ਮੈਰਿਅਮ-ਵੈਬਸਟਰ: ਗੈਸਲਾਈਟਿੰਗ ਬਣਿਆ ''ਵਰਡ ਆਫ ਦਿ ਈਅਰ''

ਨਿਊਯਾਰਕ (ਭਾਸ਼ਾ) ਮੈਰਿਅਮ-ਵੈਬਸਟਰ ਨੇ ਸਾਲ 2022 ਲਈ ਸ਼ਬਦ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਨੇ 'ਗੈਸਲਾਈਟਿੰਗ' ਸ਼ਬਦ ਨੂੰ 'ਵਰਡ ਆਫ ਦਿ ਈਅਰ' ਐਲਾਨਿਆ ਹੈ। ਸਾਲ 2022 ਦੌਰਾਨ ਮੈਰਿਅਮ ਵੈਬਸਟਰ ਦੀ ਵੈੱਬਸਾਈਟ 'ਤੇ ਸ਼ਬਦਾਂ ਦੀ ਗਿਣਤੀ ਪਿਛਲੇ ਸਾਲ ਦੇ ਮੁਕਾਬਲੇ 1740 ਫੀਸਦੀ ਵਧੀ ਹੈ। ਮੈਰਿਅਮ-ਵੈਬਸਟਰ ਦੇ ਸੰਪਾਦਕ ਪੀਟਰ ਸੋਕੋਲੋਵਸਕੀ ਨੇ ਸੋਮਵਾਰ ਦੇ ਖੁਲਾਸੇ ਤੋਂ ਪਹਿਲਾਂ ਐਸੋਸੀਏਟਿਡ ਪ੍ਰੈਸ ਨਾਲ ਇੱਕ ਇੰਟਰਵਿਊ ਵਿੱਚ ਕਿਹਾ ਕਿ ਅੰਗਰੇਜ਼ੀ ਭਾਸ਼ਾ ਵਿੱਚ ਇਸ ਸ਼ਬਦ ਦੀ ਵਰਤੋਂ ਵਿੱਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ, ਖਾਸ ਕਰਕੇ ਪਿਛਲੇ ਚਾਰ ਸਾਲਾਂ ਵਿੱਚ। ਇਹ ਸੱਚਮੁੱਚ ਮੈਨੂੰ ਅਤੇ ਸਾਡੇ ਵਿੱਚੋਂ ਬਹੁਤ ਸਾਰੇ ਲੋਕਾਂ ਨੂੰ ਹੈਰਾਨ ਕਰ ਗਿਆ।

ਗੈਸਲਾਈਟਿੰਗ ਦਾ ਮਤਲਬ ਹੈ ਲੰਬੇ ਸਮੇਂ ਲਈ ਮਨੋਵਿਗਿਆਨਕ ਪੱਧਰ 'ਤੇ ਕਿਸੇ ਨਾਲ ਖੇਡਣਾ ਤਾਂ ਜੋ ਪੀੜਤ ਵਿਅਕਤੀ ਆਪਣੇ ਵਿਚਾਰਾਂ ਦੀ ਵੈਧਤਾ ਅਤੇ ਸਵੈ ਦੀ ਸੱਚੀ ਭਾਵਨਾ 'ਤੇ ਸ਼ੱਕ ਕਰਨ ਲੱਗ ਪਵੇ।ਜਿਸ ਦਾ ਨਤੀਜਾ ਉਲਝਣ, ਸਵੈ-ਵਿਸ਼ਵਾਸ ਅਤੇ ਸਵੈ-ਮਾਣ ਦਾ ਨੁਕਸਾਨ ਹੁੰਦਾ ਹੈ ਅਤੇ ਪੀੜਤ ਅਪਰਾਧੀ 'ਤੇ ਨਿਰਭਰ ਹੋ ਜਾਂਦਾ ਹੈ। ਗੈਸਲਾਈਟਿੰਗ ਇੱਕ ਘਿਣਾਉਣਾ ਉਪਕਰਨ ਹੈ ਜੋ ਦੁਰਵਿਵਹਾਰ ਕਰਨ ਵਾਲਿਆਂ ਦੁਆਰਾ ਵਰਤਿਆ ਜਾਂਦਾ ਹੈ ਜੋ ਕਿਸੇ ਨਾਲ ਰਿਸ਼ਤੇ ਵਿੱਚ ਹੁੰਦੇ ਹਨ। ਇਸ ਤੋਂ ਇਲਾਵਾ ਇਸ ਦੀ ਵਰਤੋਂ ਸਿਆਸਤਦਾਨ ਅਤੇ ਹੋਰ ਲੋਕ ਕਰਦੇ ਹਨ। ਗੈਸਲਾਈਟਿੰਗ ਜਨਤਾ ਨੂੰ ਗੁੰਮਰਾਹ ਕਰਨ ਲਈ ਇੱਕ ਕਾਰਪੋਰੇਟ ਚਾਲ ਵੀ ਹੋ ਸਕਦੀ ਹੈ। 

ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ ਤੋਂ ਆਈ ਮੰਦਭਾਗੀ ਖ਼ਬਰ, ਦੋ ਭਾਰਤੀ ਵਿਦਿਆਰਥੀਆਂ ਦੀ ਝੀਲ 'ਚ ਡੁੱਬਣ ਕਾਰਨ ਮੌਤ

ਉਂਝ ਇਹ ਸ਼ਬਦ ਅੱਜ ਤੋਂ 80 ਸਾਲ ਪਹਿਲਾਂ ‘ਗੈਸ ਲਾਈਟ’ ਰਾਹੀਂ 1938 ਵਿੱਚ ਹੀ ਹੋਂਦ ਵਿੱਚ ਆਇਆ ਸੀ। 'ਗੈਸ ਲਾਈਟ' ਪੈਟਰਿਕ ਹੈਮਿਲਟਨ ਦੁਆਰਾ ਲਿਖਿਆ ਨਾਟਕ ਹੈ। 1940 ਦੇ ਦਹਾਕੇ ਵਿਚ ਵਿੱਚ ਇਸ ਨਾਟਕ 'ਤੇ ਦੋ ਫ਼ਿਲਮਾਂ ਬਣੀਆਂ। ਇੱਥੇ ਸਾਲ ਦੇ ਚੋਟੀ ਦੇ ਪੰਜ ਸ਼ਬਦ ਹਨ: 1-ਅਲੇਗਰਚ, ਯੂਕ੍ਰੇਨ ਦੇ ਰੂਸੀ ਹਮਲੇ ਤੋਂ ਲਿਆ ਗਿਆ ਹੈ। 2-ਓਮੀਕਰੋਨ, ਕੋਰੋਨਾ ਵਾਇਰਸ ਦਾ ਇੱਕ ਰੂਪ ਅਤੇ ਯੂਨਾਨੀ ਵਰਣਮਾਲਾ ਦਾ 15ਵਾਂ ਅੱਖਰ। 3. ਕੋਡੀਫਾਈ, ਗਰਭਪਾਤ ਦੇ ਅਧਿਕਾਰਾਂ ਨੂੰ ਸੰਘੀ ਕਾਨੂੰਨ ਵਿੱਚ ਬਦਲਣਾ। 4-ਕਵੀਨ ਕੰਸੋਰਟ, ਕਿੰਗ ਚਾਰਲਸ ਦੀ ਪਤਨੀ ਕੈਮਿਲਾ ਇਸੇ ਨਾਮ ਨਾਲ ਜਾਣੀ ਜਾਂਦੀ ਹੈ। 5-ਰੈੱਡ, ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਮਾਰ-ਏ-ਲਾਗੋ ਘਰ ਦੀ ਤਲਾਸ਼ੀ ਲਈ ਸ਼ਬਦ।

ਪੜ੍ਹੋ ਇਹ ਅਹਿਮ ਖ਼ਬਰ-ਆਸਟ੍ਰੇਲੀਆ ਨੇ ਰਾਸ਼ਟਰੀ ਅੱਤਵਾਦ ਦੇ ਖ਼ਤਰੇ ਦੇ 'ਪੱਧਰ' 'ਚ ਕੀਤਾ ਬਦਲਾਅ