ਅਮਰੀਕਾ 'ਚ ਬਰਫ਼ੀਲੇ ਤੂਫਾਨ ਦਾ ਕਹਿਰ, ਸੈਨ ਫਰਾਂਸਿਸਕੋ ਲਈ ਚਿਤਾਵਨੀ ਜਾਰੀ (ਤਸਵੀਰਾਂ)

ਓਮਾਹਾ (ਭਾਸ਼ਾ)- ਅਮਰੀਕਾ ਦੇ ਆਇਓਵਾ ਅਤੇ ਪੂਰਬੀ ਨੇਬਰਾਸਕਾ ‘ਚ ਬਰਫ਼ੀਲੇ ਤੂਫਾਨ ਕਾਰਨ ਸੜਕਾਂ ‘ਤੇ ਬਰਫ ਜਮ੍ਹਾਂ ਹੋ ਗਈ ਅਤੇ ਕਈ ਵਾਹਨਾਂ ਦੇ ਤਿਲਕਣ ਦੀਆਂ ਘਟਨਾਵਾਂ ਕਾਰਨ ‘ਇੰਟਰਸਟੇਟ 80’ ਹਾਈਵੇਅ ਨੂੰ ਅਸਥਾਈ ਤੌਰ ‘ਤੇ ਬੰਦ ਕਰਨਾ ਪਿਆ। ਸ਼ੁੱਕਰਵਾਰ ਸ਼ਾਮ ਨੂੰ ਬਰਫੀਲੇ ਤੂਫਾਨ ਦੀ ਲਪੇਟ 'ਚ ਆਉਣ ਤੋਂ ਬਾਅਦ ਇਲਾਕੇ 'ਚ ਆਯੋਜਿਤ ਕਈ ਪ੍ਰੋਗਰਾਮਾਂ ਨੂੰ ਰੱਦ ਕਰਨਾ ਪਿਆ। 

ਪੂਰਬੀ ਨੇਬਰਾਸਕਾ 'ਚ ਸੜਕਾਂ 'ਤੇ ਬਰਫ ਕਾਰਨ ਹੋਏ ਹਾਦਸੇ 'ਚ ਇਕ ਔਰਤ ਦੀ ਮੌਤ ਹੋ ਗਈ। ਵਾਸ਼ਿੰਗਟਨ ਕਾਉਂਟੀ ਸ਼ੈਰਿਫ ਦੇ ਦਫਤਰ ਨੇ ਕਿਹਾ ਕਿ 57 ਸਾਲਾ ਔਰਤ ਹਾਈਵੇਅ 30 'ਤੇ ਆਪਣੇ ਵਾਹਨ ਤੋਂ ਕੰਟਰੋਲ ਗੁਆ ਬੈਠੀ ਅਤੇ ਆ ਰਹੇ ਟਰੱਕ ਨਾਲ ਟਕਰਾ ਗਈ। ਟਰੱਕ ਦੇ ਡਰਾਈਵਰ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਸਾਨ ਫਰਾਂਸਿਸਕੋ ਵਿੱਚ 96 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਚੱਲਣ ਵਾਲੀਆਂ ਹਵਾਵਾਂ ਕਾਰਨ ਪਹਿਲੀ ਵਾਰ ਤੂਫ਼ਾਨ ਦੀ ਚਿਤਾਵਨੀ ਜਾਰੀ ਕੀਤੀ ਗਈ ਸੀ।

ਪੜ੍ਹੋ ਇਹ ਅਹਿਮ ਖ਼ਬਰ-Russia ਹੋਇਆ ਵੀਜ਼ਾ ਫ੍ਰੀ, ਭਾਰਤੀਆਂ ਦੀਆਂ ਮੌਜ਼ਾਂ ਹੀ ਮੌਜ਼ਾਂ

ਮੌਸਮ ਵਿਭਾਗ ਮੁਤਾਬਕ ਸਾਨ ਫਰਾਂਸਿਸਕੋ 'ਚ ਤੇਜ਼ ਹਵਾਵਾਂ ਕਾਰਨ ਕੁਝ ਦਰੱਖਤ ਕਾਰਾਂ ਅਤੇ ਸੜਕਾਂ 'ਤੇ ਡਿੱਗ ਗਏ। ਸੈਨ ਫਰਾਂਸਿਸਕੋ ਨੂੰ 2005 ਤੋਂ ਬਾਅਦ ਕੋਈ ਤੂਫਾਨ ਨਹੀਂ ਆਇਆ ਹੈ। ਕੈਲੀਫੋਰਨੀਆ ਦੇ ਮੋਨਟੇਰੀ ਵਿੱਚ ਮੌਸਮ ਸੇਵਾ ਦੇ ਦਫਤਰ ਦੇ ਮੌਸਮ ਵਿਗਿਆਨੀ ਰੋਜਰ ਗਾਸ ਨੇ ਕਿਹਾ, “ਸੈਨ ਫਰਾਂਸਿਸਕੋ ਵਿੱਚ ਸੰਭਾਵਿਤ ਤੂਫਾਨ ਦੀ ਇਹ ਪਹਿਲੀ ਚਿਤਾਵਨੀ ਹੈ। ਮੇਰਾ ਮੰਨਣਾ ਹੈ ਕਿ 2005 ਵਿੱਚ ਰਾਡਾਰ 'ਤੇ ਕੋਈ ਸਪੱਸ਼ਟ ਚੇਤਾਵਨੀ ਸੰਕੇਤ ਨਹੀਂ ਸੀ।"

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।