ਆਸਟ੍ਰੇਲੀਆਈ ਸੈਨੇਟਰ 'ਤੇ ਹਮਲਾ ਕਰਨ ਦੇ ਮਾਮਲੇ 'ਚ ਔਰਤ 'ਤੇ ਲੱਗੇ ਦੋਸ਼

ਮੈਲਬੌਰਨ (ਪੋਸਟ ਬਿਊਰੋ)- ਇੱਕ ਔਰਤ ਸੋਮਵਾਰ ਨੂੰ ਆਸਟ੍ਰੇਲੀਆ ਦੀ ਇੱਕ ਅਦਾਲਤ ਵਿੱਚ ਪੇਸ਼ ਹੋਈ, ਜਿਸ 'ਤੇ ਮਈ ਵਿਚ ਆਸਟ੍ਰੇਲੀਆਈ ਸੈਨੇਟਰ 'ਤੇ ਹਮਲਾ ਕਰਨ ਦਾ ਦੋਸ਼ ਸੀ। ਇੱਥੇ ਦੱਸ ਦਈਏ ਕਿ ਉਕਤ ਮੂਲਵਾਸੀ ਸੈਨੇਟਰ ਨੇ ਹੀ ਪਿਛਲੇ ਹਫਤੇ ਇੱਕ ਸ਼ਾਹੀ ਰਿਸੈਪਸ਼ਨ ਦੌਰਾਨ ਕਿੰਗ ਚਾਰਲਸ III ਵਿਰੁੱਧ ਨਾਅਰੇਬਾਜ਼ੀ ਕੀਤੀ ਸੀ। 

ਹਮਲਾ ਕਥਿਤ ਤੌਰ 'ਤੇ 25 ਮਈ ਨੂੰ ਹੋਇਆ ਸੀ, ਜਦੋਂ ਸੁਤੰਤਰ ਸੈਨੇਟਰ ਲਿਡੀਆ ਥੋਰਪ ਆਪਣੇ ਜੱਦੀ ਸ਼ਹਿਰ ਮੈਲਬੌਰਨ ਵਿੱਚ ਇੱਕ ਆਸਟ੍ਰੇਲੀਅਨ ਰੂਲਜ਼ ਫੁੱਟਬਾਲ ਮੈਚ ਵਿੱਚ ਸ਼ਾਮਲ ਹੋਈ ਸੀ। ਐਬੋਨੀ ਬੈੱਲ (28) ਮੈਲਬੌਰਨ ਮੈਜਿਸਟ੍ਰੇਟ ਦੀ ਅਦਾਲਤ ਵਿੱਚ ਇੱਕ ਵੀਡੀਓ ਲਿੰਕ ਰਾਹੀਂ ਪੇਸ਼ ਹੋਈ। ਉਸ 'ਤੇ ਲਾਪਰਵਾਹੀ ਨਾਲ ਸੱਟ ਪਹੁੰਚਾਉਣ ਦੇ ਦੋ ਮਾਮਲੇ ਅਤੇ ਸਟੇਡੀਅਮ 'ਤੇ ਗੈਰ-ਕਾਨੂੰਨੀ ਹਮਲੇ ਦੇ ਤਿੰਨ ਦੋਸ਼ ਲਗਾਏ ਗਏ ਹਨ। ਪੁਲਸ ਦੇ ਇੱਕ ਬਿਆਨ ਵਿੱਚ ਕਥਿਤ ਹਮਲੇ ਵਿੱਚ 51 ਸਾਲਾ ਸੈਨੇਟਰ ਦੀਆਂ ਸੱਟਾਂ ਨੂੰ “ਮਾਮੂਲੀ” ਦੱਸਿਆ ਗਿਆ ਹੈ। ਹਮਲੇ ਦੀ ਰਿਪੋਰਟ ਅਗਲੇ ਦਿਨ ਪੁਲਸ ਨੂੰ ਦਿੱਤੀ ਗਈ ਸੀ ਅਤੇ ਬੈੱਲ ਨੂੰ 25 ਜੁਲਾਈ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਸੀ। ਔਰਤਾਂ ਇੱਕ-ਦੂਜੇ ਨੂੰ ਜਾਣਦੀਆਂ ਸਨ, ਪਰ ਕਥਿਤ ਹਮਲੇ ਦੇ ਇਰਾਦੇ ਦਾ ਅਦਾਲਤ ਵਿੱਚ ਵਰਣਨ ਨਹੀਂ ਕੀਤਾ ਗਿਆ ਸੀ।

ਪੜ੍ਹੋ ਇਹ ਅਹਿਮ ਖ਼ਬਰ-Canada 'ਚ ਵੱਧ ਰਹੇ ਪ੍ਰਵਾਸ ਨੂੰ ਲੈ ਕੇ ਵੱਡੀ ਖ਼ਬਰ, ਤਾਜ਼ਾ ਰਿਪੋਰਟ ਨੇ ਵਧਾਈ ਚਿੰਤਾ

ਗੌਰਤਲਬ ਹੈ ਕਿ ਥੋਰਪੇ ਨੇ ਪਿਛਲੇ ਹਫ਼ਤੇ ਕੈਨਬਰਾ ਵਿੱਚ ਆਸਟ੍ਰੇਲੀਆਈ ਸੰਸਦ ਭਵਨ ਵਿੱਚ ਇੱਕ ਰਿਸੈਪਸ਼ਨ ਦੌਰਾਨ ਚਾਰਲਸ 'ਤੇ ਵਿਅੰਗਾਤਮਕ ਹਮਲਾ ਕਰਨ ਤੋਂ ਬਾਅਦ ਕਥਿਤ ਹਮਲੇ ਬਾਰੇ ਆਪਣਾ ਪਹਿਲਾ ਜਨਤਕ ਬਿਆਨ ਦਿੱਤਾ। ਉੱਧਰ ਮੁੱਖ ਵਿਰੋਧੀ ਪਾਰਟੀ ਨੇ ਚਾਰਲਸ, ਜੋ ਕਿ ਆਸਟ੍ਰੇਲੀਆ ਦੇ ਰਾਜ ਦੇ ਮੁਖੀ ਹਨ, ਪ੍ਰਤੀ ਉਸਦੇ ਰਵੱਈਏ ਕਾਰਨ ਥੋਰਪ ਨੂੰ ਸੈਨੇਟ ਤੋਂ ਅਸਤੀਫ਼ਾ ਦੇਣ ਦੀ ਮੰਗ ਕੀਤੀ ਹੈ ਅਤੇ ਕਾਨੂੰਨੀ ਸਲਾਹ ਦੀ ਬੇਨਤੀ ਕੀਤੀ ਹੈ।

ਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।