Green Card ਦੇ ਚਾਹਵਾਨ ਭਾਰਤੀਆਂ ਲਈ ਖੁਸ਼ਖਬਰੀ

ਵਾਸ਼ਿੰਗਟਨ: ਅਮਰੀਕਾ ਵਿੱਚ ਗ੍ਰੀਨ ਕਾਰਡ ਲਈ ਅਰਜ਼ੀ ਦੇਣ ਵਾਲੇ ਭਾਰਤੀਆਂ ਲਈ ਖੁਸ਼ਖਬਰੀ ਹੈ। ਯੂਨਾਈਟਿਡ ਸਟੇਟਸ ਸਿਟੀਜ਼ਨਸ਼ਿਪ ਐਂਡ ਇਮੀਗ੍ਰੇਸ਼ਨ ਸਰਵਿਸਿਜ਼ (USCIS) ਨੇ ਜੁਲਾਈ 2025 ਲਈ ਜਾਰੀ ਕੀਤੇ ਵੀਜ਼ਾ ਬੁਲੇਟਿਨ ਵਿੱਚ ਗ੍ਰੀਨ ਕਾਰਡ ਬਿਨੈਕਾਰਾਂ ਲਈ ਰਾਹਤ ਦਿਖਾਈ ਹੈ। ਪਰਿਵਾਰਕ ਸਪਾਂਸਰ ਅਤੇ EB-3 ਸ਼੍ਰੇਣੀਆਂ ਲਈ ਅੰਤਿਮ ਕਾਰਵਾਈ ਦੀ ਕੱਟ-ਆਫ ਮਿਤੀ ਵਿੱਚਮਹੱਤਵਪੂਰਨ ਬਦਲਾਅ ਕੀਤਾ ਗਿਆ ਹੈ। ਹਾਲਾਂਕਿ ਪ੍ਰਮੁੱਖ ਰੁਜ਼ਗਾਰ-ਅਧਾਰਤ ਵੀਜ਼ਾ ਸ਼੍ਰੇਣੀਆਂ EB-1 ਅਤੇ EB-2 ਦੀਆਂ ਤਾਰੀਖਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਤੁਹਾਨੂੰ ਦੱਸ ਦਈਏ ਕਿ ਅਮਰੀਕਾ ਦਾ ਗ੍ਰੀਨ ਕਾਰਡ ਪ੍ਰਾਪਤ ਕਰਨ ਦੇ ਚਾਹਵਾਨਾਂ ਲਈ ਬੁਲੇਟਿਨ ਵਿੱਚ ਕੀ ਖਾਸ ਹੈ।

ਇਸ ਸ਼੍ਰੇਣੀ ਨੂੰ ਸਭ ਤੋਂ ਵੱਧ ਫਾਇਦਾ

ਖਾਸ ਗੱਲ ਇਹ ਹੈ ਕਿ ਫੈਮਿਲੀ ਸਪਾਂਸਰ ਅਤੇ ਰੁਜ਼ਗਾਰ-ਅਧਾਰਤ ਸ਼੍ਰੇਣੀਆਂ ਦੋਵਾਂ ਲਈ ਅੰਤਿਮ ਕਾਰਵਾਈ ਮਿਤੀ ਬਰਾਬਰ ਵਧਾ ਦਿੱਤੀ ਗਈ ਹੈ, ਜੋ ਕਿ ਭਾਰਤੀ ਬਿਨੈਕਾਰਾਂ ਦੇ ਬੈਕਲਾਗ ਵਿੱਚ ਹੌਲੀ-ਹੌਲੀ ਕਮੀ ਨੂੰ ਦਰਸਾਉਂਦੀ ਹੈ। ਫੈਮਿਲੀ-ਸਪਾਂਸਰ ਸ਼੍ਰੇਣੀਆਂ ਵਿੱਚੋਂ ਸਭ ਤੋਂ ਵੱਧ ਲਾਭ F2A ਸ਼੍ਰੇਣੀ (ਸਥਾਈ ਨਿਵਾਸੀਆਂ ਦੇ ਜੀਵਨ ਸਾਥੀ ਅਤੇ ਬੱਚੇ) ਨੂੰ ਹੋਇਆ, ਜਿਸ ਵਿੱਚ ਸਿੱਧਾ 8 ਮਹੀਨਿਆਂ ਦਾ ਵਾਧਾ ਹੋਇਆ। ਇਸਦਾ ਕੱਟਆਫ 1 ਜਨਵਰੀ, 2022 ਤੋਂ ਵਧ ਕੇ 1 ਸਤੰਬਰ, 2022 ਹੋ ਗਿਆ।

ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ ਦੇ ਹਵਾਲੇ ਕੀਤਾ ਗਿਆ ਸਾਜਿਸ਼ਕਰਤਾ ਪਾਕਿਸਤਾਨੀ ਨਾਗਰਿਕ 

EB-3 ਸ਼੍ਰੇਣੀ ਵਿੱਚ ਵੀ ਤਾਰੀਖ ਵਧੀ

ਰੁਜ਼ਗਾਰ-ਅਧਾਰਤ ਤੀਜੀ ਤਰਜੀਹ ਅਤੇ ਹੋਰ ਕਰਮਚਾਰੀ ਸ਼੍ਰੇਣੀਆਂ EB-3 ਵਿੱਚ ਸੱਤ ਦਿਨਾਂ ਦਾ ਵਾਧਾ ਹੋਇਆ। ਇਹਨਾਂ ਲਈ ਅੰਤਿਮ ਕਾਰਵਾਈ ਮਿਤੀ ਹੁਣ 22 ਅਪ੍ਰੈਲ, 2013 ਹੋਵੇਗੀ। ਰੁਜ਼ਗਾਰ-ਅਧਾਰਤ ਸ਼੍ਰੇਣੀਆਂ ਲਈ ਫਾਈਲਿੰਗ ਤਾਰੀਖਾਂ ਬਿਨਾਂ ਕਿਸੇ ਬਦਲਾਅ ਦੇ ਜਾਰੀ ਰਹਿਣਗੀਆਂ, ਇਸ ਤਰ੍ਹਾਂ ਅੰਤਿਮ ਕਾਰਵਾਈ ਤਾਰੀਖਾਂ ਵਿੱਚ ਸਥਿਰਤਾ ਬਣਾਈ ਰੱਖੀ ਜਾਵੇਗੀ।

ਇਹਨਾਂ ਸ਼੍ਰੇਣੀਆਂ ਵਿੱਚ ਨਹੀਂ ਬਦਲਾਅ

ਭਾਰਤ ਲਈ EB-1 ਸ਼੍ਰੇਣੀ (ਪ੍ਰਾਥਮਿਕਤਾ ਵਾਲੇ ਕਾਮੇ) ਲਈ ਅੰਤਿਮ ਕਾਰਵਾਈ ਮਿਤੀ 15 ਫਰਵਰੀ, 2022 ਰਹੇਗੀ। ਇਸੇ ਤਰ੍ਹਾਂ, ਭਾਰਤ ਲਈ EB-2 ਸ਼੍ਰੇਣੀ (ਉੱਨਤ ਡਿਗਰੀਆਂ ਵਾਲੇ ਪੇਸ਼ੇਵਰ ਜਾਂ ਅਸਾਧਾਰਨ ਯੋਗਤਾ ਵਾਲੇ ਵਿਅਕਤੀ) ਵਿੱਚ ਕੋਈ ਬਦਲਾਅ ਨਹੀਂ ਹੈ ਅਤੇ 1 ਜਨਵਰੀ, 2013 ਵਾਂਗ ਹੀ ਰਹੇਗਾ। EB-5 ਸ਼੍ਰੇਣੀ ਵਿੱਚ ਵੀ ਕੋਈ ਬਦਲਾਅ ਨਹੀਂ ਹੈ।  

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=88

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।