ਐਪਸਟੀਨ ਖੁਲਾਸਿਆਂ ਨੇ ਬ੍ਰਿਟਿਸ਼ ਸ਼ਾਹੀ ਪਰਿਵਾਰ ਦੀਆਂ ਹਿਲਾਈਆਂ ਚੂਲਾਂ! ਪ੍ਰਿੰਸ ਐਂਡਰਿਊ ''ਤੇ ਲੱਗੇ ਗੰਭੀਰ ਇਲਜ਼ਾਮ

ਲੰਡਨ: ਕੁਖਿਆਤ ਜਿਨਸੀ ਅਪਰਾਧੀ ਜੈਫਰੀ ਐਪਸਟੀਨ ਨਾਲ ਜੁੜੇ ਨਵੇਂ ਦਸਤਾਵੇਜ਼ਾਂ ਅਤੇ ਰਿਪੋਰਟਾਂ ਨੇ ਬ੍ਰਿਟੇਨ ਦੇ ਸ਼ਾਹੀ ਪਰਿਵਾਰ ਅਤੇ ਗਲੋਬਲ ਸੱਤਾ ਦੇ ਗਲਿਆਰਿਆਂ ਵਿੱਚ ਤਰਥੱਲੀ ਮਚਾ ਦਿੱਤੀ ਹੈ। 'ਡੇਲੀ ਮੇਲ' ਦੀ ਰਿਪੋਰਟ ਅਨੁਸਾਰ, ਜੁਲਾਈ 2006 ਵਿੱਚ ਐਪਸਟੀਨ ਆਪਣੀ ਗ੍ਰਿਫਤਾਰੀ ਤੋਂ ਮਹਿਜ਼ ਅੱਠ ਦਿਨ ਪਹਿਲਾਂ ਵਿੰਡਸਰ ਕੈਸਲ ਵਿਖੇ ਪ੍ਰਿੰਸੈਸ ਬੀਟ੍ਰਿਸ ਦੀ 18ਵੀਂ ਜਨਮਦਿਨ ਪਾਰਟੀ ਵਿੱਚ ਸ਼ਾਮਲ ਸੀ।

'ਮਿਸਿਜ਼ ਵਿੰਡਸਰ' ਕੋਡਨੇਮ ਦੀ ਵਰਤੋਂ 
ਸਰੋਤਾਂ ਅਨੁਸਾਰ, ਜਿਸ ਸਮੇਂ ਐਪਸਟੀਨ ਇਸ ਸ਼ਾਹੀ ਪਾਰਟੀ ਵਿੱਚ ਮੌਜੂਦ ਸੀ, ਉਸ ਦੇ ਨਾਲ ਘਿਸਲੇਨ ਮੈਕਸਵੈੱਲ ਅਤੇ ਹਾਰਵੇ ਵਾਈਨਸਟੀਨ ਵੀ ਸਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਉਸ ਸਮੇਂ ਨਾਬਾਲਗ ਦੇ ਜਿਨਸੀ ਸ਼ੋਸ਼ਣ ਦੇ ਮਾਮਲੇ ਵਿੱਚ ਐਪਸਟੀਨ ਵਿਰੁੱਧ ਪਹਿਲਾਂ ਹੀ ਵਾਰੰਟ ਜਾਰੀ ਹੋ ਚੁੱਕਾ ਸੀ। ਰਿਪੋਰਟ ਵਿੱਚ ਇਹ ਦਾਅਵਾ ਵੀ ਕੀਤਾ ਗਿਆ ਹੈ ਕਿ ਪ੍ਰਿੰਸ ਐਂਡਰਿਊ ਨੇ ਕਥਿਤ ਤੌਰ 'ਤੇ ਐਪਸਟੀਨ ਨਾਲ ਜੁੜੀਆਂ ਔਰਤਾਂ ਨੂੰ ਬਕਿੰਘਮ ਪੈਲੇਸ ਵਿੱਚ ਦਾਖਲਾ ਦਿਵਾਉਣ ਲਈ "ਮਿਸਿਜ਼ ਵਿੰਡਸਰ" ਕੋਡਨੇਮ ਦੀ ਵਰਤੋਂ ਕੀਤੀ ਸੀ।

🇬🇧 Andrew smuggled Epstein victims into Buckingham Palace using the codename "Mrs Windsor"

He'd call ahead: "Mrs Windsor will arrive shortly. Let her in."

The King's "profoundly concerned"... support for the monarchy just hit 45%, their lowest ever.

Britain protected a… https://t.co/ImpZVmrr3s pic.twitter.com/PLQeAOwvNC

— Mario Nawfal (@MarioNawfal) February 13, 2026

ਸ਼ਾਹੀ ਪਰਿਵਾਰ ਦੇ ਅਕਸ ਨੂੰ ਲੱਗਾ ਵੱਡਾ ਝਟਕਾ 
ਇਨ੍ਹਾਂ ਨਵੇਂ ਖੁਲਾਸਿਆਂ ਦਾ ਅਸਰ ਸ਼ਾਹੀ ਪਰਿਵਾਰ ਦੀ ਲੋਕਪ੍ਰਿਯਤਾ 'ਤੇ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਜਾਣਕਾਰੀ ਅਨੁਸਾਰ, ਸ਼ਾਹੀ ਸੰਸਥਾ ਪ੍ਰਤੀ ਜਨਤਕ ਸਮਰਥਨ ਡਿੱਗ ਕੇ 45 ਫੀਸਦੀ ਰਹਿ ਗਿਆ ਹੈ, ਜੋ ਕਿ ਹੁਣ ਤੱਕ ਦਾ ਸਭ ਤੋਂ ਹੇਠਲਾ ਪੱਧਰ ਹੈ। ਕਿੰਗ ਚਾਰਲਸ III ਨੂੰ ਇਸ ਸਥਿਤੀ ਨੂੰ ਲੈ ਕੇ ਬੇਹੱਦ ਚਿੰਤਤ ਦੱਸਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ, ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਦੀ ਵ੍ਹਾਈਟ ਹਾਊਸ ਕੌਂਸਲ ਰਹਿ ਚੁੱਕੀ ਕੈਥੀ ਰੂਮਲਰ ਦੇ ਐਪਸਟੀਨ ਨਾਲ ਸਬੰਧਾਂ 'ਤੇ ਵੀ ਸਵਾਲ ਖੜ੍ਹੇ ਹੋਏ ਹਨ।

ਪ੍ਰਿੰਸ ਵਿਲੀਅਮ ਅਤੇ ਹੋਰ ਵਿਵਾਦ 
ਵਿਵਾਦਾਂ ਦੀ ਲੜੀ ਇੱਥੇ ਹੀ ਖਤਮ ਨਹੀਂ ਹੁੰਦੀ। ਦਾਅਵਾ ਕੀਤਾ ਗਿਆ ਹੈ ਕਿ ਪ੍ਰਿੰਸ ਵਿਲੀਅਮ ਦੀ ਚੈਰਿਟੀ 'ਅਰਥਸ਼ੌਟ ਪ੍ਰਾਈਜ਼' ਨੂੰ ਸੁਲਤਾਨ ਅਹਿਮਦ ਬਿਨ ਸੁਲਯੇਮ ਤੋਂ ਇਕ ਮਿਲੀਅਨ ਪੌਂਡ ਤੋਂ ਵੱਧ ਦਾ ਦਾਨ ਮਿਲਿਆ, ਜਦੋਂ ਕਿ ਸੁਲਤਾਨ 'ਤੇ ਐਪਸਟੀਨ ਨਾਲ ਇਤਰਾਜ਼ਯੋਗ ਈਮੇਲ ਅਤੇ "ਟਾਰਚਰ ਵੀਡੀਓ" ਸਾਂਝੇ ਕਰਨ ਦੇ ਦੋਸ਼ ਹਨ।

🇬🇧🇦🇪 Prince William's charity took £1M from a guy who sent Epstein torture videos

Sultan Ahmed bin Sulayem donated over a million pounds to William's Earthshot Prize. He was also emailing Epstein while Epstein was literally in prison for soliciting underage girls.

"I loved the… https://t.co/crNSaxU6Fj pic.twitter.com/dvhHLTeq7q

— Mario Nawfal (@MarioNawfal) February 13, 2026

ਪੁਲਸ ਦੀ ਤਿੱਖੀ ਨਜ਼ਰ 
ਬੀਬੀਸੀ ਦੀ ਰਿਪੋਰਟ ਮੁਤਾਬਕ, ਬ੍ਰਿਟਿਸ਼ ਪੁਲਸ ਹੁਣ ਇਸ ਗੱਲ ਦੀ ਜਾਂਚ ਕਰ ਰਹੀ ਹੈ ਕਿ ਕੀ ਪ੍ਰਿੰਸ ਐਂਡਰਿਊ ਨੇ 2008 ਦੀ ਸਜ਼ਾ ਤੋਂ ਬਾਅਦ ਵੀ ਐਪਸਟੀਨ ਨਾਲ ਸੰਵੇਦਨਸ਼ੀਲ ਜਾਣਕਾਰੀ ਅਤੇ ਅਧਿਕਾਰਤ ਵਪਾਰਕ ਵੇਰਵੇ ਸਾਂਝੇ ਕੀਤੇ ਸਨ। ਇਨ੍ਹਾਂ ਸਾਰੇ ਤੱਥਾਂ ਨੇ ਇਹ ਬਹਿਸ ਤੇਜ਼ ਕਰ ਦਿੱਤੀ ਹੈ ਕਿ ਕਿਵੇਂ ਪ੍ਰਭਾਵਸ਼ਾਲੀ ਸੰਸਥਾਵਾਂ ਨੇ ਸਾਲਾਂ ਬੱਧੀ ਇਨ੍ਹਾਂ ਗੰਭੀਰ ਦੋਸ਼ਾਂ ਵੱਲੋਂ ਅੱਖਾਂ ਮੀਟ ਰੱਖੀਆਂ, ਜਿਸ ਦੀ ਕੀਮਤ ਹੁਣ ਉਨ੍ਹਾਂ ਨੂੰ ਆਪਣੇ ਭਰੋਸੇ ਅਤੇ ਵੱਕਾਰ ਰਾਹੀਂ ਚੁਕਾਉਣੀ ਪੈ ਰਹੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e