ਕੀ TikTok ਖ਼ਰੀਦਣ ਵਾਲੇ ਹਨ ਐਲੋਨ ਮਸਕ? ਤਾਜਪੋਸ਼ੀ ਤੋਂ ਬਾਅਦ ਡੋਨਾਲਡ ਟਰੰਪ ਨੇ ਦਿੱਤੇ ਸੰਕੇਤ

ਵਾਸ਼ਿੰਗਟਨ : ਚੀਨੀ ਸੋਸ਼ਲ ਮੀਡੀਆ ਐਪ TikTok ਨੂੰ ਲੈ ਕੇ ਅਮਰੀਕਾ 'ਚ ਚੱਲ ਰਿਹਾ ਵਿਵਾਦ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ ਹੈ। ਅਜਿਹੇ 'ਚ ਹੁਣ ਪੂਰੇ ਸੰਕੇਤ ਮਿਲੇ ਹਨ ਕਿ ਟੇਸਲਾ ਦੇ ਸੀਈਓ ਐਲੋਨ ਮਸਕ ਅਮਰੀਕਾ 'ਚ ਮਸ਼ਹੂਰ ਇਸ ਚੀਨੀ ਐਪ ਨੂੰ ਖਰੀਦ ਸਕਦੇ ਹਨ। ਟਰੰਪ ਦੇ ਤਾਜ਼ਾ ਬਿਆਨ ਨੇ ਟਿਕ-ਟਾਕ ਖਰੀਦਣ ਦੇ ਮਸਕ ਦੇ ਦਾਅਵੇ ਨੂੰ ਹੋਰ ਬਲ ਦਿੱਤਾ ਹੈ।

ਦਰਅਸਲ, ਜਿਵੇਂ ਹੀ ਡੋਨਾਲਡ ਟਰੰਪ ਨੇ 20 ਜਨਵਰੀ ਨੂੰ ਅਮਰੀਕਾ ਦੇ ਰਾਸ਼ਟਰਪਤੀ ਵਜੋਂ ਸਹੁੰ ਚੁੱਕੀ, ਉਨ੍ਹਾਂ ਨੇ TikTok 'ਤੇ 75 ਦਿਨਾਂ ਲਈ ਪਾਬੰਦੀ ਹਟਾ ਦਿੱਤੀ। ਟਰੰਪ ਨੇ ਇਹ ਵੀ ਕਿਹਾ ਹੈ ਕਿ ਚੰਗਾ ਹੋਵੇਗਾ ਜੇਕਰ TikTok ਦੀ ਪੇਰੈਂਟ ਕੰਪਨੀ ਆਪਣੀ ਐਪ ਦੀ 50 ਫੀਸਦੀ ਹਿੱਸੇਦਾਰੀ ਅਮਰੀਕਾ ਨੂੰ ਵੇਚੇ। ਉਨ੍ਹਾਂ ਦੇ ਇਸ ਬਿਆਨ ਤੋਂ ਬਾਅਦ ਜਦੋਂ ਅਮਰੀਕੀ ਪੱਤਰਕਾਰਾਂ ਨੇ ਟਰੰਪ ਨੂੰ ਪੁੱਛਿਆ ਕਿ ਕੀ ਐਲੋਨ ਮਸਕ ਇਸ ਐਪ ਨੂੰ ਖਰੀਦਣਗੇ? ਇਸ ਲਈ ਪੱਤਰਕਾਰਾਂ ਨੂੰ ਜਵਾਬ ਦਿੰਦੇ ਹੋਏ ਟਰੰਪ ਨੇ ਕਿਹਾ ਕਿ ਜੇਕਰ ਮਸਕ TikTok ਖਰੀਦਦਾ ਹੈ ਤਾਂ ਉਹ (ਟਰੰਪ) ਇਸ ਡੀਲ ਲਈ ਤਿਆਰ ਹਨ। ਟਰੰਪ ਦੇ ਇਸ ਬਿਆਨ ਤੋਂ ਬਾਅਦ ਇਹ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ ਕਿ ਐਲੋਨ ਮਸਕ ਟਿਕ-ਟਾਕ ਦੇ ਨਵੇਂ ਮਾਲਕ ਬਣ ਸਕਦੇ ਹਨ।

ਇਹ ਵੀ ਪੜ੍ਹੋ : ਟਰੰਪ ਨੇ ਦਿੱਤਾ ਜ਼ੋਰ ਦਾ ਝਟਕਾ, ਪਾਕਿਸਤਾਨ ਸਣੇ ਹੋਰਨਾਂ ਦੇਸ਼ਾਂ ਨੂੰ ਦਿੱਤੀ ਜਾਣ ਵਾਲੀ ਅਮਰੀਕੀ ਮਦਦ ਰੋਕੀ

ਇਕ ਲੱਖ ਟ੍ਰਿਲੀਅਨ ਡਾਲਰ ਦੇ ਬਰਾਬਰ ਕੀਮਤ
ਡੋਨਾਲਡ ਟਰੰਪ ਨੇ TikTok ਬਾਰੇ ਹੋਰ ਵੀ ਕਈ ਗੱਲਾਂ ਕਹੀਆਂ ਹਨ। ਉਸ ਨੇ ਕਿਹਾ, ''ਮੈਂ TikTok ਦੇ ਮਾਲਕ ਨੂੰ ਮਿਲਿਆ ਹਾਂ। ਜੇਕਰ TikTok ਨੂੰ ਇਜਾਜ਼ਤ ਨਹੀਂ ਮਿਲਦੀ ਹੈ ਤਾਂ ਇਹ ਬੇਕਾਰ ਹੈ ਅਤੇ ਜੇਕਰ ਇਜਾਜ਼ਤ ਦਿੱਤੀ ਜਾਂਦੀ ਹੈ ਤਾਂ ਇਸ ਦੀ ਕੀਮਤ ਇਕ ਟ੍ਰਿਲੀਅਨ ਡਾਲਰ ਦੇ ਬਰਾਬਰ ਹੈ। ਇਸ ਲਈ ਮੈਂ ਕਿਸੇ ਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਇੱਕ ਅਮਰੀਕੀ ਇਸ ਨੂੰ ਖਰੀਦਣਾ ਚਾਹੀਦਾ ਹੈ। ਇਸ ਤੋਂ ਬਾਅਦ ਅਸੀਂ ਇਸ ਦੇ ਸੰਚਾਲਨ ਦੀ ਇਜਾਜ਼ਤ ਦੇਵਾਂਗੇ।

ਟਰੰਪ ਦੇ ਦਿਲ 'ਚ TikTok ਲਈ ਖਾਸ ਜਗ੍ਹਾ
ਟਰੰਪ ਨੇ ਅੱਗੇ ਕਿਹਾ, ''ਜੇਕਰ ਕੋਈ ਅਮਰੀਕੀ TikTok ਖਰੀਦਦਾ ਹੈ ਤਾਂ ਉਨ੍ਹਾਂ ਕੋਲ ਇਕ ਵਧੀਆ ਸਾਥੀ (ਅਮਰੀਕਾ) ਹੋਵੇਗਾ। ਇਸ ਡੀਲ ਤੋਂ ਬਾਅਦ ਅਮਰੀਕਾ ਅਤੇ TikTok ਕੋਲ ਕੁਝ ਅਜਿਹਾ ਹੋਵੇਗਾ ਜੋ ਕੀਮਤੀ ਹੈ। ਵੈਸੇ ਵੀ ਅਸੀਂ ਨੌਜਵਾਨਾਂ ਦੀਆਂ ਵੋਟਾਂ ਕਰਕੇ ਅਮਰੀਕਾ ਵਿੱਚ ਜਿੱਤਦੇ ਹਾਂ। ਮੈਨੂੰ ਲੱਗਦਾ ਹੈ ਕਿ ਮੈਂ TikTok ਰਾਹੀਂ ਇਸ (ਚੋਣ) ਨੂੰ ਜਿੱਤ ਲਿਆ ਹੈ। ਇਸ ਲਈ ਮੇਰੇ ਦਿਲ ਵਿੱਚ TikTok ਦੀ ਖਾਸ ਥਾਂ ਹੈ।

ਇਹ ਵੀ ਪੜ੍ਹੋ : ਕੁੰਭਨਗਰੀ 'ਚ UP ਦਾ ਪਹਿਲਾ ਡਬਲ ਡੇਕਰ ਬੱਸ ਰੈਸਟੋਰੈਂਟ ਸ਼ੁਰੂ, ਸ਼ੁੱਧ ਸ਼ਾਕਾਹਾਰੀ ਭੋਜਨ ਦਾ ਲੈ ਸਕੋਗੇ ਲੁਤਫ਼

ਪਹਿਲਾਂ ਹੋ ਚੁੱਕੀ ਹੈ ਵੇਚਣ ਨੂੰ ਲੈ ਕੇ ਗੱਲਬਾਤ
ਦੱਸਣਯੋਗ ਹੈ ਕਿ ਅਮਰੀਕਾ ਵਿੱਚ ਸ਼ਾਰਟ ਵੀਡੀਓ ਐਪ TikTok ਦੇ 17 ਕਰੋੜ ਐਕਟਿਵ ਯੂਜ਼ਰਸ ਹਨ। ਅਮਰੀਕਾ ਪਹਿਲਾਂ ਹੀ ਰਾਸ਼ਟਰੀ ਸੁਰੱਖਿਆ ਦਾ ਹਵਾਲਾ ਦਿੰਦੇ ਹੋਏ TikTok ਦੀ ਮੂਲ ਕੰਪਨੀ ByteDance ਨੂੰ ਐਪ ਵੇਚਣ ਦੀ ਗੱਲ ਕਰ ਚੁੱਕਾ ਹੈ। ਬਲੂਮਬਰਗ ਦੀ ਇੱਕ ਰਿਪੋਰਟ ਅਨੁਸਾਰ ਪਿਛਲੇ ਹਫਤੇ ਚੀਨੀ ਅਧਿਕਾਰੀਆਂ ਨੇ ਐਲੋਨ ਮਸਕ ਨੂੰ ਟਿਕ-ਟਾਕ ਵੇਚਣ ਬਾਰੇ ਅਮਰੀਕਾ ਵਿੱਚ ਸ਼ੁਰੂਆਤੀ ਗੱਲਬਾਤ ਕੀਤੀ ਸੀ। ਹਾਲਾਂਕਿ ਐਪ ਦੇ ਮਾਲਕ ਇਸ ਗੱਲ ਤੋਂ ਇਨਕਾਰ ਕਰਦੇ ਰਹੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8