ਰੂਸ ਨੇ 125 ਯੂਕ੍ਰੇਨੀ ਡਰੋਨ ਕੀਤੇ ਢੇਰ

ਮਾਸਕੋ (ਆਈ.ਏ.ਐੱਨ.ਐੱਸ.)-  ਰੂਸੀ ਹਵਾਈ ਰੱਖਿਆ ਬਲਾਂ ਨੇ ਸੱਤ ਖੇਤਰਾਂ ਅਤੇ ਅਜ਼ੋਵ ਸਾਗਰ ਵਿੱਚ ਰਾਤੋ ਰਾਤ 125 ਯੂਕ੍ਰੇਨੀ ਡਰੋਨਾਂ ਨੂੰ ਰੋਕਿਆ ਅਤੇ ਨਸ਼ਟ ਕਰ ਦਿੱਤਾ। ਰੂਸੀ ਰੱਖਿਆ ਮੰਤਰਾਲੇ ਨੇ ਐਤਵਾਰ ਨੂੰ ਇਸ ਸਬੰਧੀ ਜਾਣਕਾਰੀ ਦਿੱਤੀ। ਸਿਨਹੂਆ ਸਮਾਚਾਰ ਏਜੰਸੀ ਨੇ ਦੱਸਿਆ ਕਿ ਮੰਤਰਾਲੇ ਅਨੁਸਾਰ 67 ਡਰੋਨ ਵੋਲਗੋਗਰਾਡ ਖੇਤਰ ਵਿੱਚ, ਬੇਲਗੋਰੋਡ ਵਿੱਚ 17, ਵੋਰੋਨੇਜ਼ ਵਿੱਚ 17 ਅਤੇ ਰੋਸਟੋਵ ਖੇਤਰ ਵਿੱਚ 18 ਡਰੋਨਾਂ ਨੂੰ ਡੇਗਿਆ ਗਿਆ। ਇਸ ਤੋਂ ਇਲਾਵਾ ਇਕ ਡਰੋਨ ਨੂੰ ਕ੍ਰਮਵਾਰ ਬ੍ਰਾਇੰਸਕ, ਕੁਰਸਕ ਅਤੇ ਕ੍ਰਾਸਨੋਡਾਰ 'ਤੇ ਰੋਕਿਆ ਗਿਆ, ਜਦੋਂ ਕਿ ਤਿੰਨ ਨੂੰ ਅਜ਼ੋਵ ਸਾਗਰ 'ਤੇ ਬੇਅਸਰ ਕਰ ਦਿੱਤਾ ਗਿਆ।

ਪੜ੍ਹੋ ਇਹ ਅਹਿਮ ਖ਼ਬਰ-ਅੱਜ ਤੋਂ ਧਰਤੀ 'ਤੇ ਦਿਸਣਗੇ Two Moon, ਧਰਤੀ ਦੁਆਲੇ ਘੁੰਮੇਗਾ 'ਮਿੰਨੀ ਚੰਨ'

ਡਰੋਨ ਹਮਲਿਆਂ ਦੇ ਬਾਅਦ, ਮਲਬੇ ਦੇ ਡਿੱਗਣ ਕਾਰਨ ਵੋਰੋਨੇਜ਼ ਅਤੇ ਇਸਦੇ ਆਲੇ-ਦੁਆਲੇ ਕਈ ਥਾਵਾਂ 'ਤੇ ਅੱਗ ਲੱਗ ਗਈ ਲੱਗੀ, ਪਰ ਸਥਾਨਕ ਐਮਰਜੈਂਸੀ ਸੇਵਾਵਾਂ ਨੇ ਪੁਸ਼ਟੀ ਕੀਤੀ ਕਿ ਸਾਰੀਆਂ ਅੱਗਾਂ ਨੂੰ ਬੁਝਾ ਦਿੱਤਾ ਗਿਆ ਹੈ। ਇਸ ਤੋਂ ਪਹਿਲਾਂ ਵੋਰੋਨੇਜ਼ ਦੇ ਗਵਰਨਰ ਅਲੈਗਜ਼ੈਂਡਰ ਗੁਸੇਵ ਨੇ ਟੈਲੀਗ੍ਰਾਮ 'ਤੇ ਕਿਹਾ ਸੀ ਕਿ ਮਾਸਕੋ ਐਵੇਨਿਊ 'ਤੇ ਇੱਕ ਡਿੱਗਣ ਵਾਲੇ ਡਰੋਨ ਨੇ ਇੱਕ ਰਿਹਾਇਸ਼ੀ ਕੰਪਲੈਕਸ 'ਤੇ ਹਮਲਾ ਕੀਤਾ, ਜਿਸ ਨਾਲ ਅੱਗ ਲੱਗ ਗਈ। ਖੱਬੇ-ਕਿਨਾਰੇ ਜ਼ਿਲ੍ਹੇ ਦੇ ਰਿਹਾਇਸ਼ੀ ਖੇਤਰਾਂ ਵਿੱਚ ਵੀ ਅੱਗ ਲੱਗਣ ਦੀ ਸੂਚਨਾ ਮਿਲੀ ਹੈ। ਸ਼ਹਿਰ ਦੇ ਬਾਹਰਵਾਰ ਕਈ ਹੋਰ ਡਰੋਨਾਂ ਨੂੰ ਨਸ਼ਟ ਕੀਤਾ ਗਿਆ ਅਤੇ ਉਨ੍ਹਾਂ ਵਿਚ ਅੱਗ ਲੱਗ ਗਈ। ਗੁਸੇਵ ਨੇ ਕਿਹਾ ਕਿ ਜਾਨੀ ਨੁਕਸਾਨ ਦੀ ਕੋਈ ਤੁਰੰਤ ਰਿਪੋਰਟ ਨਹੀਂ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।