ਪੋਸ਼ਕ ਤੱਤਾਂ ਨਾਲ ਭਰਪੂਰ ਹੁੰਦੈ ‘ਕਾਲਾ ਲਸਣ’, ਵਰਤੋਂ ਕਰਨ ''ਤੇ ਸ਼ੂਗਰ ਸਣੇ ਇਨ੍ਹਾਂ ਬੀਮਾਰੀਆਂ ਤੋਂ ਮਿਲੇਗੀ ਨਿਜ਼ਾਤ

ਜਲੰਧਰ - ਲਸਣ ਇਕ ਐਂਟੀਬਾਓਟਿਕ ਹੈ। ਇਹ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਨੂੰ ਦੂਰ ਕਰਨ 'ਚ ਮਦਦ ਕਰਦਾ ਹੈ। ਚਿੱਟੇ ਲਸਣ ਨੂੰ ਖਾਣ ਨਾਲ ਉਸ ਤੋਂ ਹੋਣ ਵਾਲੇ ਫ਼ਾਇਦਿਆਂ ਬਾਰੇ ਤਾਂ ਸਭ ਨੂੰ ਪਤਾ ਪਰ ਕੀ ਤੁਸੀਂ ਕਾਲੇ ਲਸਣ ਦੇ ਬਾਰੇ ਸੁਣਿਆ ਹੈ? ਰੋਜ਼ਾਨਾ ਸਬਜ਼ੀ 'ਚ ਵਰਤੇ ਜਾਂਦੇ ਚਿੱਟੇ ਲਸਣ ਦੀ ਤਰ੍ਹਾਂ ਕਾਲੇ ਲਸਣ ਦਾ ਇਸਤੇਮਾਲ ਕਰਨ ਨਾਲ ਸਾਡੀ ਸਿਹਤ ਨੂੰ ਬਹੁਤ ਲਾਭ ਹੁੰਦੇ ਹਨ। 

ਕੀ ਹੈ ਕਾਲਾ ਲਸਣ
ਕਾਲਾ ਲਸਣ ਚਿੱਟੇ ਲਸਣ ਦਾ ਹੀ ਇੱਕ ਰੂਪ ਹੈ। ਕਾਲੇ ਲਸਣ ਨੂੰ ਫਰਮੈਂਟ ਦੁਆਰਾ ਤਿਆਰ ਕੀਤਾ ਜਾਂਦਾ ਹੈ। ਇਸ ਦਾ ਸੁਆਦ ਬਹੁਤਾ ਤਿੱਖਾ ਨਹੀਂ ਹੁੰਦਾ। ਕਾਲਾ ਲਸਣ 'ਚ ਵੀ ਪੋਸ਼ਕ ਤੱਤ ਭਰਪੂਰ ਮਾਤਰਾ ‘ਚ ਪਾਏ ਜਾਂਦੇ ਹਨ। ਇਸ 'ਚ ਲਸਣ ਵਾਂਗ ਏਲੀਸਨ ਹੁੰਦਾ ਹੈ। ਇਸ 'ਚ ਐਂਟੀਬੈਕਟੀਰੀਅਲ ਏਂਟੀਵਾਇਰਲ ਦੇ ਗੁਣ ਪਾਏ ਜਾਂਦੇ ਹਨ, ਜੋ ਸਿਹਤ ਲਈ ਗੁਣਕਾਰੀ ਹਨ। ਆਮ ਲਸਣ ਨੂੰ ਹੀ ਪਕਾ ਕੇ ਕਾਲਾ ਲਸਣ ਬਣਾਇਆ ਜਾਂਦਾ ਹੈ। ਕਾਲਾ ਲਸਣ ਬਣਾਉਣ ਲਈ ਆਮ ਲਸਣ ਨੂੰ ਦੋ ਹਫ਼ਤਿਆਂ ਤਕ ਵੱਖੋ-ਵੱਖਰੇ ਤਾਪਮਾਨਾਂ 'ਤੇ ਪਕਾਇਆ ਜਾਂਦਾ ਹੈ, ਜਿਸ ਕਾਰਨ ਲਸਣ ਦੀਆਂ ਕਲੀਆਂ ਸੁੱਕ ਜਾਂਦੀਆਂ ਹਨ। 

ਕਾਲੇ ਲਸਣ ਦੀ ਵਰਤੋਂ ਨਾਲ ਹੋਣ ਵਾਲੇ ਫ਼ਾਇਦੇ...

1. ਕਲੈਸਟਰੋਲ ਨੂੰ ਘਟਾਉਂਦਾ 
ਚਿੱਟੇ ਲਸਣ ਵਿਚ ਪਾਇਆ ਜਾਣ ਵਾਲਾ ਐਲੀਸਿਨ ਨਾਂ ਦਾ ਪੌਸ਼ਟਿਕ ਤੱਤ ਕਾਲੇ ਲਸਣ 'ਚ ਵੀ ਪਾਇਆ ਜਾਂਦਾ ਹੈ। ਇਹ ‘ਕਲੈਸਟਰੋਲ’ ਘਟਾਉਂਦਾ ਹੈ ਅਤੇ ਖੂਨ ਦੀਆਂ ਗੱਠਾਂ ਬਣਨ ਤੋਂ ਰੋਕਦਾ ਹੈ। ਇਹ ਦਿਲ ਦੀਆਂ ਧਮਣੀਆਂ ਨੂੰ ਤੇਜ਼ ਕਰਦਾ ਹੈ। 

2. ਐਲਰਜੀ ਦੀ ਸਮੱਸਿਆ ਨੂੰ ਕਰਦੈ ਹੈ ਦੂਰ
ਇਸ ਤੋਂ ਇਲਾਵਾ ਕਾਲਾ ਲਸਣ ਐਲਰਜੀ ਦੀ ਸਮੱਸਿਆ ਨੂੰ ਵੀ ਦੂਰ ਕਰਦਾ ਹੈ। ਕਾਲਾ ਲਸਣ ਦੇ ਉਪਯੋਗ ਨਾਲ ਦਿਮਾਗ ਤੇਜ਼ ਤੇ ਤੰਦਰੁਸਤ ਹੁੰਦਾ ਹੈ।

3. ਤੇਜ਼ ਖੂਨ ਦੇ ਵਹਾਅ ਦਾ ਖਤਰਾ ਘੱਟ ਹੁੰਦਾ ਹੈ
ਲੱਸਣ ਦੇ ਪ੍ਰਭਾਵ ਨਾਲ ਖੂਨ ਦਾ ਵਹਾਅ ਸਹਿਜ ਅਤੇ ਆਸਾਨ ਬਣਿਆ ਰਹਿੰਦਾ ਹੈ। ਇਸ ਕਰ ਕੇ ਦਿਲ ਦੇ ਦੌਰੇ ਅਤੇ ਤੇਜ਼ ਖੂਨ ਦੇ ਵਹਾਅ ਦਾ ਖਤਰਾ ਘੱਟ ਜਾਂਦਾ ਹੈ।

4. ਮੋਟਾਪੇ ਨੂੰ ਘੱਟ ਕਰਦਾ ਹੈ
ਮਾਹਿਰਾਂ ਦੀ ਮੰਨੀਏ ਤਾਂ ਇਸ 'ਚ ਐਂਟੀਆਕਸੀਡੈਂਟ ਅਤੇ ਪੌਸ਼ਕ ਤੱਤ ਪਾਏ ਜਾਂਦੇ ਹਨ, ਜੋ ਵੱਧਦੇ ਭਾਰ ਨੂੰ ਘੱਟ ਕਰਨ ਅਤੇ ਕਾਬੂ ਕਰਨ 'ਚ ਸਹਾਇਕ ਹੁੰਦੇ ਹਨ।

5. ਐਂਟੀ-ਆਕਸੀਡੈਂਟਾਂ ਦੀ ਖਾਣ
ਜਦੋਂ ਕਾਲਾ ਲਸਣ ਫਰਮੈਂਟੇਸ਼ਨ ਪ੍ਰਕਿਰਿਆ ਵਿਚੋਂ ਲੰਘਦਾ ਹੈ ਤਾਂ ਇਸ ‘ਚ ਕੁਝ ਅਨੋਖੇ ਐਂਟੀ-ਆਕਸੀਡੈਂਟ ਗੁਣ ਆ ਜਾਂਦੇ ਹਨ। ਇਸ ਦੇ ਐਂਟੀ-ਇੰਨਫਲੈਮੇਟਰੀ ਫ਼ਾਇਦੇ ਹੁੰਦੇ ਹਨ। ਇਸ ਤੋਂ ਇਲਾਵਾ ਕਾਲੇ ਲਸਣ ‘ਚ ਪੌਲੀਫੇਨਾਲ, ਫਲੇਵੋਨਾਇਡ ਅਤੇ ਅਲਕਲਾਇਡ ਦੀ ਵੀ ਭਰਪੂਰ ਮਾਤਰਾ ਹੁੰਦੀ ਹੈ।

6. ਇਮਿਊਨ ਸਿਸਟਮ ਕਰਦਾ ਹੈ ਮਜ਼ਬੂਤ
ਆਮ ਲਸਣ ਦੀ ਤੁਲਨਾ 'ਚ ਕਾਲਾ ਲਸਣ ਵੱਧ ਫ਼ਾਇਦੇਮੰਦ ਹੁੰਦਾ ਹੈ। ਇਸਦੇ ਸੇਵਨ ਨਾਲ ਇਮਿਊਨ ਸਿਸਟਮ ਮਜ਼ਬੂਤ ਹੁੰਦਾ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਬੁੱਧੀ ਦੇ ਵਿਕਾਸ 'ਚ ਵੀ ਇਹ ਫ਼ਾਇਦੇਮੰਦ ਹੁੰਦਾ ਹੈ।

7. ਪ੍ਰਤੀਰੋਧ ਸ਼ਕਤੀ ਨੂੰ ਵਧਾਉਂਦਾ
ਕਾਲਾ ਲਸਣ ਸਰੀਰ ਦੇ ਸੈੱਲਾਂ ਦਾ ਸੰਤੁਲਨ ਬਣਾ ਕੇ ਰੱਖਦਾ ਹੈ। ਇਸ ਤੋਂ ਇਲਾਵਾ ਇਹ ਸਰੀਰ ਦੀ ਪ੍ਰਤੀਰੋਧ ਸ਼ਕਤੀ ਨੂੰ ਵੀ ਵਧਾਉਣ ਵਿਚ ਮਦਦ ਕਰਦਾ ਹੈ। 

8. ਸ਼ੂਗਰ ਦੇ ਮਰੀਜ਼ਾਂ ਲਈ ਫ਼ਾਇਦੇਮੰਦ
ਕਾਲੇ ਲਸਣ ‘ਚ ਐਂਟੀ-ਬੈਕਟਰੀਆ ਅਤੇ ਐਂਟੀ-ਵਾਇਰਲ ਗੁਣ ਭਰਪੂਰ ਮਾਤਰਾ ’ਚ ਪਾਏ ਹੁੰਦੇ ਹਨ। ਇਹ ਸ਼ੂਗਰ ਦੇ ਮਰੀਜ਼ਾਂ ਲਈ ਫ਼ਾਇਦੇਮੰਦ ਹੁੰਦਾ ਹੈ। ਇਸ ਤੋਂ ਇਲਾਵਾ ਇਹ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਸੰਤੁਲਿਤ ਬਣਾਈ ਰੱਖਦਾ ਹੈ।

9. ਕੈਂਸਰ ਦੇ ਰੋਗੀਆਂ ਲਈ ਗੁਣਕਾਰੀ
ਕੈਂਸਰ ਦੇ ਰੋਗੀਆਂ ਲਈ ਕਾਲਾ ਲਸਣ ਬਹੁਤ ਗੁਣਕਾਰੀ ਹੁੰਦਾ ਹੈ। ਖਾਸਕਰ ਬਲੱਡ ਕੈਂਸਰ, ਢਿੱਡ ਦਾ ਕੈਂਸਰ ਅਤੇ ਕੋਲਨ ਕੈਂਸਰ ਲਈ ਇਹ ਇੱਕ ਤਰ੍ਹਾਂ ਨਾਲ ਰਾਮਬਾਣ ਹੈ।