ਈਰਾਨ ''ਚ ਡਿਜੀਟਲ ਬਲੈਕਆਉਟ, 216 ਘੰਟਿਆਂ ਤੋਂ ਇੰਟਰਨੈੱਟ ਬੰਦ

ਤੇਹਰਾਨ/ਵਾਸ਼ਿੰਗਟਨ: ਮੱਧ ਪੂਰਬ ਵਿੱਚ ਜਾਰੀ ਖ਼ੂਨੀ ਸੰਘਰਸ਼ ਦੇ ਵਿਚਕਾਰ ਈਰਾਨ ਇੱਕ ਹੋਰ ਵੱਡੇ ਸੰਕਟ ਦਾ ਸਾਹਮਣਾ ਕਰ ਰਿਹਾ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਈਰਾਨ ਵਿੱਚ ਅੱਜ ਲਗਾਤਾਰ 10ਵੇਂ ਦਿਨ ਵੀ ਇੰਟਰਨੈੱਟ ਸੇਵਾਵਾਂ ਪੂਰੀ ਤਰ੍ਹਾਂ ਬੰਦ ਰਹੀਆਂ ਹਨ। ਇੰਟਰਨੈੱਟ ਨਿਗਰਾਨੀ ਸੰਗਠਨ ਨੈੱਟਬਲਾਕ ਦੇ ਅਨੁਸਾਰ ਦੇਸ਼ ਵਿੱਚ ਇੰਟਰਨੈੱਟ ਕਨੈਕਟੀਵਿਟੀ ਲਗਭਗ 216 ਘੰਟਿਆਂ ਤੋਂ ਬੰਦ ਹੈ ਅਤੇ ਵਰਤਮਾਨ ਵਿੱਚ ਇਹ ਆਪਣੇ ਆਮ ਪੱਧਰ ਦੇ ਸਿਰਫ 1 ਪ੍ਰਤੀਸ਼ਤ ਰਹਿ ਗਈ ਹੈ।ਇਸ ਡਿਜੀਟਲ ਬਲੈਕਆਊਟ ਕਾਰਨ ਈਰਾਨ ਦਾ ਬਾਕੀ ਦੁਨੀਆ ਨਾਲੋਂ ਸੰਪਰਕ ਲਗਭਗ ਟੁੱਟ ਚੁੱਕਾ ਹੈ।

⚠️ Update: #Iran's internet blackout has entered its tenth day with connectivity at 1% of ordinary levels after the 216th hour.

As regional hostilities intensify, some 90 million Iranians are silenced and cut off from the global internet under a state-imposed shutdown. pic.twitter.com/FNrSKvqBBP

— NetBlocks (@netblocks) March 9, 2026

ਸੂਚਨਾਵਾਂ 'ਤੇ ਪਾਬੰਦੀ ਅਤੇ ਜੰਗੀ ਹਾਲਾਤ 

ਲਗਭਗ 90 ਮਿਲੀਅਨ ਈਰਾਨੀ ਲੋਕ ਬਾਹਰੀ ਦੁਨੀਆ ਤੋਂ ਕੱਟੇ ਹੋਏ ਹਨ। ਇਹ ਇੰਟਰਨੈੱਟ ਪਾਬੰਦੀ ਅਜਿਹੇ ਨਾਜ਼ੁਕ ਸਮੇਂ ਲਗਾਈ ਗਈ ਹੈ ਜਦੋਂ 'ਆਪ੍ਰੇਸ਼ਨ ਐਪਿਕ ਫਿਊਰੀ' ਕਾਰਨ ਈਰਾਨ ਵਿੱਚ ਮਰਨ ਵਾਲਿਆਂ ਦੀ ਗਿਣਤੀ 1,332 ਤੱਕ ਪਹੁੰਚ ਚੁੱਕੀ ਹੈ। ਮਾਹਰਾਂ ਦਾ ਮੰਨਣਾ ਹੈ ਕਿ ਇਹ ਡਿਜੀਟਲ ਪਾਬੰਦੀ ਦੇਸ਼ ਅੰਦਰ ਜਾਰੀ ਅਸਥਿਰਤਾ, ਲੀਡਰਸ਼ਿਪ ਸੰਕਟ ਅਤੇ ਫੌਜੀ ਸਰਗਰਮੀਆਂ ਦੀਆਂ ਖ਼ਬਰਾਂ ਨੂੰ ਬਾਹਰ ਜਾਣ ਤੋਂ ਰੋਕਣ ਲਈ ਲਗਾਈ ਗਈ ਹੋ ਸਕਦੀ ਹੈ। ਜ਼ਿਕਰਯੋਗ ਹੈ ਕਿ ਈਰਾਨ ਲੰਬੀ ਜੰਗ ਲੜਨ ਦਾ ਦਾਅਵਾ ਕਰ ਰਿਹਾ ਹੈ। 

ਭਾਰਤੀਆਂ ਲਈ ਵਧੀ ਚਿੰਤਾ 

ਈਰਾਨ ਵਿੱਚ ਲਗਾਤਾਰ 10 ਦਿਨਾਂ ਤੋਂ ਇੰਟਰਨੈੱਟ ਬੰਦ ਹੋਣ ਕਾਰਨ ਜੰਗੀ ਖੇਤਰ ਵਿੱਚ ਫਸੇ 23,000 ਭਾਰਤੀ ਮਲਾਹਾਂ ਦੇ ਪਰਿਵਾਰਾਂ ਦੀਆਂ ਚਿੰਤਾਵਾਂ ਵੀ ਬਹੁਤ ਵਧ ਗਈਆਂ ਹਨ। ਇੰਟਰਨੈੱਟ ਸੇਵਾਵਾਂ ਨਾ ਹੋਣ ਕਾਰਨ ਇਨ੍ਹਾਂ ਮਲਾਹਾਂ ਦਾ ਆਪਣੇ ਪਰਿਵਾਰਾਂ ਨਾਲ ਸੰਪਰਕ ਕਰਨਾ ਅਤੇ ਆਪਣੀ ਸਲਾਮਤੀ ਬਾਰੇ ਦੱਸਣਾ ਮੁਸ਼ਕਲ ਹੋ ਗਿਆ ਹੈ।

ਆਰਥਿਕ ਅਤੇ ਫੌਜੀ ਮੋਰਚੇ 'ਤੇ ਤਬਾਹੀ

 ਇੱਕ ਪਾਸੇ ਡਿਜੀਟਲ ਹਨ੍ਹੇਰਾ ਹੈ, ਉੱਥੇ ਹੀ ਦੂਜੇ ਪਾਸੇ ਈਰਾਨ ਦੇ ਸ਼ਾਹਰਾਨ ਤੇਲ ਡਿਪੂ ਵਰਗੇ ਮਹੱਤਵਪੂਰਨ ਟਿਕਾਣੇ ਬੰਬਾਰੀ ਕਾਰਨ ਅਜੇ ਵੀ ਲਟਲਟ ਬਲ ਰਹੇ ਹਨ। ਇਸ ਜੰਗ ਕਾਰਨ ਗਲੋਬਲ ਬਾਜ਼ਾਰ ਵਿੱਚ ਕੱਚਾ ਤੇਲ 100 ਡਾਲਰ ਪ੍ਰਤੀ ਬੈਰਲ ਦੇ ਪਾਰ ਪਹੁੰਚ ਗਿਆ ਹੈ। 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।