ਧਰਤੀ ''ਤੇ ਆ ਗਏ Alien ! ਅਮਰੀਕੀ ਰੱਖਿਆ ਮੰਤਰਾਲੇ ਦੀ ਵੀਡੀਓ ਨੇ ਉਡਾ''ਤੇ ਸਭ ਦੇ ਹੋਸ਼

ਇੰਟਰਨੈਸ਼ਨਲ ਡੈਸਕ- ਅਮਰੀਕੀ ਰੱਖਿਆ ਮੰਤਰਾਲੇ ਵੱਲੋਂ ਬੀਤੇ ਦਿਨੀਂ ਯੂ.ਐੱਫ.ਓ. ਸਬੰਧੀ ਫਾਈਲਾਂ ਜਾਰੀ ਕਰਨ ਦੇ ਐਲਾਨ ਮਗਰੋਂ ਹੁਣ ਤੱਕ ਕਈ ਤਸਵੀਰਾਂ ਤੇ ਵੀਡੀਓਜ਼ ਜਾਰੀ ਕੀਤੇ ਗਏ ਹਨ, ਜਿਨ੍ਹਾਂ 'ਚ ਅਜਿਹੀਆਂ ਚੀਜ਼ਾਂ ਦਿਖਾਈ ਦੇ ਰਹੀਆਂ ਹਨ, ਜੋ ਪਹਿਲਾਂ ਕਦੇ ਨਹੀਂ ਦੇਖੀਆਂ ਗਈਆਂ। 

ਇਸੇ ਦੌਰਾਨ ਅਮਰੀਕੀ ਰੱਖਿਆ ਮੰਤਰਾਲੇ ਨੇ 'ਅਨ-ਆਈਡੈਂਟੀਫਾਈਡ ਐਨੋਮਲਸ ਫਿਨੋਮਿਨਾ' (UAP/UFO) ਦੀ ਇਕ ਨਵੀਂ ਫੁਟੇਜ ਜਾਰੀ ਕੀਤੀ ਹੈ, ਜਿਸ ਨੇ ਵਿਗਿਆਨੀਆਂ ਅਤੇ ਯੂ.ਐੱਫ.ਓ. ਵਿਗਿਆਨੀਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਇਸ ਵੀਡੀਓ 'ਚ ਅਸਮਾਨ ਵਿੱਚ ਇੱਕ ਰਹੱਸਮਈ 'ਹਿਊਮਨਾਈਡ', ਭਾਵ ਇਨਸਾਨੀ ਸਰੀਰ ਵਰਗੀ ਆਕ੍ਰਿਤੀ ਉੱਡਦੀ ਦਿਖਾਈ ਦੇ ਰਹੀ ਹੈ, ਜੋ ਬਿਲਕੁਲ 2015 ਵਿੱਚ ਕੈਲੀਫੋਰਨੀਆ ਦੇ 'ਸੇਕੋਇਆ ਨੈਸ਼ਨਲ ਪਾਰਕ' ਦੇ ਉੱਪਰ ਦੇਖੀ ਗਈ ਚੀਜ਼ ਵਰਗੀ ਹੈ।

ਇਹ ਵੀ ਪੜ੍ਹੋ- ਹੁਣ ਵਿਆਹ ਕਰਾ ਕੇ ਕੈਨੇਡਾ ਜਾਣ ਵਾਲੇ ਜੋੜੇ ਹੋ ਜਾਣ ਸਾਵਧਾਨ ! ਲੱਗ ਸਕਦੈ 5 ਸਾਲ ਤੱਕ ਦਾ ਬੈਨ

5 ਸਾਲਾਂ ਦੇ ਫ਼ਰਕ 'ਤੇ ਉਹੀ ਪੈਟਰਨ
ਮਾਹਿਰਾਂ ਮੁਤਾਬਕ, ਵੱਖ-ਵੱਖ ਸਮੇਂ 'ਤੇ ਰਿਕਾਰਡ ਕੀਤੀਆਂ ਗਈਆਂ ਇਨ੍ਹਾਂ ਦੋਵਾਂ ਵੀਡੀਓਜ਼ ਵਿੱਚ ਦਿਖਾਈ ਦੇਣ ਵਾਲੀ ਚੀਜ਼ ਦਾ ਆਕਾਰ, ਬਣਾਵਟ ਅਤੇ ਅਸਮਾਨ ਵਿੱਚ ਹਿੱਲਣ-ਜੁੱਲਣ ਦਾ ਤਰੀਕਾ ਬਿਲਕੁਲ ਇੱਕੋ ਜਿਹਾ ਹੈ। ਪੰਜ ਸਾਲਾਂ ਦੇ ਵਕਫ਼ੇ ਤੋਂ ਬਾਅਦ ਦੁਬਾਰਾ ਉਹੀ ਚੀਜ਼ ਸਾਹਮਣੇ ਆਉਣ ਨਾਲ ਹੁਣ ਇਹ ਸਾਫ਼ ਹੋ ਗਿਆ ਹੈ ਕਿ ਇਹ ਕੋਈ ਇਤਫ਼ਾਕ ਨਹੀਂ, ਸਗੋਂ ਇੱਕ ਖ਼ਾਸ ਪੈਟਰਨ ਹੈ, ਜੋ ਅਮਰੀਕੀ ਰੱਖਿਆ ਰਿਕਾਰਡਾਂ ਵਿੱਚ ਵਾਰ-ਵਾਰ ਦਰਜ ਹੋ ਰਿਹਾ ਹੈ।

🇺🇸 The Pentagon released UAP footage showing a humanoid figure identical to what was seen over Sequoia National Park in 2015.

Same shape and movement. 5 years apart.

When it keeps appearing in declassified records, it’s no coincidence but a pattern.pic.twitter.com/jLsGY17M5h https://t.co/4lFc2FqDAI

— Mario Nawfal (@MarioNawfal) May 23, 2026

ਪੇਂਟਾਗਨ ਦੇ ਡੀਕਲਾਸੀਫਾਈਡ ਰਿਕਾਰਡਾਂ 'ਚ ਇਸ ਹਿਊਨਮਾਈਡ ਦੇ ਵਾਰ-ਵਾਰ ਸਾਹਮਣੇ ਆਉਣ ਕਾਰਨ ਹੁਣ 'ਏਲੀਅਨਜ਼' ਅਤੇ ਐਡਵਾਂਸ ਟੈਕਨਾਲੋਜੀ ਨੂੰ ਲੈ ਕੇ ਬਹਿਸ ਤੇਜ਼ ਹੋ ਗਈ ਹੈ। ਹਾਲਾਂਕਿ, ਅਮਰੀਕੀ ਫ਼ੌਜ ਅਤੇ ਖੁਫ਼ੀਆ ਏਜੰਸੀਆਂ ਨੇ ਅਜੇ ਤੱਕ ਅਧਿਕਾਰਤ ਤੌਰ 'ਤੇ ਇਸ ਨੂੰ ਏਲੀਅਨ ਹੋਣ ਦੀ ਪੁਸ਼ਟੀ ਨਹੀਂ ਕੀਤੀ ਹੈ, ਪਰ ਉਨ੍ਹਾਂ ਨੇ ਇਸ ਨੂੰ 'ਅਣਪਛਾਤੀ ਅਤੇ ਰਹੱਸਮਈ' ਸ਼੍ਰੇਣੀ ਵਿੱਚ ਜ਼ਰੂਰ ਰੱਖਿਆ ਹੈ। ਅਸਮਾਨ ਵਿੱਚ ਦਿਖਾਈ ਦੇਣ ਵਾਲੀ ਇਹ ਚੀਜ਼ ਕਿਸੇ ਹਵਾਈ ਗੁਬਾਰੇ ਜਾਂ ਡਰੋਨ ਵਰਗੀ ਬਿਲਕੁਲ ਨਹੀਂ ਲੱਗਦੀ, ਜਿਸ ਕਾਰਨ ਵਿਗਿਆਨੀ ਹੁਣ ਇਸ ਦੀ ਬਾਰੀਕੀ ਨਾਲ ਜਾਂਚ ਕਰ ਰਹੇ ਹਨ।

ਹਾਲਾਂਕਿ ਇਸ ਦੇ ਏਲੀਅਨ ਹੋਣ ਬਾਰੇ ਹਾਲੇ ਤੱਕ ਕੋਈ ਪੱਕਾ ਸਬੂਤ ਨਹੀਂ ਮਿਲ ਸਕਿਆ ਹੈ, ਪਰ ਇਸ ਵੀਡੀਓ ਨੇ ਇਸ ਗੱਲ 'ਤੇ ਲੋਕਾਂ ਦਾ ਯਕੀਨ ਹੋਰ ਮਜ਼ਬੂਤ ਕਰ ਦਿੱਤਾ ਹੈ ਕਿ ਧਰਤੀ ਤੋਂ ਬਾਹਰ ਵੀ ਜੀਵਨ ਮੌਜੂਦ ਹੈ, ਜੋ ਫਿਲਹਾਲ ਇਨਸਾਨ ਦੀ ਪਹੁੰਚ ਤੋਂ ਦੂਰ ਤਾਂ ਹੈ, ਪਰ ਇਨਸਾਨ ਉਨ੍ਹਾਂ ਦੀ ਪਹੁੰਚ ਤੋਂ ਬਹੁਤਾ ਦੂਰ ਨਹੀਂ। 

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e