ਬ੍ਰਿਸਬੇਨ ''ਚ ਲੀਡਰ ਇੰਸਟੀਚਿਊਟ ਨੇ ਕਾਨਵੋਕੇਸ਼ਨ ਦੌਰਾਨ 109 ਹੋਣਹਾਰ ਵਿਦਿਆਰਥੀਆਂ ਨੂੰ ਵੰਡੀਆਂ ਡਿਗਰੀਆਂ

ਬ੍ਰਿਸਬੇਨ (ਸੁਰਿੰਦਰਪਾਲ ਸਿੰਘ ਖੁਰਦ) : ਲੀਡਰ ਇੰਸਟੀਚਿਊਟ ਬ੍ਰਿਸਬੇਨ ਆਸਟ੍ਰੇਲੀਆ ਵੱਲੋਂ ਐਗਰੀ ਬਿਜ਼ਨਸ ਅਤੇ ਅਕਾਊਂਟਿੰਗ ਦੇ ਖੇਤਰ 'ਚ ਬੈਚੂਲਰ ਤੇ ਮਾਸਟਰਜ਼ ਦੇ ਵਿਦਿਆਰਥੀਆਂ ਨੂੰ ਡਿਗਰੀ ਕੋਰਸ ਨੂੰ ਪਾਸ ਕਰਨ 'ਤੇ ਡਿਗਰੀਆਂ ਪ੍ਰਦਾਨ ਕਰਨ ਲਈ ਕਾਲਜ ਦੀ ਪੰਜਵੀਂ ਕਾਨਵੋਕੇਸ਼ਨ ਕੁਈਨਜ਼ਲੈਂਡ ਸੂਬੇ ਦੀ ਪਾਰਲੀਮੈਂਟ ਹਾਊਸ ਵਿਖੇ ਕਰਵਾਈ ਗਈ। ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਪਾਪੂਆ ਨਿਊ ਗਿਨੀ ਵਿੱਚ ਉੱਚ ਸਿੱਖਿਆ, ਖੋਜ, ਵਿਗਿਆਨ ਅਤੇ ਤਕਨਾਲੋਜੀ ਅਤੇ ਖੇਡਾਂ ਦੇ ਮੰਤਰੀ ਕਿਨੋਕਾ ਹੋਟੂਨ ਫੀਓ, ਅਮੈਡਾ ਸਟੋਕਰ ਵਿੱਤ, ਵਪਾਰ ਲਈ ਸਹਾਇਕ ਮੰਤਰੀ ਕੁਈਨਜ਼ਲੈਂਡ, ਜੌਨ ਰੇਵਨ ਮੇਅਰ ਲੋਗਨ ਵੱਲੋਂ ਕਾਲਜ ਦੇ ਫਾਊਂਡਰ ਡਾ. ਬਰਨਾਰਡ ਮਲਿਕ ਦੀ ਅਗਵਾਈ ਹੇਠ ਵਿਦਿਆਰਥੀਆਂ ਦੇ ਸੁਨਹਿਰੀ ਭਵਿੱਖ ਲਈ ਲੀਡਰ ਇੰਸਟੀਚਿਊਟ ਵੱਲੋਂ ਕੀਤੇ ਜਾ ਰਹੇ ਉਪਰਾਲਿਆਂ ਦੀ ਭਰਪੂਰ ਸ਼ਲਾਘਾ ਕਰਦਿਆਂ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ।

ਇਸ ਮੌਕੇ ਲੀਡਰ ਇੰਸਟੀਚਿਊਟ ਦੇ ਫਾਊਂਡਰ ਡਾ. ਬਰਨਾਰਡ ਮਲਿਕ ਨੇ ਮਹਿਮਾਨਾਂ ਦਾ ਸਵਾਗਤ ਕਰਦਿਆਂ ਵਿਦਿਆਰਥੀਆਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ। ਇਸ ਕਾਨਵੋਕੇਸ਼ਨ ਦੌਰਾਨ ਮੰਤਰੀ ਕਿਨੋਕਾ ਹੋਟੂਨ ਫੀਓ, ਅਮੈਡਾ ਸਟੋਕਰ ਮੰਤਰੀ, ਮੇਅਰ ਜੌਨ ਰੇਵੇਨ, ਡਾ. ਬਰਨਾਰਡ ਮਲਿਕ ਫਾਊਂਡਰ ਤੇ ਪ੍ਰੈਜੀਡੈਂਟ, ਪਾਸਟਰ ਕ੍ਰਿਸ ਏਟਨ ਗਵਰਨਿੰਗ ਬੋਰਡ ਦੇ ਚੇਅਰਮੈਨ, ਪ੍ਰੋ ਹਰਵਿੰਦਰ ਸਿੰਘ, ਪ੍ਰੋ. ਹੈਰੀ, ਗਵਰਨਿੰਗ ਅਤੇ ਅਕੈਡਮਿਕ ਬੋਰਡ ਦੇ ਮੈਂਬਰਾਂ ਅਤੇ ਪਤਵੰਤਿਆਂ ਵਲੋਂ 109 ਹੋਣਹਾਰ ਵਿਦਿਆਰਥੀਆਂ ਨੂੰ ਡਿਗਰੀਆਂ ਪ੍ਰਦਾਨ ਕੀਤੀਆਂ ਗਈਆਂ। 

ਇਸ ਮੌਕੇ ਵੱਖ-ਵੱਖ ਬੁਲਾਰਿਆਂ ਵਲੋਂ ਇੰਸਟੀਚਿਊਟ ਦੇ ਫਾਊਂਡਰ ਡਾ. ਬਰਨਾਰਡ ਮਲਿਕ ਦੀ ਅਗਵਾਈ ਹੇਠ ਵਿਦਿਆਰਥੀਆਂ ਨੂੰ ਲੀਡਰ ਇੰਸਟੀਚਿਊਟ ਵੱਲੋਂ ਸਿੱਖਿਆ ਦੇ ਖੇਤਰ ਵਿੱਚ ਪਾਏ ਜਾ ਰਹੇ ਯੋਗਦਾਨ ਅਤੇ ਵਿਦਿਆਰਥੀਆਂ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਦੇਸ਼ ਦੀ ਤਰੱਕੀ ਲਈ ਸਾਨੂੰ ਖੇਤੀ ਸੰਬੰਧੀ ਗਿਆਨ ਨੂੰ ਵੱਧ ਤੋਂ ਵੱਧ ਲੋਕਾਂ ਤੱਕ ਪਹੁੰਚਾਉਣਾ ਸਮੇਂ ਦੀ ਮੁੱਖ ਮੰਗ ਹੈ। ਉਹਨਾਂ ਕਿਹਾ ਕਿ ਸਾਨੂੰ ਹਮੇਸ਼ਾ ਆਪਣੇ ਗਿਆਨ ਵਿੱਚ ਵਾਧਾ ਕਰਨ ਦੇ ਲਈ ਹਮੇਸ਼ਾ ਤਤਪਰ ਰਹਿਣਾ ਚਾਹੀਦਾ ਹੈ। ਲੀਡਰ ਇੰਸਟੀਚਿਊਟ ਦੇ ਫਾਊਂਡਰ ਡਾ. ਬਰਨਾਰਡ ਮਲਿਕ ਨੇ ਵਿਦਿਆਰਥੀਆਂ ਨੂੰ ਜ਼ੋਰ ਦੇ ਕੇ ਆਖਿਆ ਕਿ ਸਖ਼ਤ ਮਿਹਨਤ, ਪੱਕੇ ਇਰਾਦੇ ਅਮੁੱਲੇ ਹਨ, ਇਸ ਤੋਂ ਬਗੈਰ ਅਸੀਂ ਸਫ਼ਲਤਾ ਦੀਆਂ ਉਚਾਈਆਂ ਹਾਸਲ ਨਹੀਂ ਕਰ ਸਕਦੇ। ਦੁਨੀਆ ਵਿੱਚ ਉਹਨਾਂ ਪਰਿਵਾਰਾਂ, ਸਮਾਜ ਤੇ ਦੇਸ਼ਾਂ ਨੇ ਤਰੱਕੀ ਅਤੇ ਆਪਣੀ ਵੱਖਰੀ ਪਛਾਣ ਬਣਾਈ ਹੈ ਜਿਨ੍ਹਾਂ ਨੇ ਗਿਆਨ ਦੇ ਨਾਲ ਆਪਣੀ ਸਾਂਝ ਪਾ ਕੇ ਸਮੇਂ ਦਾ ਹਾਣੀ ਬਣਾਇਆ ਹੈ। ਉਹਨਾਂ ਕਿਹਾ ਕਿ ਸਾਨੂੰ ਗਿਆਨ ਦੇ ਲਈ ਕਿਤਾਬਾਂ ਦੇ ਨਾਲ ਨੇੜਤਾ ਵਧਾਉਣੀ ਪਵੇਗੀ। 

ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਦਮਨ ਮਲਿਕ, ਡਾ਼ ਬਰਨਾਰਡ ਮਲਿਕ, ਪ੍ਰੋ. ਹਰਵਿੰਦਰ ਸਿੰਘ, ਪ੍ਰੋ. ਹੈਰੀ, , ਵਿਵੀਅਨ ਲੋਵੋ,  ਜਸਪਾਲ ਸੰਧੂ, ਮਨਮੋਹਨ ਸਿੰਘ, ਹਰਪ੍ਰੀਤ ਕੋਹਲੀ, ਐਡਵੋਕੇਟ ਗੁਰਪ੍ਰੀਤ ਬੱਲ, ਸਾਲਿਸਟਰ ਜੋਏਲ ਪਿਟਮੈਨ, ਪ੍ਰੋਫੈਸਰ ਡੇਨਿਸ ਆਸਟਿਨ, ਪੀਟਰ ਓ'ਕਲਾਘਨ, ਪ੍ਰੋਫੈਸਰ ਗ੍ਰੇਗ ਹਾਰਪਰ, ਪ੍ਰੋਫੈਸਰ ਐਮਰੀਟਸ ਜੈਨੀ ਸਟੀਵਰਟ, ਐਸੋਸੀਏਟ ਪ੍ਰੋਫੈਸਰ ਅਨੋਮਾ ਅਰਿਆਵਰਧਨਾ ਤੇ ਇਸਟੀਚਿਊਟ ਦਾ ਸਟਾਫ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਵਿਦਿਆਰਥੀ ਤੇ ਪਤਵੰਤੇ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਸਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8