ਆ ਰਿਹੈ ਆਈਫੋਨ 16 ਦੇ ਡਿਜ਼ਾਈਨ ਵਾਲਾ ''ਸਮਾਰਟਫੋਨ''! ਪਹਿਲੀ ਤਸਵੀਰ ਵਾਇਰਲ

ਵੈੱਬ ਡੈਸਕ- ਜਲਦ ਹੀ ਓਪੋ ਆਪਣੀ ਰੇਨੋ ਸੀਰੀਜ਼ ਦੇ ਨਵੇਂ ਫੋਨ ਲਾਂਚ ਕਰਨ ਜਾ ਰਿਹਾ ਹੈ। ਇਸ ਚੀਨੀ ਸਮਾਰਟਫੋਨ ਕੰਪਨੀ ਨੇ ਪੁਸ਼ਟੀ ਕੀਤੀ ਹੈ ਕਿ ਉਹ ਅਗਲੇ ਮਹੀਨੇ ਭਾਰਤ 'ਚ Oppo Reno 13 ਸੀਰੀਜ਼ ਲਾਂਚ ਕਰੇਗੀ। ਲਾਂਚ ਤੋਂ ਪਹਿਲਾਂ, ਕੰਪਨੀ ਨੇ ਆਗਾਮੀ ਓਪੋ ਰੇਨੋ 13 ਸੀਰੀਜ਼ ਦੇ ਫੋਨ ਦੇ ਡਿਜ਼ਾਈਨ ਅਤੇ ਕੁਝ ਵਿਸ਼ੇਸ਼ਤਾਵਾਂ ਦਾ ਖੁਲਾਸਾ ਕੀਤਾ ਹੈ। ਇਕ ਮਸ਼ਹੂਰ ਟਿਪਸਟਰ ਨੇ ਐਕਸ 'ਤੇ ਫੋਨ ਦੀ ਪਹਿਲੀ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਫੋਨ ਦੇ ਪਿਛਲੇ ਹਿੱਸੇ ਦਾ ਡਿਜ਼ਾਈਨ ਦਿਖਾਇਆ ਗਿਆ ਹੈ। ਫੋਨ ਦਾ ਕੈਮਰਾ ਮੋਡਿਊਲ iPhone 16 ਵਰਗਾ ਦਿਸਦਾ ਹੈ। ਆਓ ਜਾਣਦੇ ਹਾਂ ਵੇਰਵੇ ਵਿੱਚ….
ਓਪੋ ਰੇਨੋ 13 ਸੀਰੀਜ਼
ਓਪੋ ਨੇ ਪੁਸ਼ਟੀ ਕੀਤੀ ਹੈ ਕਿ ਆਗਾਮੀ ਓਪੋ ਰੇਨੋ 13 ਸੀਰੀਜ਼ ਦੇ ਦੋ ਫੋਨ ਹੋਣਗੇ - ਓਪੋ ਰੇਨੋ 13 ਪ੍ਰੋ ਅਤੇ ਓਪੋ ਰੇਨੋ 13। ਕੰਪਨੀ ਨੇ ਕਿਹਾ ਹੈ ਕਿ ਓਪੋ ਰੇਨੋ 13 ਪ੍ਰੋ ਦੋ ਰੰਗਾਂ - ਗ੍ਰੇਫਾਈਟ ਗ੍ਰੇ ਅਤੇ ਮਿਸਟ ਲੈਵੇਂਡਰ ਵਿੱਚ ਆਵੇਗਾ। ਇਸ ਦੇ ਨਾਲ ਹੀ, ਰੇਨੋ 13 ਦੋ ਰੰਗਾਂ ਵਿੱਚ ਉਪਲਬਧ ਹੋਵੇਗਾ - ਆਈਵਰੀ ਵ੍ਹਾਈਟ ਅਤੇ ਲੂਮਿਨਸ ਬਲੂ ਟਿਪਸਟਰ ਈਸ਼ਾਨ ਅਗਰਵਾਲ ਨੇ ਐਕਸ 'ਤੇ ਫੋਨ ਦੀ ਪਹਿਲੀ ਤਸਵੀਰ ਸਾਂਝੀ ਕੀਤੀ ਹੈ। ਤਸਵੀਰ ਵਿੱਚ ਨੀਲਾ/ਜਾਮਨੀ ਰੰਗ ਦਿਖਾਈ ਦੇ ਰਿਹਾ ਹੈ, ਜੋ ਚੀਨ ਵਿੱਚ ਲਾਂਚ ਨਹੀਂ ਕੀਤਾ ਗਿਆ ਸੀ। ਇਸ ਦਾ ਬੈਕ ਪੈਨਲ ਆਈਫੋਨ ਵਰਗਾ ਦਿਖਾਈ ਦਿੰਦਾ ਹੈ।

Exclusive: Live image of OPPO Reno 13's Indian/Global variant! Showcases a NEW Blue/Purple shade that did not launch in China.

The camera bump & back panel are made out of a single piece of glass like iPhones which is nice! Looking forward to the launch 👀 #OPPOReno13Series pic.twitter.com/k1ulIPcP0H

— Ishan Agarwal (@ishanagarwal24) December 19, 2024

ਓਪੋ ਰੇਨੋ 13 ਸੀਰੀਜ਼ : ਕਿਵੇਂ ਹੈ ਡਿਜ਼ਾਈਨ?
Oppo Reno 13 ਵਿੱਚ ਮੈਟ ਅਤੇ ਗਲੋਸੀ ਫਿਨਿਸ਼ ਦਾ ਮਿਸ਼ਰਣ ਹੈ। ਕੰਪਨੀ ਨੇ ਕਿਹਾ ਕਿ "ਰੇਨੋ 13 ਅਤੇ ਰੇਨੋ 13 ਪ੍ਰੋ 'ਤੇ ਇਹ ਵਿਲੱਖਣ ਟੈਕਸਟ ਗ੍ਰੇਸਕੇਲ ਐਕਸਪੋਜ਼ਰ ਲੇਜ਼ਰ ਡਾਇਰੈਕਟ ਰਾਈਟਿੰਗ ਤਕਨਾਲੋਜੀ ਦੀ ਵਰਤੋਂ ਕਰਕੇ ਬਣਾਏ ਗਏ ਹਨ। ਇਹ ਤਕਨਾਲੋਜੀ ਵੱਖ-ਵੱਖ ਕੋਣਾਂ ਤੋਂ ਦੇਖਣ 'ਤੇ ਰੌਸ਼ਨੀ ਅਤੇ ਪਰਛਾਵੇਂ ਦਾ ਖੇਡ ਬਣਾਉਂਦੀ ਹੈ ਅਤੇ ਸਾਰੇ ਵੇਰੀਐਂਟ ਨੂੰ ਚਮਕਦਾਰ ਅਤੇ ਪ੍ਰੀਮੀਅਮ ਲੁੱਕ ਮਿਲਦੀ ਹੈ। 
ਰੇਨੋ 13 ਪ੍ਰੋ ਦਾ ਵਜ਼ਨ 195 ਗ੍ਰਾਮ ਹੈ, ਜਦਕਿ ਰੇਨੋ 13 ਦਾ ਵਜ਼ਨ 181 ਗ੍ਰਾਮ ਹੈ। ਇਨ੍ਹਾਂ ਦੋਵਾਂ ਫੋਨਾਂ ਨੂੰ ਬਹੁਤ ਹੀ ਖੂਬਸੂਰਤੀ ਨਾਲ ਡਿਜ਼ਾਈਨ ਕੀਤਾ ਗਿਆ ਹੈ। ਪਿਛਲੇ ਪਾਸੇ ਖਾਸ ਕਿਸਮ ਦੇ ਗਲਾਸ ਦੀ ਵਰਤੋਂ ਕੀਤੀ ਗਈ ਹੈ ਅਤੇ ਫਰੰਟ 'ਤੇ ਕਾਰਨਿੰਗ ਗੋਰਿਲਾ ਗਲਾਸ 7i ਲਗਾਇਆ ਗਿਆ ਹੈ। ਰੇਨੋ 13 ਪ੍ਰੋ ਵਿੱਚ ਤੰਗ ਬੇਜ਼ਲ (ਸਿਰਫ਼ 1.62mm) ਹਨ ਅਤੇ 93.8% ਸਕ੍ਰੀਨ ਸਪੇਸ ਹੈ, ਜਦੋਂ ਕਿ Reno 13 ਵਿੱਚ 1.81mm ਬੇਜ਼ਲ ਹਨ ਅਤੇ 93.4% ਸਕ੍ਰੀਨ ਸਪੇਸ ਹੈ।
ਇਸ ਸੀਰੀਜ਼ ਦੇ ਫੋਨਾਂ 'ਚ ਧੂੜ ਅਤੇ ਪਾਣੀ ਤੋਂ ਸੁਰੱਖਿਆ ਲਈ ਤਿੰਨ ਤਰ੍ਹਾਂ ਦੀਆਂ ਰੇਟਿੰਗਾਂ ਦਿੱਤੀਆਂ ਗਈਆਂ ਹਨ। IP66 ਰੇਟਿੰਗ ਦਾ ਮਤਲਬ ਹੈ ਕਿ ਇਹ ਫੋਨ ਪਾਣੀ ਦੇ ਛਿੱਟਿਆਂ ਤੋਂ ਸੁਰੱਖਿਅਤ ਹੋਣਗੇ। IP68 ਰੇਟਿੰਗ ਦੱਸਦੀ ਹੈ ਕਿ ਇਹ ਫੋਨ 30 ਮਿੰਟਾਂ ਲਈ 1.5 ਮੀਟਰ ਡੂੰਘੇ ਪਾਣੀ ਵਿੱਚ ਡੁੱਬੇ ਰਹਿ ਸਕਦੇ ਹਨ, ਹਾਲਾਂਕਿ ਓਪੋ ਦੀ ਲੈਬ ਵਿੱਚ 2 ਮੀਟਰ ਤੱਕ ਇਸ ਦੀ ਜਾਂਚ ਕੀਤੀ ਗਈ ਹੈ। ਇਸ ਤੋਂ ਇਲਾਵਾ, IP69 ਰੇਟਿੰਗ ਦਰਸਾਉਂਦੀ ਹੈ ਕਿ ਇਹ ਫੋਨ 80 ਡਿਗਰੀ ਸੈਲਸੀਅਸ ਤੱਕ ਗਰਮ ਪਾਣੀ ਦੇ ਤੀਬਰ ਦਬਾਅ ਨਾਲ ਪ੍ਰਭਾਵਿਤ ਨਹੀਂ ਹੋਣਗੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।