ਮਾਈਕ੍ਰੋਸਾਫਟ ਦੀ ਇਹ ਅੱਪਡੇਟ ਵਧਾਏਗੀ Outlook.com ਦੇ ਫੀਚਰਸ

ਜਲੰਧਰ- ਮਾਈਕ੍ਰੋਸਾਫਟ ਹਾਲਹੀ ''ਚ ਆਪਣੀ ਆਊਟਲੁਕ ਡਾਟ ਕਾਮ ਈਮੇਲ ਸਰਵਿਸ ਦੇ ਪ੍ਰੀਮੀਅਮ ਵਰਜਨ ਨੂੰ ਟੈਸਟ ਕਰ ਰਹੀ ਹੈ। ਇਸ ਨਵੀਂ ਸਰਵਿਸ ਨੂੰ ਆਊਟਲੁਕ ਡਾਟ ਕਾਮ ਪ੍ਰੀਮੀਅਮ ਦਾ ਨਾਂ ਦਿੱਤਾ ਗਿਆ ਹੈ ਅਤੇ ਸਾਫਟਵੇਅਰ ਮੇਕਰ ਵੱਲੋਂ ਇਸ ਸਰਵਿਸ ਨੂੰ ਸਿਰਫ ਕੁਝ ਸੀਮਿਤ ਯੂਜ਼ਰਜ਼ ਦੁਆਰਾ ਹੀ ਟੈਸਟ ਕੀਤਾ ਜਾਵੇਗਾ। ਹਾਲਾਕੀ ਮਾਈਕ੍ਰੋਸਾਫਟ ਨੇ 2014 ''ਚ ਆਊਟਲੁਕ ਡਾਟ ਕਾਮ ਦੇ ਇਸ ਕਸਟਮ ਡੋਮੇਨ ਨੂੰ ਹਟਾ ਦਿੱਤਾ ਸੀ ਪਰ ਹੁਣ ਇਹ ਮਾਈਕ੍ਰੋਸਾਫਟ ਪ੍ਰੀਮੀਅਮ ਸਰਵਿਸ ਦੇ ਟੈਸਟ ਦਾ ਇਕ ਹਿੱਸਾ ਹੈ।

ਮਾਈਕ੍ਰੋਸਾਫਟ ਦਾ ਕਹਿਣਾ ਹੈ ਕਿ ਫਿਲਹਾਲ ਇਸ ਨੂੰ ਇਕ ਪ੍ਰਯੋਗ ਦੇ ਤੌਰ ''ਤੇ ਹੀ ਟੈਸਟ ਕੀਤਾ ਜਾ  ਰਿਹਾ ਹੈ ਕਿਉਂਕਿ ਅਸੀਂ ਹਮੇਸ਼ਾ ਅਜਿਹੇ ਫੀਚਰਸ ਦੀ ਹੀ ਜਾਂਚ ਕਰਦੇ ਹਾਂ ਜਿਨ੍ਹਾਂ ਦੀ ਜ਼ਰੂਰਤ ਹੋਵੇ ਅਤੇ ਜੋ ਦਿਲਚਸਪ ਵੀ ਹੋਣ। ਕੰਪਨੀ ਵੱਲੋਂ ਇਸ ਤੋਂ ਇਲਾਵਾ ਇਸ ਬਾਰੇ ''ਚ ਕੁਝ ਹੋਰ ਸ਼ੇਅਰ ਨਹੀਂ ਕੀਤਾ ਗਿਆ।  ਇਸ ਸਰਵਿਸ ਨੂੰ ਫਿਲਹਾਲ ਇਸ ਹਫਤੇ ''ਚ ਸਿਰਫ ਮੌਜੂਦਾ ਯੂਜ਼ਰਜ਼ ਲਈ ਹੀ ਜਾਰੀ ਕੀਤਾ ਜਾ ਰਿਹਾ ਹੈ। ਇਹ ਨਵੀਂ ਆਊਟਲੁਕ ਡਾਟ ਕਾਮ ''ਆਫਿਸ 365 ''ਤੇ ਆਧਾਰਿਤ ਹੈ ਜਿਸ ''ਚ ਹੁਣ ਵਾਲੇ ਸਾਰੇ ਫੀਚਰਸ ਦਿੱਤੇ ਜਾਣਗੇ ਜਿਨ੍ਹਾਂ ''ਚ ਆਟੋਮੈਟਿਕ ਫਲਾਈਟ ਇਨਫਾਰਮੇਸ਼ਨ, ਸਮਾਰਟ ਐਡਰੱਸ ਬੁੱਕ ਵਰਗੇ ਫੀਚਰ ਸ਼ਾਮਿਲ ਹਨ।