ਅੱਲੜ੍ਹ ਉਮਰ ਦੇ ਨੌਜਵਾਨ ਦਾ ਕਾਰਾ, ਸਕੂਲੀ ਵਿਦਿਆਰਥੀ ਨੂੰ ਮਾਰ ''ਤਾ ਚਾਕੂ

ਬੈਂਕਾਕ (ਪੋਸਟ ਬਿਊਰੋ)- ਥਾਈਲੈਂਡ ਦੀ ਪੁਲਸ ਨੇ ਇਕ 14 ਸਾਲਾ ਨੌਜਵਾਨ ਨੰੂ ਹੱਤਿਆ ਦੇ ਦੋਸ਼ 'ਚ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਸ ਨੇ ਦੱਸਿਆ ਕਿ ਨੌਜਵਾਨ ਨੇ ਇੱਕ ਥਾਈ-ਆਸਟ੍ਰੇਲੀਆਈ ਸਕੂਲੀ ਵਿਦਿਆਰਥੀ ਨਾਲ ਚੱਲ ਰਹੇ ਝਗੜੇ ਤੋਂ ਬਾਅਦ ਲੜਾਈ ਵਿੱਚ ਉਸ ਨੂੰ ਚਾਕੂ ਮਾਰ ਕੇ ਮਾਰ ਦਿੱਤਾ ਸੀ।

ਸਤਾਹਿਪ ਦੇ ਡਾਇਰੈਕਟਰ ਪੁਲਸ ਕਰਨਲ ਟੈਨਾਪੋਲ ਕਲਿੰਕਸੋਰਨ ਨੇ ਦੱਸਿਆ ਕਿ ਸ਼ੱਕੀ ਨੇ ਜਾਂਚਕਰਤਾਵਾਂ ਨੂੰ ਦੱਸਿਆ ਕਿ ਉਹ ਅਤੇ ਪੀੜਤ ਨੇ ਇਕ-ਦੂਜੇ ਨੂੰ ਸਕੂਲ ਤੋਂ ਨਾਪਸੰਦ ਕਰਦੇ ਸਨ। ਫਿਰ ਉਹ ਲਾਈਨ ਮੈਸੇਜਿੰਗ ਐਪ ਰਾਹੀਂ ਮੰਗਲਵਾਰ ਨੂੰ ਚੋਨਬੁਰੀ ਪ੍ਰਾਂਤ ਦੇ ਸਤਾਹਿੱਪ ਵਿੱਚ ਆਪਣੇ ਘਰ ਨੇੜੇ ਇੱਕ ਕਰਿਆਨੇ ਦੀ ਦੁਕਾਨ ਦੇ ਬਾਹਰ ਮਿਲਣ ਲਈ ਸਹਿਮਤ ਹੋਏ।  ਟੈਨਪੋਲ ਨੇ ਦੱਸਿਆ ਕਿ ਇਸ ਦੌਰਾਨ ਸ਼ੱਕੀ ਲੜਾਈ ਹਾਰ ਗਿਆ ਕਿਉਂਕਿ ਦੂਜਾ ਲੜਕਾ ਵੱਡਾ ਸੀ, ਪਰ ਬਾਅਦ ਵਿਚ ਸ਼ੱਕੀ ਨੇ ਖਾਣਾ ਪਕਾਉਣ ਵਾਲੇ ਚਾਕੂ ਨਾਲ ਪੀੜਤ ਦੀ ਪਿੱਠ 'ਤੇ ਹਮਲਾ ਕਰ ਦਿੱਤਾ।

ਪੜ੍ਹੋ ਇਹ ਅਹਿਮ ਖ਼ਬਰ-"ਭਾਰਤ ਸਰਕਾਰ ਦਾ ਧੰਨਵਾਦ," ਸੀਰੀਆ ਤੋਂ ਕੱਢੇ ਵਿਅਕਤੀ ਨੇ ਸੁਣਾਈ ਹੱਡ ਬੀਤੀ

ਪੁਲਸ ਨੇ ਕਿਹਾ ਕਿ ਪੀੜਤ ਵੀ 14 ਸਾਲ ਦਾ ਸੀ, ਪਰ ਸ਼ੱਕੀ ਅੱਠਵੀਂ ਜਮਾਤ ਦਾ ਵਿਦਿਆਰਥੀ ਸੀ ਜਦਕਿ ਪੀੜਤ ਉਸ ਤੋਂ ਇੱਕ ਸਾਲ ਪਿੱਛੇ ਸੀ। ਪੁਲਸ ਨੇ ਨਾਬਾਲਗ ਹੋਣ ਕਾਰਨ ਨੌਜਵਾਨਾਂ ਦੇ ਨਾਮ ਜਾਰੀ ਨਹੀਂ ਕੀਤੇ ਪਰ ਦੱਸਿਾ ਕਿ ਆਸਟ੍ਰੇਲੀਆਈ ਦੂਤਘਰ ਨੇ ਪੁਸ਼ਟੀ ਕੀਤੀ ਹੈ ਕਿ ਪੀੜਤ ਕੋਲ ਦੋਹਰੀ ਨਾਗਰਿਕਤਾ ਹੈ। ਇੱਕ ਚੈਰਿਟੀ ਸੰਸਥਾ ਸਵਾਂਗ ਰੋਜ਼ਨਾਥਮ ਰੈਸਕਿਊ ਫਾਊਂਡੇਸ਼ਨ, ਜਿਸ ਦੇ EMS ਵਰਕਰ ਘਟਨਾ ਸਥਾਨ 'ਤੇ ਪਹੁੰਚੇ, ਦੇ ਅਨੁਸਾਰ ਪੀੜਤ ਸਟੋਰ ਦੇ ਪ੍ਰਵੇਸ਼ ਦੁਆਰ 'ਤੇ ਮਿਲਿਆ। ਉਸ ਦੀ ਪਿੱਠ ਵਿੱਚ ਚਾਕੂ ਸੀ ਅਤੇ ਇਸਦਾ ਟੁੱਟਿਆ ਹੋਇਆ ਹੈਂਡਲ ਜ਼ਮੀਨ 'ਤੇ ਪਿਆ ਪਾਇਆ ਗਿਆ।

ਪੜ੍ਹੋ ਇਹ ਅਹਿਮ ਖ਼ਬਰ-ਕਿਸਾਨ ਅੰਦੋਲਨ ਦੇ ਪੱਖ 'ਚ ਪ੍ਰਵਾਸੀ ਭਾਰਤੀ, ਕੈਨੇਡਾ ਤੋਂ ਲੈ ਕੇ ਅਮਰੀਕਾ ਤੱਕ ਰੈਲੀਆਂ

ਟੈਨਪੋਲ ਨੇ ਕਿਹਾ ਕਿ ਸ਼ੱਕੀ ਨੇ ਆਪਣੇ ਮਾਤਾ-ਪਿਤਾ ਨਾਲ ਚਾਕੂ ਮਾਰਨ ਤੋਂ ਇਕ ਘੰਟੇ ਬਾਅਦ ਸਤਾਹਿਪ ਪੁਲਸ ਕੋਲ ਆਤਮ ਸਮਰਪਣ ਕਰ ਦਿੱਤਾ। ਪੁਲਸ ਨੇ ਉਸ 'ਤੇ ਕਿਸੇ ਹੋਰ ਵਿਅਕਤੀ ਨੂੰ ਘਾਤਕ ਸਰੀਰਕ ਨੁਕਸਾਨ ਪਹੁੰਚਾਉਣ ਅਤੇ ਹਥਿਆਰਾਂ ਦੇ ਜੁਰਮ ਦਾ ਦੋਸ਼ ਲਗਾਇਆ ਹੈ। ਉਸਨੂੰ ਚੋਨਬੁਰੀ ਜੁਵੇਨਾਈਲ ਅਤੇ ਫੈਮਿਲੀ ਕੋਰਟ ਦੁਆਰਾ ਬੁੱਧਵਾਰ ਨੂੰ 10,000 ਬਾਠ (295 ਡਾਲਰ) ਦੀ ਜ਼ਮਾਨਤ 'ਤੇ ਰਿਹਾਅ ਕੀਤਾ ਗਿਆ। ਪੁਲਸ ਨੇ ਕਿਹਾ ਕਿ ਦੋਸ਼ਾਂ ਤਹਿਤ ਵੱਧ ਤੋਂ ਵੱਧ ਸਜ਼ਾ 15 ਸਾਲ ਦੀ ਹੈ ਅਤੇ ਉਹ ਮਾਮਲੇ ਦੀ ਹੋਰ ਜਾਂਚ ਕਰ ਰਹੇ ਹਨ। ਜ਼ਿਕਰਯੋਗ ਹੈ ਕਿ ਥਾਈਲੈਂਡ ਵਿੱਚ ਕਿਸ਼ੋਰ ਹਿੰਸਾ ਦੁਰਲੱਭ ਨਹੀਂ ਹੈ ਪਰ ਘਾਤਕ ਮਾਮਲਿਆਂ ਵਿੱਚ ਆਮ ਤੌਰ 'ਤੇ ਵੱਡੇ ਵਿਦਿਆਰਥੀਆਂ ਦੇ ਵਿਰੋਧੀ ਗੈਂਗ ਸ਼ਾਮਲ ਹੁੰਦੇ ਹਨ। ਸਤਾਹਿਪ ਰਾਜਧਾਨੀ ਬੈਂਕਾਕ ਤੋਂ ਲਗਭਗ 114 ਕਿਲੋਮੀਟਰ ਦੱਖਣ-ਪੂਰਬ ਵਿੱਚ ਹੈ।

 ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।