ਪਾਕਿ ਚੋਣ ਕਮਿਸ਼ਨ ਦਾ ਦਾਅਵਾ, PTI ਨੇ ਵਿਦੇਸ਼ੀ ਫੰਡਿੰਗ ਬਾਰੇ ਜਾਣਕਾਰੀ ਲੁਕੋਈ

ਇਸਲਾਮਾਬਾਦ (ਯੂ.ਐੱਨ.ਆਈ.): ਪਾਕਿਸਤਾਨ ਦੇ ਚੋਣ ਕਮਿਸ਼ਨ (ਈਸੀਪੀ) ਦੀ ਜਾਂਚ ਕਮੇਟੀ ਦੁਆਰਾ ਤਿਆਰ ਕੀਤੀ ਗਈ ਇਕ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ (ਪੀ.ਟੀ.ਆਈ.) ਨੇ ਵਿਅਕਤੀਆਂ ਅਤੇ ਕੰਪਨੀਆਂ ਤੋਂ ਪ੍ਰਾਪਤ ਵਿਦੇਸ਼ੀ ਫੰਡਿੰਗ ਬਾਰੇ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ। ਡਾਨ ਨੇ ਬੁੱਧਵਾਰ ਨੂੰ ਰਿਪੋਰਟ ਕੀਤੀ ਕਿ ਪਾਰਟੀ ਨੇ ਆਪਣੇ ਦਰਜਨਾਂ ਬੈਂਕ ਖਾਤਿਆਂ ਬਾਰੇ ਧਨ ਨੂੰ ਘੱਟ ਕਰ ਕੇ ਦੱਸਿਆ ਅਤੇ ਜਾਣਕਾਰੀ ਲੁਕੋਈ।

ਰਿਪੋਰਟ ਮੁਤਾਬਕ ਪਾਰਟੀ ਨੇ ਵਿੱਤ ਸਾਲ 2009-10 ਅਤੇ ਵਿੱਤ ਸਾਲ 2012-13 ਦੇ ਵਿਚਕਾਰ ਚਾਰ ਸਾਲਾਂ ਦੀ ਮਿਆਦ ਵਿੱਚ ਲਗਭਗ 312 ਮਿਲੀਅਨ ਰੁਪਏ ਦੀ ਰਕਮ ਦੀ ਘੱਟ ਦੱਸੀ ਹੈ। ਸਾਲ-ਵਾਰ ਵੇਰਵੇ ਹੋਰ ਦਰਸਾਉਂਦੇ ਹਨ ਕਿ ਇਕੱਲੇ ਵਿੱਤੀ ਸਾਲ 2012-13 ਵਿੱਚ 145 ਮਿਲੀਅਨ ਤੋਂ ਵੱਧ ਦੀ ਰਿਪੋਰਟ ਨਹੀਂ ਕੀਤੀ ਗਈ ਸੀ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਪਾਕਿਸਤਾਨ ਵਿਚ ਲਗਭਗ 1,414 ਕੰਪਨੀਆਂ, 47 ਵਿਦੇਸ਼ੀ ਕੰਪਨੀਆਂ ਅਤੇ 119 ਸੰਭਾਵਿਤ ਕੰਪਨੀਆਂ ਨੇ ਖਾਨ ਦੀ ਪਾਰਟੀ ਨੂੰ ਚੰਦਾ ਦਿੱਤਾ ਹੈ। ਇਸ ਨੂੰ ਅਮਰੀਕਾ ਤੋਂ 23 ਲੱਖ, 44 ਹਜ਼ਾਰ, 800 ਡਾਲਰ ਵੀ ਮਿਲੇ ਸਨ ਪਰ ਕਮੇਟੀ ਪਾਰਟੀ ਦੇ ਯੂਐਸ ਬੈਂਕ ਖਾਤਿਆਂ ਤੱਕ ਪਹੁੰਚ ਨਹੀਂ ਕਰ ਸਕੀ। ਪਾਰਟੀ ਦੇ ਫੰਡ ਦੇਣ ਵਾਲਿਆਂ ਵਿੱਚ 4,755 ਪਾਕਿਸਤਾਨੀ, 41 ਗੈਰ-ਪਾਕਿਸਤਾਨੀ ਅਤੇ 230 ਵਿਦੇਸ਼ੀ ਕੰਪਨੀਆਂ ਸ਼ਾਮਲ ਹਨ। 

ਪੜ੍ਹੋ ਇਹ ਅਹਿਮ ਖ਼ਬਰ- ਕੈਨੇਡੀਅਨ ਅਦਾਲਤ ਦਾ ਫ਼ੈਸਲਾ, ਈਰਾਨ ਜਹਾਜ਼ ਗੋਲੀਬਾਰੀ ਦੇ ਪੀੜਤ ਪਰਿਵਾਰਾਂ ਨੂੰ ਕਰੇ ਭੁਗਤਾਨ

ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਅਮਰੀਕਾ ਤੋਂ ਇਲਾਵਾ, ਖਾਨ ਦੀ ਪਾਰਟੀ ਨੂੰ ਦੁਬਈ, ਯੂਕੇ, ਯੂਰਪ, ਡੈਨਮਾਰਕ, ਜਾਪਾਨ, ਕੈਨੇਡਾ ਅਤੇ ਆਸਟ੍ਰੇਲੀਆ ਤੋਂ ਵੀ ਫੰਡ ਪ੍ਰਾਪਤ ਹੋਏ ਪਰ ਕਮੇਟੀ ਨੂੰ ਇਨ੍ਹਾਂ ਲੈਣ-ਦੇਣ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ। ਸੂਚਨਾ ਤੇ ਪ੍ਰਸਾਰਣ ਮੰਤਰੀ ਫਵਾਦ ਚੌਧਰੀ ਨੇ ਮੰਗਲਵਾਰ ਨੂੰ ਇਕ ਬੈਠਕ 'ਚ ਜਾਂਚ ਕਮੇਟੀ ਦੀ ਰਿਪੋਰਟ ਨੂੰ 'ਗਲਤ' ਕਰਾਰ ਦਿੱਤਾ ਅਤੇ ਪਾਕਿਸਤਾਨ ਮੁਸਲਿਮ ਲੀਗ (ਐੱਨ) ਅਤੇ ਪਾਕਿਸਤਾਨ ਪੀਪਲਜ਼ ਪਾਰਟੀ ਵਰਗੀਆਂ ਵਿਰੋਧੀ ਸਿਆਸੀ ਪਾਰਟੀਆਂ ਦੇ ਖਾਤਿਆਂ ਦੀ ਵੀ ਜਾਂਚ ਕਰਨ ਦੀ ਮੰਗ ਕੀਤੀ। ਡਾਨ ਅਖ਼ਬਾਰ ਨੇ ਦੱਸਿਆ ਕਿ ਈਸੀਪੀ ਨੇ ਨੌਂ ਮਹੀਨਿਆਂ ਬਾਅਦ ਮੰਗਲਵਾਰ ਨੂੰ ਸੱਤਾਧਾਰੀ ਪਾਰਟੀ ਖ਼ਿਲਾਫ਼ ਵਿਦੇਸ਼ੀ ਚੰਦੇ ਦੇ ਮਾਮਲੇ ਦੀ ਸੁਣਵਾਈ ਸ਼ੁਰੂ ਕੀਤੀ ਸੀ ਅਤੇ ਇਸ ਦੌਰਾਨ ਰਿਪੋਰਟ ਪੇਸ਼ ਕੀਤੀ ਗਈ ਸੀ। ਮਾਮਲੇ ਦੀ ਅਗਲੀ ਸੁਣਵਾਈ 18 ਜਨਵਰੀ ਨੂੰ ਹੋਵੇਗੀ।

ਰਿਪੋਰਟ ਵਿੱਚ ਪੀਟੀਆਈ ਦੇ ਆਡਿਟ ਕੀਤੇ ਖਾਤਿਆਂ ਦੇ ਵੇਰਵਿਆਂ ਦੇ ਨਾਲ ਪੇਸ਼ ਕੀਤੇ ਗਏ ਪੀਟੀਆਈ ਦੇ ਚੇਅਰਮੈਨ ਅਤੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੁਆਰਾ ਦਸਤਖ਼ਤ ਕੀਤੇ ਸਰਟੀਫਿਕੇਟ 'ਤੇ ਵੀ ਸਵਾਲ ਉਠਾਏ ਗਏ ਹਨ ਅਤੇ ਪੀਟੀਆਈ ਦੇ ਚਾਰ ਕਰਮਚਾਰੀਆਂ ਨੂੰ ਆਪਣੇ ਨਿੱਜੀ ਖਾਤਿਆਂ ਵਿੱਚ ਇਹ ਦਾਨ ਪ੍ਰਾਪਤ ਕਰਨ ਦੀ ਆਗਿਆ ਦਿੱਤੇ ਜਾਣ ਦੇ ਵਿਵਾਦ ਦਾ ਵੀ ਹਵਾਲਾ ਦਿੱਤਾ ਗਿਆ ਹੈ।ਇਹ ਰਿਪੋਰਟ ਉਦੋਂ ਸਾਹਮਣੇ ਆਈ ਹੈ ਜਦੋਂ ਈਸੀਪੀ ਨੇ ਲਗਭਗ ਨੌਂ ਮਹੀਨਿਆਂ ਦੇ ਵਕਫ਼ੇ ਤੋਂ ਬਾਅਦ ਮੰਗਲਵਾਰ ਨੂੰ ਪੀਟੀਆਈ ਵਿਰੁੱਧ ਵਿਦੇਸ਼ੀ ਫੰਡਿੰਗ ਮਾਮਲੇ ਵਿੱਚ ਆਪਣੀ ਸੁਣਵਾਈ ਮੁੜ ਸ਼ੁਰੂ ਕੀਤੀ।ਇਹ ਕੇਸ 14 ਨਵੰਬਰ, 2014 ਤੋਂ ਪੈਂਡਿੰਗ ਹੈ। ਉਦੋਂ ਤੋਂ ਲੈ ਕੇ, ਈਸੀਪੀ ਅਤੇ ਪੜਤਾਲ ਕਮੇਟੀ ਨੇ ਇਸ ਕੇਸ ਵਿੱਚ ਲਗਭਗ 150 ਸੁਣਵਾਈਆਂ ਕੀਤੀਆਂ ਹਨ, ਪੀਟੀਆਈ ਨੇ 54 ਮੌਕਿਆਂ 'ਤੇ ਸੁਣਵਾਈ ਮੁਲਤਵੀ ਕਰਨ ਦੀ ਮੰਗ ਕੀਤੀ ਹੈ।

ਨੋਟ- ਉਕਤ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।