ਰਾਸ਼ਟਰਪਤੀ ਰਹਿੰਦਿਆਂ Trump ਕਤਰ ਦੇ ਲਗਜ਼ਰੀ ਬੋਇੰਗ 'ਚ ਨਹੀਂ ਭਰ ਸਕਣਗੇ ਉਡਾਣ

ਨਿਊਯਾਰਕ-  ਕਤਰ ਨੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ 40 ਮਿਲੀਅਨ ਡਾਲਰ (ਲਗਭਗ 3,426 ਕਰੋੜ ਰੁਪਏ) ਦਾ ਬੋਇੰਗ 747-8 ਜਹਾਜ਼ ਤੋਹਫ਼ੇ ਵਜੋਂ ਦਿੱਤਾ ਹੈ। ਇਸਦੀ ਡਿਲੀਵਰੀ ਸੰਬੰਧੀ ਇੱਕ ਸਮੱਸਿਆ ਬਣੀ ਹੋਈ ਹੈ। ਰਿਪੋਰਟਾਂ ਅਨੁਸਾਰ ਇਸ 'ਹਵਾ ਮਹਿਲ' ਦੀ ਡਿਲੀਵਰੀ 2027 ਤੋਂ ਪਹਿਲਾਂ ਹੋਣ ਦੀ ਉਮੀਦ ਨਹੀਂ ਹੈ। ਸੁਰੱਖਿਆ ਮਨਜ਼ੂਰੀ ਕਾਰਨ ਇਸਦੀ ਸਪੁਰਦਗੀ 2029 ਜਾਂ ਬਾਅਦ ਵਿੱਚ ਕੀਤੀ ਜਾਵੇਗੀ। ਇਸਦਾ ਮਤਲਬ ਹੈ ਕਿ ਟਰੰਪ ਸੰਭਾਵਤ ਤੌਰ 'ਤੇ ਰਾਸ਼ਟਰਪਤੀ ਹੁੰਦਿਆਂ ਇਸਦੀ ਵਰਤੋਂ ਨਹੀਂ ਕਰ ਸਕਣਗੇ।

ਨਿਊਯਾਰਕ ਟਾਈਮਜ਼ ਦੀ ਇੱਕ ਰਿਪੋਰਟ ਅਨੁਸਾਰ ਟਰੰਪ ਦੀ ਕਤਰ ਫੇਰੀ ਦੌਰਾਨ ਅਮਰੀਕਾ ਨੇ ਸੰਘੀ ਨਿਯਮਾਂ ਅਤੇ ਕਾਨੂੰਨਾਂ ਅਨੁਸਾਰ ਕਤਰ ਤੋਂ ਬੋਇੰਗ 747 ਦੇ ਤੋਹਫ਼ੇ ਨੂੰ ਮਨਜ਼ੂਰੀ ਦੇ ਦਿੱਤੀ। ਇਹ ਜੰਬੋ ਜੈੱਟ ਅਤਿ-ਆਧੁਨਿਕ ਤਕਨਾਲੋਜੀ ਨਾਲ ਲੈਸ ਹੈ। ਚਾਰ GenX-2B ਟਰਬੋਫੈਨ ਇੰਜਣ ਵਾਲੀ ਬੋਇੰਗ 747 ਸੀਰੀਜ਼ ਦੇ ਸਭ ਤੋਂ ਵੱਡੇ ਜਹਾਜ਼ ਵਿੱਚ ਇੱਕ ਆਲੀਸ਼ਾਨ ਮਾਸਟਰ ਬੈੱਡਰੂਮ, ਕਾਨਫਰੰਸ ਰੂਮ, ਡਾਇਨਿੰਗ ਏਰੀਆ, ਲਾਉਂਜ ਅਤੇ ਬਾਥਰੂਮ ਹੈ। ਸੁਰੱਖਿਆ ਲਈ ਇੱਕ ਇਨਫਰਾਰੈੱਡ ਜੈਮਰ ਵੀ ਲਗਾਇਆ ਗਿਆ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਹਾਰਵਰਡ 'ਤੇ ਵਿਦੇਸ਼ੀ ਵਿਦਿਆਰਥੀਆਂ ਨੂੰ ਦਾਖਲਾ ਦੇਣ 'ਤੇ ਰੋਕ, ਜਾਣੋ ਭਾਰਤੀਆਂ 'ਤੇ ਅਸਰ

ਬਦਲਾਅ 'ਤੇ ਕਰੋੜਾਂ ਰੁਪਏ ਹੋਣਗੇ ਖਰਚ

ਪੈਂਟਾਗਨ ਦੇ ਸਾਬਕਾ ਅਧਿਕਾਰੀਆਂ ਅਤੇ ਏਰੋਸਪੇਸ ਮਾਹਿਰਾਂ ਦਾ ਕਹਿਣਾ ਹੈ ਕਿ ਏਅਰ ਫੋਰਸ ਵਨ (ਅਮਰੀਕੀ ਰਾਸ਼ਟਰਪਤੀ ਦਾ ਜਹਾਜ਼) ਦੇ ਮਿਆਰਾਂ ਨੂੰ ਪੂਰਾ ਕਰਨ ਲਈ ਜਹਾਜ਼ ਵਿੱਚ ਕਈ ਬਦਲਾਅ ਕਰਨੇ ਪੈਣਗੇ। ਮਿਜ਼ਾਈਲ ਰੱਖਿਆ ਪ੍ਰਣਾਲੀ, ਫੌਜੀ ਪੱਧਰ ਦੇ ਏਨਕ੍ਰਿਪਟਡ ਸੰਚਾਰ, ਲੜਾਈ ਨਾਲ ਨਜਿੱਠਣ ਲਈ ਸੁਰੱਖਿਅਤ ਕਮਾਂਡ ਸੂਟ, ਮੈਡੀਕਲ ਐਮਰਜੈਂਸੀ ਸਮੇਤ ਹੋਰ ਬਦਲਾਅਾਂ ਦੀ ਲਾਗਤ 1 ਬਿਲੀਅਨ ਡਾਲਰ ਤੱਕ ਹੋ ਸਕਦੀ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਕੈਨੇਡਾ ਵਾਂਗ UK ਤੋਂ ਭਾਰਤੀਆਂ ਦਾ ਮੋਹਭੰਗ, ਹੈਰਾਨੀਜਨਕ ਅੰਕੜੇ ਆਏ ਸਾਹਮਣੇ

'ਜੇ ਤੁਹਾਨੂੰ ਇਹ ਮੁਫ਼ਤ ਮਿਲਦਾ ਹੈ, ਤਾਂ ਕਿਉਂ ਨਹੀਂ ਲੈਂਦੇ...'

ਅਮਰੀਕਾ ਦੀ ਵਿਰੋਧੀ ਡੈਮੋਕ੍ਰੇਟਿਕ ਪਾਰਟੀ ਇਸ ਤੋਹਫ਼ੇ ਦੀ ਆਲੋਚਨਾ ਕਰ ਰਹੀ ਹੈ। ਇਸ ਦੇ ਆਗੂਆਂ ਦਾ ਕਹਿਣਾ ਹੈ ਕਿ ਇਹ ਸੰਵਿਧਾਨ ਦੇ ਵਿਰੁੱਧ ਹੈ, ਜੋ ਵਿਦੇਸ਼ੀ ਤੋਹਫ਼ੇ ਸਵੀਕਾਰ ਕਰਨ ਦੀ ਮਨਾਹੀ ਕਰਦਾ ਹੈ। ਟਰੰਪ ਨੇ ਤੋਹਫ਼ੇ ਦਾ ਬਚਾਅ ਕਰਦੇ ਹੋਏ ਕਿਹਾ ਕਿ ਜੇਕਰ ਜਹਾਜ਼ ਮੁਫ਼ਤ ਵਿੱਚ ਦਿੱਤਾ ਜਾ ਸਕਦਾ ਹੈ ਤਾਂ ਟੈਕਸਦਾਤਾਵਾਂ ਦੇ ਪੈਸੇ ਕਿਉਂ ਖਰਚ ਕੀਤੇ ਜਾਣ। ਇਸ ਨਾਲ ਸਰਕਾਰ ਦਾ ਪੈਸਾ ਬਚੇਗਾ। ਵ੍ਹਾਈਟ ਹਾਊਸ ਦਾ ਕਹਿਣਾ ਹੈ ਕਿ ਟਰੰਪ ਦੇ ਕਾਰਜਕਾਲ ਤੋਂ ਬਾਅਦ ਜਹਾਜ਼ ਨੂੰ ਰਾਸ਼ਟਰਪਤੀ ਲਾਇਬ੍ਰੇਰੀ ਭੇਜ ਦਿੱਤਾ ਜਾਵੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।