Xiaomi ਲਿਆਈ 4 ਨਵੇਂ Mi TV, ਜਾਣੋ ਕੀਮਤ ਤੇ ਖੂਬੀਆਂ
09/17/2019 1:32:10 PM
ਗੈਜੇਟ ਡੈਸਕ– ਚੀਨ ਦੀ ਕੰਪਨੀ ਸ਼ਾਓਮੀ ਨੇ ਭਾਰਤ ’ਚ ਆਪਣੇ 4 ਨਵੇਂ Mi TV ਲਾਂਚ ਕੀਤੇ ਹਨ। ਸ਼ਾਓਮੀ ਨੇ ਇਹ ਟੀਵੀ ਮੰਗਲਵਾਰ ਨੂੰ ਆਪਣੇ ‘ਸਮਾਰਟਰ ਲਿਵਿੰਗ 2020’ ਈਵੈਂਟ ’ਚ ਲਾਂਚ ਕੀਤੇ ਹਨ। ਸ਼ਾਓਮੀ ਨੇ 65 ਇੰਚ ਦਾ Mi TV 4X ਲਾਂਚ ਕੀਤਾ ਹੈ। ਇਸ ਤੋਂ ਇਲਾਵਾ ਸ਼ਾਓਮੀ ਨੇ 43 ਇੰਚ ਅਤੇ 50 ਇੰਚ ਦੇ Mi TV 4X ਲਾਂਚ ਕੀਤੇ ਹਨ। ਨਾਲ ਹੀ ਕੰਪਨੀ ਨੇ 40 ਇੰਚ ਦਾ Mi TV 4A ਲਾਂਚ ਕੀਤਾ ਹੈ। ਇਸ ਤੋਂ ਇਲਾਵਾ ਸ਼ਾਓਮੀ ਨੇ ਸਾਊਂਡ ਬਾਰ ਦਾ ਬਲੈਕ ਕਲਰ ਵੇਰੀਐਂਟ ਵੀ ਲਾਂਚ ਕੀਤਾ ਹੈ, ਜਿਸ ਦੀ ਕੀਮਤ 4,999 ਰੁਪਏ ਹੈ।
17,999 ਰੁਪਏ ਹੈ ਸ਼ੁਰੂਆਤੀ ਕੀਮਤ
65 ਇੰਚ ਵਾਲੇ Mi TV 4X ਦੀ ਕੀਮਤ 54,999 ਰੁਪਏ ਹੈ। ਉਥੇ ਹੀ 50 ਇੰਚ ਵਾਲੇ ਟੀਵੀ ਦੀ ਕੀਮਤ 29,999 ਰੁਪਏ ਹੋਵੇਗੀ। ਉਥੇ ਹੀ 43 ਇੰਚ ਵਾਲੇ ਮੀ ਟੀਵੀ ਦੀ ਕੀਮਤ 24,999 ਰੁਪਏ ਹੋਵੇਗੀ। ਉਥੇ ਹੀ 40 ਇੰਚ ਵਾਲੇ ਮੀ ਟੀਵੀ ਦੀ ਕੀਮਤ 17,999 ਰੁਪਏ ਹੋਵੇਗੀ। ਸ਼ਾਓਮੀ ਦੇ ਮੀ ਟੀਵੀ ਦੀ ਪਹਿਲੀ ਸੇਲ 29 ਸਤੰਬਰ ਨੂੰ ਅੱਧੀ ਰਾਤ ਤੋਂ ਸ਼ੁਰੂ ਹੋਵੇਗੀ।
Without any further delay, here’s introducing #MiTV65 - the biggest & best yet from @mitvindia. The massive 65-inch display is 40% more than our previous #MiTV the 55-inch.
— #MiFan Manu Kumar Jain (@manukumarjain) September 17, 2019
Lot of you guessed it right during our campaign!😊
Taking the TV experience to a new level?📺 pic.twitter.com/er0ZcKpiIS
ਸ਼ਾਓਮੀ ਦਾ ਸਭ ਤੋਂ ਵੱਡਾ ਅਤੇ ਬੈਸਟ ਟੀਵੀ
ਸ਼ਾਓਮੀ ਨੇ 65 ਇੰਚ ਦਾ Mi TV 4X ਲਾਂਚ ਕੀਤਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਭਾਰਤੀ ਬਾਜ਼ਾਰ ’ਚ ਆਫਰ ਕੀਤਾ ਜਾਣ ਵਾਲਾ ਸਭ ਤੋਂ ਵੱਡਾ ਅਤੇ ਬੈਸਟ ਮੀ ਟੀਵੀ ਹੈ। ਸਾਓਮੀ ਮੁਤਾਬਕ, 65 ਇੰਚ ਵਾਲੇ ਟੀਵੀ ’ਚ ਸਾਡੇ ਮੌਜੂਦਾ ਵੱਡੇ ਟੀਵੀ ਨਾਲੋਂ 40 ਫੀਸਦੀ ਜ਼ਿਆਦਾ ਸਰਫੇਸ ਏਰੀਆ ਹੋਵੇਗਾ। ਸ਼ਾਓਮੀ ਨੇ ਆਪਣੇ 65 ਇੰਚ ਵਾਲੇ ਇਸ ਟੀਵੀ ’ਚ ਨੈੱਟਫਲਿਕਸ ਨੂੰ ਐਡ ਕੀਤਾ ਹੈ। ਇਹ ਵਿਵਡ ਪਿਕਚਰ ਇੰਜਣ (Vivid Picture Engine) ਦੇ ਨਾਲ ਆਉਣ ਵਾਲਾ ਪਹਿਲਾ ਟੀਵੀ ਹੋਵੇਗਾ। ਟੀਵੀ ’ਚ ਅਲਟਰਾ ਸਲਿਮ ਬੇਜ਼ਲ ਡਿਜ਼ਾਈਨ ਹੋਵੇਗਾ। ਟੀਵੀ ’ਚ ਡਾਲਬੀ ਆਡੀਓ ਮਿਲੇਗਾ। ਇਹ ਟੀਵੀ ਐਂਡਰਾਇਡ 9.0 ਦੇ ਨਾਲ ਆਏਗਾ। ਇਸ ਟੀਵੀ ’ਚ 4K HDR 10-ਬਿਟ ਡਿਸਪਲੇਅ ਹੋਵੇਗਾ।
ਡਾਟਾ ਸੇਵਰ ਫੀਚਰ ਦੇ ਨਾਲ ਆਏਗਾ 65 ਇੰਚ ਵਾਲਾ ਟੀਵੀ
65 ਇੰਚ ਵਾਲੇ ਟੀਵੀ ’ਚ ਨਵੇਂ 20w ਸਪੀਕਰਜ਼ ਹੋਣਗੇ। ਪੈਚਵਾਲ 2.0, ਯੂਜ਼ਰਜ਼ ਨੂੰ 700,000 ਘੰਟੇ ਦਾ ਕੰਟੈਂਟ ਆਫਰ ਕਰੇਗਾ। 65 ਇੰਚ ਵਾਲੇ ਟੀਵੀ ’ਚ ਕਵਾਡ-ਕੋਰ ਕਾਰਟੈਕਸ A-55 ਪ੍ਰੋਸੈਸਰ ਹੋਵੇਗਾ। 65 ਇੰਚ ਵਾਲਾ ਟੀਵੀ ਐਂਡਰਾਇਡ ਟੀਵੀ ਡਾਟਾ ਸੇਵਰ ਦੇ ਨਾਲ ਆਉਣ ਵਾਲਾ ਦੁਨੀਆ ਦਾ ਪਹਿਲਾ ਟੀਵੀ ਹੋਵੇਗਾ। 40 ਇੰਚ ਵਾਲੇ Mi TV 4A ’ਚ ਫੁਲ ਐੱਚ.ਡੀ. ਡਿਸਪਲੇਅ ਹੋਵੇਗੀ। ਇਸ ਟੀਵੀ ’ਚ 20w ਸਪੀਕਰਜ਼ ਹੋਣਗੇ। ਪੈਚਵਾਲ 2.0, ਯੂਜ਼ਰਜ਼ ਨੂੰ 700,000 ਘੰਟੇ ਦਾ ਕੰਟੈਂਟ ਆਫਰ ਕਰੇਗਾ।