ਪੈਰਾਮਾਉਂਟ ਮੁਕੱਦਮੇ ਦੇ ਨਿਪਟਾਰੇ ਬਦਲੇ ਅਮਰੀਕੀ ਰਾਸ਼ਟਰਪਤੀ ਨੂੰ ਦੇੇਵੇਗਾ ਕਰੋੜਾਂ ਡਾਲਰ

ਵਾਸ਼ਿੰਗਟਨ (ਵਾਰਤਾ)- ਅਮਰੀਕਾ ਵਿੱਚ ਸੀ.ਬੀ.ਐਸ ਨਿਊਜ਼ ਦੀ ਮੂਲ ਕੰਪਨੀ ਪੈਰਾਮਾਉਂਟ ਗਲੋਬਲ ਨੇ ਇਕ ਮੁਕੱਦਮੇ ਦਾ ਨਿਪਟਾਰਾ ਕਰਨ ਲਈ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ 16 ਮਿਲੀਅਨ ਡਾਲਰ (1 ਕਰੋੜ 60 ਲੱਖ ਡਾਲਰ) ਦਾ ਭੁਗਤਾਨ ਕਰਨ ਲਈ ਸਹਿਮਤੀ ਦਿੱਤੀ ਹੈ। ਇਹ ਮੁਕੱਦਮਾ ਸਾਬਕਾ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਦੇ ਇੰਟਰਵਿਊ ਦੇ ਸੰਪਾਦਨ ਨਾਲ ਸਬੰਧਤ ਹੈ। ਕੰਪਨੀ ਨੇ ਇਹ ਜਾਣਕਾਰੀ ਅਮਰੀਕੀ ਮੀਡੀਆ ਵਿੱਚ ਪ੍ਰਸਾਰਿਤ ਇੱਕ ਈਮੇਲ ਪ੍ਰੈਸ ਰਿਲੀਜ਼ ਵਿੱਚ ਦਿੱਤੀ। 

ਗੌਰਤਲਬ ਹੈ ਕਿ ਅਕਤੂਬਰ 2024 ਵਿੱਚ ਰਿਪਬਲਿਕਨ ਪਾਰਟੀ ਤੋਂ ਰਾਸ਼ਟਰਪਤੀ ਉਮੀਦਵਾਰ ਬਣੇ ਟਰੰਪ ਨੇ ਸੀ.ਬੀ.ਐਸ ਨਿਊਜ਼ ਵਿਰੁੱਧ 10 ਬਿਲੀਅਨ ਡਾਲਰ ਦਾ ਮੁਕੱਦਮਾ ਦਾਇਰ ਕੀਤਾ ਸੀ। ਮੁਕੱਦਮੇ ਵਿੱਚ ਰਾਸ਼ਟਰਪਤੀ ਅਹੁਦੇ ਦੀ ਡੈਮੋਕ੍ਰੇਟਿਕ ਉਮੀਦਵਾਰ ਕਮਲਾ ਹੈਰਿਸ ਦੇ '60 ਮਿੰਟ' ਦੇ ਪ੍ਰੋਗਰਾਮ ਦੌਰਾਨ ਇੰਟਰਵਿਊ ਦੇ ਇੱਕ ਸੰਪਾਦਿਤ ਸੰਸਕਰਣ ਨੂੰ ਜਾਰੀ ਕਰਨ ਤੋਂ ਇਨਕਾਰ ਕਰਨ 'ਤੇ ਸੀ.ਬੀ.ਐਸ 'ਤੇ ਚੋਣ ਵਿੱਚ ਦਖਲਅੰਦਾਜ਼ੀ ਕਰਨ ਦਾ ਦੋਸ਼ ਲਗਾਇਆ ਸੀ। ਬਾਅਦ ਵਿੱਚ ਉਸਨੇ ਦਾਅਵੇ ਦੀ ਰਕਮ ਵਧਾ ਕੇ 20 ਬਿਲੀਅਨ ਡਾਲਰ ਕਰ ਦਿੱਤੀ। ਇਸ ਦੌਰਾਨ 25 ਜੂਨ ਨੂੰ ਵਾਲ ਸਟਰੀਟ ਜਰਨਲ ਅਖਬਾਰ ਨੇ ਸੂਤਰਾਂ ਦੇ ਹਵਾਲੇ ਨਾਲ ਕਿਹਾ ਕਿ ਇੱਕ ਵਿਚੋਲੇ ਨੇ ਇਸ ਸਬੰਧ ਵਿੱਚ 20 ਮਿਲੀਅਨ ਡਾਲਰ (2 ਕਰੋੜ ਡਾਲਰ) ਦੇ ਨਿਪਟਾਰੇ ਦਾ ਪ੍ਰਸਤਾਵ ਰੱਖਿਆ ਸੀ। 

ਪੜ੍ਹੋ ਇਹ ਅਹਿਮ ਖ਼ਬਰ-ਭਾਰਤ, ਚੀਨ 'ਤੇ 500% ਟੈਰਿਫ! Trump ਦੇ ਐਲਾਨ ਨੇ ਵਧਾਈ ਚਿੰਤਾ

ਦੂਜੇ ਪਾਸੇ ਪੈਰਾਮਾਉਂਟ ਦੇ ਬਿਆਨ ਅਨੁਸਾਰ, 'ਕੰਪਨੀ ਇਸ ਗੱਲ 'ਤੇ ਸਹਿਮਤ ਹੋ ਗਈ ਹੈ ਕਿ ਭਵਿੱਖ ਵਿੱਚ '60 ਮਿੰਟ' ਅਜਿਹੇ ਇੰਟਰਵਿਊਆਂ ਦੇ ਪ੍ਰਸਾਰਣ ਤੋਂ ਬਾਅਦ ਯੋਗ ਅਮਰੀਕੀ ਰਾਸ਼ਟਰਪਤੀ ਉਮੀਦਵਾਰਾਂ ਦੇ ਇੰਟਰਵਿਊਆਂ ਦੇ ਟ੍ਰਾਂਸਕ੍ਰਿਪਟ ਜਾਰੀ ਕਰੇਗਾ,  ਜੋ ਕਾਨੂੰਨੀ ਜਾਂ ਰਾਸ਼ਟਰੀ ਸੁਰੱਖਿਆ ਚਿੰਤਾਵਾਂ ਲਈ ਕਿਸੇ ਵੀ ਜ਼ਰੂਰੀ ਸੋਧ ਦੇ ਅਧੀਨ ਹਨ।' ਪੈਰਾਮਾਉਂਟ ਨੇ ਕਿਹਾ ਕਿ ਰਾਸ਼ਟਰਪਤੀ ਨੂੰ ਸਿੱਧੇ ਜਾਂ ਅਸਿੱਧੇ ਤੌਰ 'ਤੇ ਕੋਈ ਰਕਮ ਨਹੀਂ ਦਿੱਤੀ ਜਾਵੇਗੀ। ਰਿਪੋਰਟ ਅਨੁਸਾਰ ਇਸ ਸਮਝੌਤੇ ਵਿੱਚ ਕਾਨੂੰਨੀ ਫੀਸ ਅਤੇ  ਟਰੰਪ ਦੀ ਭਵਿੱਖੀ ਰਾਸ਼ਟਰਪਤੀ ਲਾਇਬ੍ਰੇਰੀ ਵਿੱਚ ਉਸਦੇ ਵੱਲੋਂ ਯੋਗਦਾਨ ਸ਼ਾਮਲ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।