪਣੀ ਦੇ ਉਲਟ ਟਰੰਪ ਸ਼ਰ੍ਹੇਆਮ ਕਬੂਲ ਕਰ ਚੁੱਕੇ ਹਨ ਕਿ ਕਤਰ ਤੋਂ ਮਿਲੇ ਜਹਾਜ਼ ਵਿਚ ਕੁਝ ਸੁਧਾਰ ਕੀਤੇ ਜਾਣੇ ਬਾਕੀ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।