ਹੁਣ ਗਰਮੀ ਕਾਰਨ ਖਾਣਾ ਨਹੀਂ ਹੋਵੇਗਾ ਬੇਕਾਰ!ਅਜ਼ਮਾਓ ਇਹ ਸੌਖੇ ਘਰੇਲੂ ਨੁਸਖ਼ੇ

ਵੈੱਬ ਡੈਸਕ - ਗਰਮੀਆਂ ਦਾ ਮੌਸਮ ਆਪਣੀ ਤਪਸ਼ ਨਾਲ ਨਾ ਸਿਰਫ ਇਨਸਾਨਾਂ ਨੂੰ ਪ੍ਰੇਸ਼ਾਨ ਕਰਦਾ ਹੈ, ਸਗੋਂ ਇਸ ਦਾ ਸਿੱਧਾ ਅਸਰ ਸਾਡੇ ਖਾਣ-ਪੀਣ 'ਤੇ ਵੀ ਪੈਂਦਾ ਹੈ। ਰਸੋਈ 'ਚ ਵਧਦੀ ਗਰਮੀ ਅਤੇ ਹੁੰਮਸ ਕਾਰਨ ਬੈਕਟੀਰੀਆ ਬਹੁਤ ਜਲਦੀ ਪਨਪਦੇ ਹਨ, ਜਿਸ ਕਾਰਨ ਖਾਣਾ ਖੱਟਾ ਹੋ ਜਾਂਦਾ ਹੈ ਅਤੇ ਜਲਦੀ ਖਰਾਬ ਹੋ ਜਾਂਦਾ ਹੈ। ਖਾਸ ਤੌਰ 'ਤੇ ਦਾਲ, ਜੋ ਕਿ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦੀ ਹੈ, ਗਰਮੀਆਂ 'ਚ ਸਭ ਤੋਂ ਜਲਦੀ ਖਰਾਬ ਹੁੰਦੀ ਹੈ। ਜੇਕਰ ਤੁਸੀਂ ਵੀ ਇਸ ਸਮੱਸਿਆ ਤੋਂ ਪਰੇਸ਼ਾਨ ਹੋ, ਤਾਂ ਕੁਝ ਸਮਾਰਟ ਟਿਪਸ ਅਪਣਾ ਕੇ ਆਪਣੀ ਦਾਲ ਨੂੰ ਖਰਾਬ ਹੋਣ ਤੋਂ ਬਚਾ ਸਕਦੇ ਹੋ :-

ਜ਼ਿਆਦਾ ਦੇਰ ਬਾਹਰ ਨਾ ਰੱਖੋ
ਦਾਲ ਬਣਾਉਣ ਤੋਂ ਬਾਅਦ ਇਸ ਨੂੰ ਬਹੁਤ ਦੇਰ ਤੱਕ ਬਾਹਰ ਨਾ ਛੱਡੋ। ਜਦੋਂ ਦਾਲ ਠੰਡੀ ਹੋ ਜਾਵੇ, ਤਾਂ ਤੁਰੰਤ ਇਸ ਨੂੰ ਫਰਿੱਜ 'ਚ ਰੱਖ ਦਿਓ, ਨਹੀਂ ਤਾਂ ਬੈਕਟੀਰੀਆ ਕਾਰਨ ਇਹ ਜਲਦੀ ਖਰਾਬ ਹੋ ਸਕਦੀ ਹੈ।

ਸਟੋਰ ਕਰਨ ਦਾ ਸਹੀ ਤਰੀਕਾ
ਦਾਲ ਨੂੰ ਫਰਿੱਜ 'ਚ ਰੱਖਣ ਲਈ ਹਮੇਸ਼ਾ ਏਅਰਟਾਈਟ ਕੰਟੇਨਰ ਦੀ ਵਰਤੋਂ ਕਰੋ। ਇਹ ਯਕੀਨੀ ਬਣਾਓ ਕਿ ਦਾਲ ਪੂਰੀ ਤਰ੍ਹਾਂ ਠੰਡੀ ਹੋਣ ਤੋਂ ਬਾਅਦ ਹੀ ਫਰਿੱਜ 'ਚ ਰੱਖੀ ਜਾਵੇ, ਤਾਂ ਜੋ ਨਮੀ ਨਾ ਬਣੇ। ਇਸ ਤੋਂ ਇਲਾਵਾ, ਦਾਲ ਨੂੰ ਸਟੋਰ ਕਰਨ ਲਈ ਪਲਾਸਟਿਕ ਦੀ ਬਜਾਏ ਸਟੀਲ ਜਾਂ ਮਿੱਟੀ ਦੇ ਭਾਂਡਿਆਂ ਦੀ ਵਰਤੋਂ ਕਰਨਾ ਜ਼ਿਆਦਾ ਬਿਹਤਰ ਹੈ।

ਵਾਰ-ਵਾਰ ਗਰਮ ਕਰਨ ਤੋਂ ਬਚੋ
ਦਾਲ ਨੂੰ ਵਾਰ-ਵਾਰ ਗਰਮ ਕਰਨ ਨਾਲ ਇਹ ਜਲਦੀ ਖਰਾਬ ਹੋ ਜਾਂਦੀ ਹੈ। ਇਸ ਲਈ, ਜਿੰਨੀ ਦਾਲ ਦੀ ਲੋੜ ਹੋਵੇ, ਸਿਰਫ ਓਨੀ ਹੀ ਗਰਮ ਕਰੋ। ਜੇਕਰ ਲੋੜ ਹੋਵੇ ਤਾਂ ਦਿਨ 'ਚ ਸਿਰਫ 1-2 ਵਾਰ ਹੀ ਦਾਲ ਨੂੰ ਉਬਾਲੋ।

ਜਲਦੀ ਕਰੋ ਇਸਤੇਮਾਲ
ਦਾਲ ਨੂੰ ਕਈ ਦਿਨਾਂ ਤੱਕ ਸਟੋਰ ਕਰਕੇ ਨਾ ਰੱਖੋ। ਕੋਸ਼ਿਸ਼ ਕਰੋ ਕਿ ਦਾਲ ਨੂੰ ਘੱਟ ਤੋਂ ਘੱਟ ਸਮੇਂ 'ਚ ਖਤਮ ਕਰ ਲਿਆ ਜਾਵੇ, ਕਿਉਂਕਿ ਜ਼ਿਆਦਾ ਦੇਰ ਤੱਕ ਰੱਖਣ ਨਾਲ ਇਸ 'ਚ ਬੈਕਟੀਰੀਆ ਪੈਦਾ ਹੋ ਸਕਦੇ ਹਨ।

ਇਨ੍ਹਾਂ ਛੋਟੀਆਂ ਪਰ ਪ੍ਰਭਾਵਸ਼ਾਲੀ ਗੱਲਾਂ ਦਾ ਧਿਆਨ ਰੱਖ ਕੇ ਤੁਸੀਂ ਗਰਮੀਆਂ ਵਿੱਚ ਆਪਣੇ ਖਾਣੇ ਨੂੰ ਬਰਬਾਦ ਹੋਣ ਤੋਂ ਬਚਾ ਸਕਦੇ ਹੋ ਅਤੇ ਆਪਣੀ ਸਿਹਤ ਦਾ ਵੀ ਖਿਆਲ ਰੱਖ ਸਕਦੇ ਹੋ।