ਪੈਰਿਸ ''ਚ 19ਵੀਂ ਸਦੀ ਦੇ ਜ਼ਿਲ੍ਹਾ ਟਾਊਨ ਹਾਲ ਨੂੰ ਲੱਗੀ ਅੱਗ

ਪੈਰਿਸ (ਏਪੀ)- ਪੈਰਿਸ ਦੇ 12ਵੇਂ ਜ਼ਿਲ੍ਹੇ ਦੇ ਟਾਊਨ ਹਾਲ ਨੂੰ ਸੋਮਵਾਰ ਤੜਕਸਾਰ ਅੱਗ ਲੱਗ ਗਈ। ਚੰਗੀ ਗੱਲ ਇਹ ਰਹੀ ਕਿ ਅੱਗ ਨਾਲ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਪਰ 19ਵੀਂ ਸਦੀ ਦੀ ਇਮਾਰਤ ਦੇ ਘੰਟੀ ਟਾਵਰ ਨੂੰ ਬੁਰੀ ਤਰ੍ਹਾਂ ਨੁਕਸਾਨ ਪਹੁੰਚਿਆ।

ਪੜ੍ਹੋ ਇਹ ਅਹਿਮ ਖ਼ਬਰ-LPG ਨਾਲ ਭਰਿਆ ਟੈਂਕਰ ਫਟਿਆ, 6 ਲੋਕਾਂ ਦੀ ਮੌਤ ਤੇ ਦਰਜਨਾਂ ਜ਼ਖਮੀ

ਪੈਰਿਸ ਪੁਲਸ ਪ੍ਰੀਫੈਕਟ ਲੌਰੇਂਟ ਨੂਨੇਜ਼ ਨੇ ਕਿਹਾ ਕਿ ਇਮਾਰਤ ਦੀ ਛੱਤ 'ਤੇ ਸਵੇਰੇ 3:20 ਵਜੇ ਅੱਗ ਲੱਗੀ। ਨੂਨੇਜ਼ ਨੇ ਕਿਹਾ ਕਿ ਲਗਭਗ 150 ਫਾਇਰਫਾਈਟਰਾਂ ਨੇ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਸਵੇਰੇ ਅੱਗ ਬੁਝਾ ਦਿੱਤੀ ਗਈ। ਉਸਨੇ ਚਿਤਾਵਨੀ ਦਿੱਤੀ ਕਿ ਘੰਟੀ ਟਾਵਰ ਦੇ ਉੱਪਰਲੇ ਹਿੱਸੇ ਦੇ "ਢਹਿ ਜਾਣ ਦਾ ਖ਼ਤਰਾ" ਹੈ। ਇਮਾਰਤ ਦੇ ਆਲੇ-ਦੁਆਲੇ ਇੱਕ ਸੁਰੱਖਿਆ ਖੇਤਰ ਸਥਾਪਤ ਕੀਤਾ ਗਿਆ ਹੈ। ਨੂਨੇਜ਼ ਨੇ ਕਿਹਾ ਕਿ ਅੱਗ ਲੱਗਣ ਦੇ ਕਾਰਨਾਂ ਦਾ ਪਤਾ ਲਗਾਉਣ ਲਈ ਜਾਂਚ ਕੀਤੀ ਜਾਵੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।