18,51,57,00,000 ਰੁਪਏ ਦਾ ਨੁਕਸਾਨ! ਹੋਰਮੁਜ਼ 'ਚ ਗਾਇਬ ਹੋਇਆ ਅਮਰੀਕਾ ਦਾ ਸਭ ਤੋਂ ਮਹਿੰਗਾ ਡਰੋਨ

ਇੰਟਰਨੈਸ਼ਨਲ ਡੈਸਕ: ਅਮਰੀਕਾ ਅਤੇ ਈਰਾਨ ਵਿਚਾਲੇ ਜਾਰੀ ਜੰਗਬੰਦੀ ਦੇ ਦੌਰਾਨ ਅਮਰੀਕੀ ਫੌਜ ਨੂੰ ਇੱਕ ਵੱਡਾ ਮਾਲੀ ਅਤੇ ਰਣਨੀਤਕ ਝਟਕਾ ਲੱਗਾ ਹੈ। ਖ਼ਬਰਾਂ ਅਨੁਸਾਰ ਅਮਰੀਕੀ ਨੇਵੀ ਦਾ ਸਭ ਤੋਂ ਮਹਿੰਗਾ ਸਰਵੇਲੈਂਸ ਡਰੋਨ MQ-4C Triton ਹੋਰਮੁਜ਼ ਜਲਡਮਰੂਮੱਧ  ਦੇ ਉੱਪਰ ਗਾਇਬ ਹੋ ਗਿਆ ਹੈ। ਗਾਇਬ ਹੋਏ ਇਸ ਡਰੋਨ ਦੀ ਕੀਮਤ ਲਗਭਗ 18,51,57,00,000 ਰੁਪਏ (200 ਮਿਲੀਅਨ ਡਾਲਰ) ਦੱਸੀ ਜਾ ਰਹੀ ਹੈ। ਇਸ ਨੂੰ ਅਮਰੀਕੀ ਕੰਪਨੀ Northrop Grumman ਵੱਲੋਂ ਤਿਆਰ ਕੀਤਾ ਗਿਆ ਹੈ ਅਤੇ ਇਹ ਲੰਬੇ ਸਮੇਂ ਤੱਕ ਜਾਸੂਸੀ ਕਰਨ ਦੀ ਸਮਰੱਥਾ ਰੱਖਦਾ ਹੈ।

ਐਮਰਜੈਂਸੀ ਅਲਰਟ ਤੋਂ ਬਾਅਦ ਹੋਇਆ ਗਾਇਬ 

ਮੀਡੀਆ ਰਿਪੋਰਟਾਂ ਅਨੁਸਾਰ, ਇਸ ਡਰੋਨ ਨੇ ਫਾਰਸ ਦੀ ਖਾੜੀ ਅਤੇ ਹੋਰਮੁਜ਼ ਜਲਡਮਰੂਮੱਧ ਦੇ ਉੱਪਰ ਲਗਭਗ ਤਿੰਨ ਘੰਟੇ ਉਡਾਣ ਭਰੀ ਸੀ ਅਤੇ ਇਹ ਇਟਲੀ ਸਥਿਤ ਆਪਣੇ ਨੇਵਲ ਬੇਸ ਸਟੇਸ਼ਨ ਵੱਲ ਪਰਤ ਰਿਹਾ ਸੀ। ਫਲਾਈਟ ਟ੍ਰੈਕਿੰਗ ਵੈੱਬਸਾਈਟ 'ਫਲਾਈਟਰਾਡਾਰ24' ਮੁਤਾਬਕ, ਡਰੋਨ ਨੇ ਅਚਾਨਕ ਈਰਾਨ ਵੱਲ ਮੋੜ ਕੱਟਿਆ ਅਤੇ 'ਇਨ-ਫਲਾਈਟ ਐਮਰਜੈਂਸੀ' ਦਾ ਸੰਦੇਸ਼ ਭੇਜਿਆ, ਜਿਸ ਤੋਂ ਤੁਰੰਤ ਬਾਅਦ ਇਹ ਤੇਜ਼ੀ ਨਾਲ ਹੇਠਾਂ ਡਿੱਗਣ ਲੱਗਾ ਅਤੇ ਗਾਇਬ ਹੋ ਗਿਆ।

ਪੜ੍ਹੋ ਇਹ ਅਹਿਮ ਖ਼ਬਰ-  ਹੋਰਮੁਜ਼ 'ਚੋਂ ਲੰਘਣ ਵਾਲੇ ਟੈਂਕਰਾਂ ਤੋਂ ਵਸੂਲੀ ਹੋਵੇ ਬੰਦ; Trump ਨੇ ਈਰਾਨ ਦੀ ਮੁੜ ਦਿੱਤੀ ਚੇਤਾਵਨੀ

ਹਾਦਸਾ ਜਾਂ ਹਮਲਾ? 

ਫਿਲਹਾਲ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਕਿ ਇਹ ਡਰੋਨ ਕਿਸੇ ਤਕਨੀਕੀ ਖ਼ਰਾਬੀ ਕਾਰਨ ਹਾਦਸੇ ਦਾ ਸ਼ਿਕਾਰ ਹੋਇਆ ਹੈ ਜਾਂ ਇਸ ਨੂੰ ਮਾਰ ਗਿਰਾਇਆ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਅਮਰੀਕਾ ਅਤੇ ਈਰਾਨ ਵਿਚਾਲੇ ਮਹਿਜ਼ ਦੋ ਦਿਨ ਪਹਿਲਾਂ ਹੀ ਜੰਗਬੰਦੀ ਹੋਈ ਸੀ।

ਅਮਰੀਕਾ 'ਤੇ ਭਾਰੀ ਆਰਥਿਕ ਬੋਝ 

ਸਟਾਕਹੋਮ ਇੰਟਰਨੈਸ਼ਨਲ ਪੀਸ ਰਿਸਰਚ ਇੰਸਟੀਚਿਊਟ (SIPRI) ਦੀ ਰਿਪੋਰਟ ਅਨੁਸਾਰ ਅਮਰੀਕਾ ਨੂੰ ਈਰਾਨ ਨਾਲ ਹੋ ਰਹੀ ਜੰਗ ਵਿੱਚ ਭਾਰੀ ਕੀਮਤ ਚੁਕਾਉਣੀ ਪੈ ਰਹੀ ਹੈ। ਅਨੁਮਾਨ ਹੈ ਕਿ ਅਮਰੀਕਾ ਨੂੰ ਹਰ ਸੈਕੰਡ ਲਗਭਗ 9.8 ਲੱਖ ਰੁਪਏ (10,300 ਡਾਲਰ) ਦਾ ਨੁਕਸਾਨ ਹੋ ਰਿਹਾ ਹੈ। ਅਮਰੀਕਾ ਰੋਜ਼ਾਨਾ ਸਭ ਤੋਂ ਵੱਧ 3040 ਕਰੋੜ ਰੁਪਏ ਸਿਰਫ਼ ਗੋਲਾ-ਬਾਰੂਦ ਅਤੇ ਮਿਜ਼ਾਈਲਾਂ 'ਤੇ ਖਰਚ ਕਰ ਰਿਹਾ ਹੈ।

ੜ੍ਹੋ ਇਹ ਅਹਿਮ ਖ਼ਬਰ-  ਜੰਗਬੰਦੀ ਵੀ ਨਾ ਆਈ ਕੰਮ,  ਉਲਟੇ ਪੈਰੀਂ ਮੋੜਿਆ LNG ਟੈਂਕਰ ! ਹੋਰਮੁਜ਼ 'ਚ ਈਰਾਨ ਦਾ ਦਬਦਬਾ ਬਰਕਰਾਰ

MQ-4C Triton ਦੀਆਂ ਵਿਸ਼ੇਸ਼ਤਾਵਾਂ

 ਇਹ ਡਰੋਨ ਅਮਰੀਕੀ ਸੈਂਟਰਲ ਕਮਾਂਡ ਲਈ ਬੇਹੱਦ ਅਹਿਮ ਸੀ ਕਿਉਂਕਿ ਇਹ 50,000 ਫੁੱਟ ਤੋਂ ਵੱਧ ਦੀ ਉਚਾਈ 'ਤੇ ਉੱਡ ਸਕਦਾ ਹੈ ਅਤੇ ਲਗਾਤਾਰ 24 ਘੰਟਿਆਂ ਤੋਂ ਵੱਧ ਸਮੇਂ ਤੱਕ ਜਾਸੂਸੀ ਕਰਨ ਦੇ ਸਮਰੱਥ ਹੈ। ਇਸ ਦੀ ਰੇਂਜ 7,400 ਸਮੁੰਦਰੀ ਮੀਲ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ-  ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।