Xiaomi ਨੇ Apple Event ਤੋਂ ਪਹਿਲਾਂ ਕੀਤਾ ਵੱਡਾ ਧਮਾਕਾ ! ਲਾਂਚ ਕਰ'ਤਾ Most Wanted Foldable ਫ਼ੋਨ

ਗੈਜੇਟ ਡੈਸਕ - Xiaomi ਨੇ ਆਪਣਾ ਪਹਿਲਾ ਫੋਲਡੇਬਲ ਸਮਾਰਟਫੋਨ ਚੌੜੀ ਡਿਸਪਲੇਅ ਵਾਲਾ ਲਾਂਚ ਕੀਤਾ ਹੈ। ਚੀਨੀ ਕੰਪਨੀ ਦੇ ਇਸ ਫੋਨ ਨੂੰ Xiaomi 18 Fold ਦੇ ਨਾਮ ਨਾਲ ਪੇਸ਼ ਕੀਤਾ ਗਿਆ ਹੈ। ਤੁਹਾਨੂੰ ਦੱਸ ਦਈਏ ਕਿ ਇਹ Xiaomi ਫੋਨ ਜੁਲਾਈ 'ਚ ਲਾਂਚ ਹੋਏ ਸੈਮਸੰਗ ਦੇ ਪਹਿਲੇ ਵਾਈਡ-ਡਿਸਪਲੇਅ ਫੋਲਡੇਬਲ ਸਮਾਰਟਫੋਨ, Galaxy Z Fold 8 ਨਾਲ ਮੁਕਾਬਲਾ ਕਰੇਗਾ। ਐਪਲ ਦੇ ਆਉਣ ਵਾਲੇ ਆਈਫੋਨ ਅਲਟਰਾ ਫੋਲਡੇਬਲ ਫੋਨ 'ਚ ਵੀ ਇਕ ਵਾਈਡ ਡਿਸਪਲੇਅ ਹੋਣ ਦੀ ਉਮੀਦ ਹੈ। ਚੀਨੀ ਕੰਪਨੀ ਨੇ ਐਪਲ ਈਵੈਂਟ ਤੋਂ ਪਹਿਲਾਂ ਆਪਣਾ ਫੋਲਡੇਬਲ ਫੋਨ ਲਾਂਚ ਕੀਤਾ।

Xiaomi 18 Fold ਚਾਰ ਸਟੋਰੇਜ ਵੇਰੀਐਂਟ 'ਚ ਪੇਸ਼ ਕੀਤਾ ਗਿਆ ਹੈ - 12GB RAM + 256GB, 12GB RAM + 512GB, 16GB RAM + 512GB, ਅਤੇ 16GB RAM + 1TB। ਇਸ Xiaomi ਫੋਲਡੇਬਲ ਫੋਨ ਦੀ ਸ਼ੁਰੂਆਤੀ ਕੀਮਤ CNY 10,999 (ਲਗਭਗ 1,54,800 ਰੁਪਏ) ਹੈ। ਬਾਕੀ ਸਾਰੇ ਵੇਰੀਐਂਟਸ ਦੀ ਕੀਮਤ CNY 11,999 (ਲਗਭਗ 1,68,800 ਰੁਪਏ), CNY 12,999 (ਲਗਭਗ 1,82,900 ਰੁਪਏ) ਅਤੇ CNY 14,999 (ਲਗਭਗ 2,11,000 ਰੁਪਏ) ਹੈ।

ਕੰਪਨੀ ਨੇ ਇਕ ਸਿਰੇਮਿਕ ਸਪੈਸ਼ਲ ਵੇਰੀਐਂਟ ਵੀ ਪੇਸ਼ ਕੀਤਾ ਹੈ, ਜੋ ਕਿ 16GB RAM + 1TB ਸਟੋਰੇਜ ਦੇ ਨਾਲ ਆਉਂਦਾ ਹੈ ਅਤੇ ਇਸਦੀ ਕੀਮਤ CNY 15,999 (ਲਗਭਗ 2,25,100 ਰੁਪਏ) ਹੈ। ਇਹ ਫੋਨ ਤਿੰਨ ਰੰਗਾਂ ਦੇ ਵਿਕਲਪਾਂ 'ਚ ਪੇਸ਼ ਕੀਤਾ ਗਿਆ ਹੈ: ਲਾਲ, ਕਾਲਾ ਅਤੇ ਗਰਮ ਗੋਲਡ ਵ੍ਹਾਈਟ। ਇਕ ਵਿਸ਼ੇਸ਼ ਐਡੀਸ਼ਨ ਵੀ ਹੈ ਜੋ ਸਿਰੇਮਿਕ ਰੰਗ 'ਚ ਆਉਂਦਾ ਹੈ।

ਇਹ Xiaomi ਫ਼ੋਨ 7.58-ਇੰਚ ਫੋਲਡੇਬਲ ਡਿਸਪਲੇਅ ਦੇ ਨਾਲ ਆਉਂਦਾ ਹੈ। ਇਹ ਫ਼ੋਨ LTPO OLED ਪੈਨਲ ਦੀ ਵਰਤੋਂ ਕਰਦਾ ਹੈ, ਜੋ 120Hz ਰਿਫਰੈਸ਼ ਰੇਟ ਅਤੇ 4,000 nits ਤੱਕ ਦੀ ਪੀਕ ਬ੍ਰਾਈਟਨੈੱਸ ਦਾ ਸਮਰਥਨ ਕਰਦਾ ਹੈ। ਇਸ ਤੋਂ ਇਲਾਵਾ, ਫ਼ੋਨ 'ਚ 5.38-ਇੰਚ ਕਵਰ ਡਿਸਪਲੇਅ ਹੈ। ਇਹ ਇਕ OLED ਪੈਨਲ ਦੀ ਵੀ ਵਰਤੋਂ ਕਰਦਾ ਹੈ, ਜੋ 120Hz ਰਿਫਰੈਸ਼ ਰੇਟ ਅਤੇ 4,000 nits ਤੱਕ ਦੀ ਪੀਕ ਬ੍ਰਾਈਟਨੈੱਸ ਦਾ ਸਮਰਥਨ ਕਰਦਾ ਹੈ।

ਇਸ ਚੀਨੀ ਕੰਪਨੀ ਦਾ ਫੋਨ ਇਨ-ਹਾਊਸ Xring O3 ਚਿੱਪਸੈੱਟ, 16GB ਤੱਕ LPDDR6 ਰੈਮ, ਅਤੇ 1TB ਤੱਕ ਸਟੋਰੇਜ ਦੇ ਨਾਲ ਆਉਂਦਾ ਹੈ। ਕੰਪਨੀ ਨੇ ਇਸ ਫੋਨ 'ਚ 6000mAh ਬੈਟਰੀ ਦਿੱਤੀ ਹੈ, ਜੋ 67W ਵਾਇਰਡ ਅਤੇ 50W ਵਾਇਰਲੈੱਸ ਚਾਰਜਿੰਗ ਫੀਚਰਜ਼ ਦਾ ਸਮਰਥਨ ਕਰੇਗੀ। ਇਹ ਫੋਨ ਐਂਡਰਾਇਡ 17 'ਤੇ ਆਧਾਰਿਤ HyperOS 4 'ਤੇ ਚੱਲਦਾ ਹੈ।

ਇਸ ਸਮਾਰਟਫੋਨ ਦੇ ਪਿਛਲੇ ਪਾਸੇ ਟ੍ਰਿਪਲ ਕੈਮਰਾ ਸੈੱਟਅੱਪ ਹੈ। ਇਸ ਫੋਨ 'ਚ ਗੂਗਲ ਪਿਕਸਲ ਵਰਗਾ ਕੈਮਰਾ ਮੋਡੀਊਲ ਹੋਵੇਗਾ। ਇਸ 'ਚ 200MP ਮੁੱਖ OIS ਕੈਮਰਾ ਹੈ। ਇਸ ਤੋਂ ਇਲਾਵਾ, ਇਕ 50MP ਪੈਰੀਸਕੋਪ ਅਤੇ ਇਕ 50MP ਅਲਟਰਾ-ਵਾਈਡ ਕੈਮਰਾ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ, ਇਸਦੇ ਮੁੱਖ ਅਤੇ ਕਵਰ ਡਿਸਪਲੇਅ ਦੋਵਾਂ ਵਿੱਚ 16MP ਕੈਮਰਾ ਹੈ।