ਬਾਗੀਆਂ ਦਾ ਸੀਰੀਅਨ ਸੈਂਟਰਲ ਬੈਂਕ ''ਤੇ ਹਮਲਾ, ਲੁੱਟ ਲਿਆ ਰਾਸ਼ਟਰਪਤੀ ਬਸ਼ਰ ਦਾ ਸਾਰਾ ਖਜ਼ਾਨਾ (ਵੀਡੀਓ)

ਵੈੱਬ ਡੈਸਕ : ਸੀਰੀਆ ਦੀ ਰਾਜਧਾਨੀ ਦਮਿਸ਼ਕ 'ਚ ਸੀਰੀਅਨ ਸੈਂਟਰਲ ਬੈਂਕ 'ਤੇ ਬਾਗੀਆਂ ਅਤੇ ਸਥਾਨਕ ਨਾਗਰਿਕਾਂ ਨੇ ਧਾਵਾ ਬੋਲ ਦਿੱਤਾ ਅਤੇ ਉੱਥੋਂ ਲੱਖਾਂ ਡਾਲਰ ਲੁੱਟਣ ਦੀ ਖਬਰ ਹੈ। ਇਹ ਘਟਨਾ ਉਦੋਂ ਵਾਪਰੀ ਜਦੋਂ ਵਿਦਰੋਹੀਆਂ ਨੇ ਸ਼ਹਿਰ 'ਤੇ ਕਬਜ਼ਾ ਕਰ ਲਿਆ ਅਤੇ ਰਾਸ਼ਟਰਪਤੀ ਬਸ਼ਰ ਅਲ-ਅਸਦ ਦੇ ਸ਼ਾਸਨ ਨੂੰ ਪਲਟਾ ਦਿੱਤਾ। ਵਿਦਰੋਹੀਆਂ ਨੇ ਦਮਿਸ਼ਕ ਵਿਚ ਸੀਰੀਅਨ ਸੈਂਟਰਲ ਬੈਂਕ 'ਤੇ ਹਮਲਾ ਕੀਤਾ ਅਤੇ ਕਥਿਤ ਤੌਰ 'ਤੇ ਅਸਦ ਪਰਿਵਾਰ ਅਤੇ ਉਸ ਦੇ ਸਹਿਯੋਗੀਆਂ ਨਾਲ ਸਬੰਧਤ ਬੈਂਕ ਦੀਆਂ ਤਿਜੋਰੀਆਂ ਨੂੰ ਨਿਸ਼ਾਨਾ ਬਣਾਇਆ। ਬੈਂਕ ਦੇ ਖਜ਼ਾਨੇ 'ਚੋਂ ਵੱਡੀ ਮਾਤਰਾ 'ਚ ਨਕਦੀ ਅਤੇ ਕੀਮਤੀ ਦਸਤਾਵੇਜ਼ ਲੈ ਗਏ।
 

🚨🇸🇾 LOOTING ERUPTS AT SYRIA'S CENTRAL BANK IN DAMASCUS

Rebels and civilians stormed the Central Bank of Syria in Damascus, seizing millions from vaults linked to the Assad family.pic.twitter.com/3oBXOzGYcM https://t.co/54e9wQQyG4

— Mario Nawfal (@MarioNawfal) December 8, 2024

ਬਾਗੀਆਂ ਨੇ ਕੇਂਦਰੀ ਬੈਂਕ ਨੂੰ ਆਰਥਿਕ ਨਿਯੰਤਰਣ ਅਤੇ ਜਨਤਾ ਦੇ ਭਰੋਸੇ ਦੇ ਪ੍ਰਤੀਕ ਵਜੋਂ ਦੇਖਿਆ ਅਤੇ ਇਸ ਉੱਤੇ ਕਬਜ਼ਾ ਕਰਕੇ ਆਪਣੀ ਸ਼ਕਤੀ ਦਾ ਪ੍ਰਦਰਸ਼ਨ ਕੀਤਾ। ਘਟਨਾ ਵਿੱਚ ਸ਼ਾਮਲ ਬਾਗੀ ਸਮੂਹਾਂ ਦਾ ਕਹਿਣਾ ਹੈ ਕਿ ਇਹ ਪੈਸਾ ਜਨਤਾ ਦਾ ਹੈ ਅਤੇ ਅਸਦ ਸ਼ਾਸਨ ਦੁਆਰਾ ਗੈਰ-ਕਾਨੂੰਨੀ ਢੰਗ ਨਾਲ ਇਕੱਠਾ ਕੀਤਾ ਗਿਆ ਸੀ। ਇਸ ਘਟਨਾ ਵਿੱਚ ਕੁਝ ਸਥਾਨਕ ਨਾਗਰਿਕ ਵੀ ਸ਼ਾਮਲ ਹੋਏ, ਜੋ ਲੁੱਟ ਦੌਰਾਨ ਬੈਂਕ ਦੇ ਅੰਦਰ ਵੜ ਗਏ। ਸੀਰੀਆਈ ਫੌਜ ਅਤੇ ਸਰਕਾਰੀ ਅਧਿਕਾਰੀਆਂ ਵੱਲੋਂ ਇਸ ਘਟਨਾ 'ਤੇ ਤੁਰੰਤ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਅਸਦ ਸਰਕਾਰ ਦੇ ਪਤਨ ਤੋਂ ਬਾਅਦ ਦਮਿਸ਼ਕ ਵਿਚ ਸਰਕਾਰੀ ਤੰਤਰ ਪੂਰੀ ਤਰ੍ਹਾਂ ਨਾਲ ਅਸਥਿਰ ਹੋ ਗਿਆ ਹੈ।