ਅਮਰੀਕੀ ਰਾਸ਼ਟਰਪਤੀ ਚੋਣਾਂ : ਵੱਖ-ਵੱਖ ਰਾਜਾਂ ਦੇ ਸਰਵੇਖਣਾਂ 'ਚ ਟਰੰਪ ਤੋਂ ਅੱਗੇ ਹੈਰਿਸ

ਵਾਸ਼ਿੰਗਟਨ (ਭਾਸ਼ਾ)- ਅਮਰੀਕਾ ਵਿਚ ਨਵੰਬਰ ਵਿਚ ਹੋਣ ਵਾਲੀਆਂ ਰਾਸ਼ਟਰਪਤੀ ਚੋਣਾਂ ਵਿਚ ਡੈਮੋਕ੍ਰੇਟਿਕ ਪਾਰਟੀ ਦੀ ਉਮੀਦਵਾਰ ਕਮਲਾ ਹੈਰਿਸ ਐਰੀਜ਼ੋਨਾ, ਮਿਸ਼ੀਗਨ ਅਤੇ ਪੈਨਸਿਲਵੇਨੀਆ ਵਰਗੇ ਕਈ ਰਾਜਾਂ ਵਿਚ ਆਪਣੇ ਵਿਰੋਧੀ ਅਤੇ ਰਿਪਬਲਿਕਨ ਪਾਰਟੀ ਦੇ ਉਮੀਦਵਾਰ ਡੋਨਾਲਡ ਟਰੰਪ ਤੋਂ ਅੱਗੇ ਹਨ। ਇਹ ਜਾਣਕਾਰੀ ਵੱਖ-ਵੱਖ ਸਰਵੇਖਣਾਂ ਵਿੱਚ ਦਿੱਤੀ ਗਈ ਹੈ। UMass Lowell's Center for Public Opinion and YouGov ਦੁਆਰਾ ਜਾਰੀ ਕੀਤੇ ਗਏ ਇੱਕ ਨਵੇਂ ਸਰਵੇਖਣ ਅਨੁਸਾਰ ਅਮਰੀਕੀ ਉਪ ਰਾਸ਼ਟਰਪਤੀ ਹੈਰਿਸ ਨੂੰ ਮਿਸ਼ੀਗਨ ਵਿੱਚ ਸਾਬਕਾ ਰਾਸ਼ਟਰਪਤੀ ਟਰੰਪ ਤੋਂ ਮਾਮੂਲੀ ਬੜ੍ਹਤ ਹੈ। ਯੂਮਾਸ ਲੋਵੇਲ ਦੇ ਰਾਜਨੀਤੀ ਸ਼ਾਸਤਰ ਦੇ ਸਹਾਇਕ ਪ੍ਰੋਫੈਸਰ ਅਤੇ ਸੈਂਟਰ ਫਾਰ ਪਬਲਿਕ ਓਪੀਨੀਅਨ ਦੇ ਐਸੋਸੀਏਟ ਡਾਇਰੈਕਟਰ ਰੋਡਰੀਗੋ ਕਾਸਤਰੋ ਕੋਰਨੇਜੋ ਨੇ ਕਿਹਾ, "ਇਸ ਰਾਜ ਦੇ ਚੋਣ ਵਿੱਚ ਉਪ ਰਾਸ਼ਟਰਪਤੀ ਦੀ ਬੜ੍ਹਤ ਉਸ ਲਈ ਚੰਗੀ ਖ਼ਬਰ ਹੈ।" 

ਪੜ੍ਹੋ ਇਹ ਅਹਿਮ ਖ਼ਬਰ-ਕੈਨੇਡਾ 'ਚ ਉੱਠੀ Kanishka bombing ਕਾਂਡ ਦੀ ਤੀਜੀ ਜਾਂਚ ਦੀ ਮੰਗ, ਹਿੰਦੂ ਸੰਸਦ ਮੈਂਬਰ ਨਾਰਾਜ਼

ਕੋਰਨੇਜੋ ਨੇ ਕਿਹਾ,''ਜੇਕਰ ਟਰੰਪ ਇਸ ਪਾੜੇ ਨੂੰ ਘਟਾਉਣਾ ਚਾਹੁੰਦੇ ਹਨ ਉਸ ਨੂੰ 'ਗ੍ਰੇਟ ਲੇਕਸ ਸਟੇਟ' 'ਚ ਜ਼ੋਰਦਾਰ ਲੜਾਈ ਲੜਨੀ ਪਵੇਗੀ।'' ਅਮਰੀਕਾ 'ਚ ਐਰੀਜ਼ੋਨਾ, ਮਿਸ਼ੀਗਨ, ਪੈਨਸਿਲਵੇਨੀਆ, ਇਲੀਨੋਇਸ, ਇੰਡੀਆਨਾ, ਮਿਨੀਸੋਟਾ, ਨਿਊਯਾਰਕ, ਓਹੀਓ ਅਤੇ ਵਿਸਕਾਨਸਿਨ ਨੂੰ 'ਗ੍ਰੇਟ ਲੇਕਸ ਸਟੇਟਸ' ਕਿਹਾ ਜਾਂਦਾ ਹੈ। ‘ਯੂਮਾਸ ਲੋਵੇਲ ਸੈਂਟਰ ਫਾਰ ਪਬਲਿਕ ਓਪੀਨੀਅਨ’ ਦੇ ਸਰਵੇਖਣ ਮੁਤਾਬਕ ਪੈਨਸਿਲਵੇਨੀਆ ਵਿੱਚ ਹੈਰਿਸ ਨੂੰ 48 ਫੀਸਦੀ ਲੋਕਾਂ ਦਾ ਸਮਰਥਨ ਹਾਸਲ ਹੈ ਜਦੋਂਕਿ ਟਰੰਪ ਨੂੰ 46 ਫੀਸਦੀ ਲੋਕਾਂ ਦਾ ਸਮਰਥਨ ਹਾਸਲ ਹੈ। ਫੌਕਸ ਨਿਊਜ਼ ਦੇ ਇੱਕ ਨਵੇਂ ਪੋਲ ਅਨੁਸਾਰ ਹੈਰਿਸ ਨੂੰ ਜਾਰਜੀਆ ਵਿੱਚ ਆਪਣੇ ਵਿਰੋਧੀ ਟਰੰਪ 'ਤੇ ਮਾਮੂਲੀ ਬੜ੍ਹਤ ਹੈ, ਪਰ ਐਰੀਜ਼ੋਨਾ ਵਿੱਚ ਉਹ ਪਿੱਛੇ ਹੈ। ਇਸ ਦੇ ਮੁਤਾਬਕ ਜਾਰਜੀਆ 'ਚ ਹੈਰਿਸ ਨੂੰ 51 ਫੀਸਦੀ ਜਦਕਿ ਟਰੰਪ ਨੂੰ 48 ਫੀਸਦੀ ਸਮਰਥਨ ਮਿਲਿਆ ਹੈ। ਸਰਵੇਖਣ ਮੁਤਾਬਕ ਐਰੀਜ਼ੋਨਾ 'ਚ ਟਰੰਪ ਹੈਰਿਸ ਤੋਂ ਲਗਭਗ ਉਸੇ ਫਰਕ ਨਾਲ ਅੱਗੇ ਹਨ। ਉਨ੍ਹਾਂ ਨੂੰ 51 ਫੀਸਦੀ ਲੋਕਾਂ ਦਾ ਸਮਰਥਨ ਹਾਸਲ ਹੈ, ਜਦਕਿ ਹੈਰਿਸ ਨੂੰ 48 ਫੀਸਦੀ ਲੋਕਾਂ ਦਾ ਸਮਰਥਨ ਹਾਸਲ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।