''ਆਰਟੇਮਿਸ-2 ਮਿਸ਼ਨ'' ਦਾ ਪੰਜਵਾਂ ਦਿਨ, ਚੰਦਰਮਾ ਫਲਾਈਬਾਈ ਲਈ ਟੀਮ ਤਿਆਰ

ਵੈਨਕੂਵਰ (ਮਲਕੀਤ ਸਿੰਘ) : ਨਾਸਾ ਦੇ 'ਆਰਟੇਮਿਸ-2 ਮਿਸ਼ਨ' ਨੇ ਪੰਜਵੇਂ ਦਿਨ ਮਹੱਤਵਪੂਰਨ ਮੰਜ਼ਿਲ ਹਾਸਲ ਕਰਦੇ ਹੋਏ ਚੰਦਰਮਾ ਦੇ ਫਲਾਈਬਾਈ (ਨੇੜਿਉ ਲੰਘਣ)ਲਈ ਤਿਆਰੀਆਂ ਤੇਜ਼ ਕਰ ਦਿੱਤੀਆਂ ਹਨ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਮਿਸ਼ਨ ਦੌਰਾਨ ਟੀਮ ਵੱਲੋਂ ਖ਼ਾਸ ਸੂਟਾਂ ਦੀ ਜਾਂਚ ਅਤੇ ਡੈਮੋ ਕੀਤੀ ਗਈ ਹੈ, ਤਾਂ ਜੋ ਆਉਣ ਵਾਲੇ ਚੰਦਰਮਾ ਦੇ ਨੇੜਲੇ ਗੁਜ਼ਰਨ ਨੂੰ ਸੁਰੱਖਿਅਤ ਢੰਗ ਨਾਲ ਪੂਰਾ ਕੀਤਾ ਜਾ ਸਕੇ।

ਮਿਸ਼ਨ ਦੇ ਪੰਜਵੇਂ ਦਿਨ ਦੌਰਾਨ ਓਰੀਅਨ ਅੰਤਰਿਕਸ਼ ਯਾਨ ਤੋਂ ਲਈ ਗਈ ਤਸਵੀਰ ਵਿੱਚ ਧਰਤੀ ਦੂਰ ਹੁੰਦੀ ਹੋਈ ਨਜ਼ਰ ਆ ਰਹੀ ਹੈ, ਜੋ ਪੁਲਾੜ  ਦੀ ਕਾਲੀ ਪਿੱਠਭੂਮੀ ਵਿੱਚ ਹੋਰ ਵੀ ਛੋਟੀ ਦਿਖਾਈ ਦੇ ਰਹੀ ਹੈ। ਇਹ ਦ੍ਰਿਸ਼ ਦਰਸਾਉਂਦਾ ਹੈ ਕਿ ਟੀਮ ਚੰਦਰਮਾ ਵੱਲ ਲਗਾਤਾਰ ਅੱਗੇ ਵੱਧ ਰਹੀ ਹੈ। ਨਾਸਾ ਵੱਲੋਂ ਜਾਰੀ ਜਾਣਕਾਰੀ ਮੁਤਾਬਕ ਮਿਸ਼ਨ ਦੀਆਂ ਕੁਝ ਤਕਨੀਕੀ ਗਤੀਵਿਧੀਆਂ ਵਿੱਚ ਹਲਕਾ ਬਦਲਾਅ ਕੀਤਾ ਗਿਆ ਹੈ ਅਤੇ ਕੁਝ ਪ੍ਰਕਿਰਿਆਵਾਂ ਨੂੰ ਅਗਲੇ ਪੜਾਅ ਲਈ ਮੁਲਤਵੀ ਕੀਤਾ ਗਿਆ ਹੈ।

ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਹ ਮਿਸ਼ਨ ਮਨੁੱਖੀ ਪੁਲਾੜ ਯਾਤਰਾ ਦੇ ਇਤਿਹਾਸ ਵਿੱਚ ਇੱਕ ਮਹੱਤਵਪੂਰਨ ਕਦਮ ਸਾਬਤ ਹੋਵੇਗਾ, ਜੋ ਭਵਿੱਖ ਦੇ ਚੰਦਰਮਾ ਅਤੇ ਮੰਗਲ ਮਿਸ਼ਨਾਂ ਲਈ ਰਸਤਾ ਪੱਧਰਾ  ਕਰੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e