WWDC 2020: ਜਾਣੋ ਐਪਲ ਦੀ ਡਿਵੈਲਪਰ ਕਾਨਫਰੰਸ ਨਾਲ ਜੁੜੀਆਂ 10 ਵੱਡੀਆਂ ਗੱਲਾਂ

ਗੈਜੇਟ ਡੈਸਕ– ਐਪਲ ਨੇ ਆਪਣੀ ਸਾਲਾਨਾ ਹੋਣ ਵਾਲੀ ਡਿਵੈਲਪਰ ਕਾਨਫਰੰਸ WWDC 2020 ਦੀ ਸ਼ੁਰੂਆਤ ਕਰ ਦਿੱਤੀ ਹੈ। ਇਸ ਈਵੈਂਟ ਨੂੰ ਕੰਪਨੀ ਦੇ ਸੀ.ਈ.ਓ. ਟਿਮ ਕੁੱਕ ਨੇ ਸ਼ੁਰੂ ਕੀਤਾ। ਇਸ ਤੋਂ ਪਹਿਲਾਂ ਉਨ੍ਹਾਂ ਇਕ ਵੀਡੀਓ ਰਾਹੀਂ ਸਾਰਿਆਂ ਨੂੰ ਗੁੱਡ ਮਾਰਨਿੰਗ ਕਿਹਾ। ਦੱਸ ਦੇਈਏ ਕਿ ਇਹ ਈਵੈਂਟ 22 ਜੂਨ ਤੋਂ ਸ਼ੁਰੂ ਹੋ ਗਿਆ ਹੈ ਜੋ ਕਿ 26 ਜੂਨ ਤਕ ਚੱਲੇਗਾ। 

1. iOS 14 ’ਚ ਸ਼ਾਮਲ ਹੋਈ ਨਵੀਂ ਟ੍ਰਾਂਸਲੇਟਰ ਐਪ
ਟਿਮ ਕੁੱਕ ਤੋਂ ਬਾਅਦ ਕ੍ਰੇਗ ਫੇਡਰਘੀ ਸਟੇਜ ’ਤੇ ਆਈ ਅਤੇ ਉਨ੍ਹਾਂ ਨੇ iOS ਨੂੰ ਪੇਸ਼ ਕੀਤਾ। ਇਸ ਦੇ ਨਵੇਂ ਫੀਚਰਜ਼ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਇਸ ਵਿਚ ਨਵੀਂ ਟ੍ਰਾਂਸਲੇਟਰ ਐਪ ਨੂੰ ਸ਼ਾਮਲ ਕੀਤਾ ਗਿਆ ਹੈ ਜੋ ਆਫਲਾਈਨ ਹੋਣ’ਤੇ ਵੀ ਰੀਅਲ ਟਾਈਮ ਟ੍ਰਾਂਸਲੇਸ਼ਨ ਕਰੇਗੀ। 

2. ਫੇਸ ਮਾਸਕ ਵਾਲਾ ਮੀਮੋਜੀ
ਕੋਰੋਨਾ ਦੇ ਚਲਦੇ iOS 14 ’ਚ ਨਵੇਂ ਫੇਸ ਮਾਸਕ ਵਾਲੇ ਮੀਮੋਜੀ ਨੂੰ ਸ਼ਾਮਲ ਕੀਤਾ ਗਿਆ। ਐਪਲ ਕਾਰ ਪਲੇਅ ਨੂੰ ਵੀ ਬਿਹਤਰ ਬਣਾਉਂਦੇ ਹੋਏ ਇਸ ਵਿਚ ਨਵੀਂ EV ਚਾਰਜਿੰਗ, ਪਾਰਕਿੰਗ, ਵਾਲਪੇਪਰ ਅਤੇ ਕੁਇੱਕ ਫੂਡ ਆਪਸ਼ੰਸ ਨੂੰ ਜੋੜਿਆ ਗਿਆ। 

3. ਆਈਫੋਨ ’ਚ ਆਏਗੀ CarKey ਆਪਸ਼ਨ
ਐਪਲ ਨੇ ਪੁਸ਼ਟੀ ਕੀਤੀ ਹੈ ਕਿ ਤੁਹਾਡੇ ਆਈਫੋਨ ’ਚ CarKey ਆਪਸ਼ਨ ਆਏਗੀ। ਸਭ ਤੋਂ ਪਹਿਲਾਂ ਇਹ ਸੁਵਿਧਾ 2021 BMW 5 ਸੀਰੀਜ਼ ’ਚ ਵੇਖਣ ਨੂੰ ਮਿਲੇਗੀ। 

4. iOS 14 ’ਚ ਬਿਨ੍ਹਾਂ ਡਾਊਨਲੋਡ ਕੀਤੇ ਚਲਾ ਸਕੋਗੇ ਐਪ
ਐਪਲ ਨੇ iOS 14 ’ਚ ਨਵਾਂ ‘ਐਪ ਕਲਿੱਪ’ ਫੀਚਰ ਸ਼ਾਮਲ ਕੀਤਾ ਹੈ ਜਿਸ ਰਾਹੀਂ ਬਿਨ੍ਹਾਂ ਡਾਊਨਲੋਡਿੰਗ ਕੀਤੇ ਐਪਲੀਕੇਸ਼ਨ ਦਾ ਫੁਲ ਵਰਜ਼ਨ ਐਪ ਸਟੋਰ ਤੋਂ ਐਕਸੈਸ ਕੀਤਾ ਜਾ ਸਕੇਗਾ। 

5. ਨਵੇਂ ਇੰਟਰਫੇਸ ਨਾਲ ਐਪਲ ਲਿਆਈ iPadOS 14
ਐਪਲ ਨੇ WWDC 2020 ’ਚ iPadOS 14 ਨੂੰ ਨਵੇਂ ਇੰਟਰਫੇਸ ਅਤੇ ਰੀਡਿਜ਼ਾਈਨ ਮਿਊਜ਼ਿਕ ਐਪ ਨਾਲ ਪੇਸ਼ ਕੀਤਾ ਹੈ। iPadOS 14 ’ਚ ਆਉਣ ਵਾਲੀ ਇਨਕਮਿੰਗ ਕਾਲ ਨੋਟੀਫਿਕੇਸ਼ਨ ਹੁਣ ਪੂਰੀ ਸਕਰੀਨ ’ਤੇ ਸ਼ੋਅ ਨਹੀਂ ਹੋਵੇਗੀ, ਜਿਸ ਨਾਲ ਯੂਜ਼ਰ ਨੂੰ ਕਾਫ਼ੀ ਸੁਵਿਧਾ ਰਹੇਗੀ। ਇਸ ਤੋਂ ਇਲਾਵਾ ਐਪ ਲਾਂਚਿੰਗ ’ਚ ਸੁਧਾਰ, ਕਾਨਟੈਕਟਸ ਇੰਟੀਗ੍ਰੇਸ਼ਨ, ਡਾਕਿਊਮੈਂਟਸ ਤੋਂ ਇਲਾਵਾ ਹੋਰ ਵੀ ਬਹੁਤ ਸਾਰੇ ਫੀਚਰਜ਼ ਇਸ ਵਿਚ ਦਿੱਤੇ ਗਏ ਹਨ। 

6. ਬਿਹਤਰ ਹੋਏ ਐਪਸ ਏਅਰਪੌਡਸ
ਐਪਲ ਏਅਰਪੌਡਸ ’ਚ ਨਵੇਂ ਫੀਚਰਜ਼ ਸ਼ਾਮਲ ਕੀਤੇ ਗਏ ਹਨ ਜਿਸ ਨਾਲ ਡਿਵਾਈਸ ਮੂਵ ਹੋਣ ’ਤੇ ਆਈਫੋਨ ਤੋਂ ਆਈਪੈਡ ਅਤੇ ਮੈਕ ’ਚ ਆਟੋਮੈਟਿਕ ਸਵਿੱਚ ਕਰਨਗੇ ਏਅਰਪੌਡਸ।

7. watchOS 7 ਰਾਹੀਂ ਹੁਣ ਦੋਸਤਾਂ ਨਾਲ ਸਾਂਝੇ ਕਰ ਸਕੋਗੇ ਵਾਚ ਫੇਸਿਸ
ਐਪਲ ਨੇ watchOS 7 ’ਚ ਵਾਚ ਫੇਸਿਸ ਨੂੰ ਆਪਣੇ ਦੋਸਤਾਂ ਨਾਲ ਸਾਂਝਾ ਕਰਨ ਦੀ ਸੁਵਿਧਾ ਦਿੱਤੀ ਹੈ। ਇਸ ਤੋਂ ਇਲਾਵਾ ਇਸ ਵਿਚ ਬਿਹਤਰ ਵਰਕਆਊਟ ਐਪ, ਇੰਪਰੂਵ ਕੈਲਰੀ ਟ੍ਰੈਕਰ, ਫੰਕਸ਼ਨਲ ਟ੍ਰੇਨਿੰਗ ਅਤੇ ਕੰਪਲੀਟਲੀ ਰੀਡਿਜ਼ਾਇਨ ਐਕਟੀਵਿਟੀ ਐਪ ਵੀ ਮਿਲੇਗੀ। 

8. ਨਵੇਂ ਡਿਜ਼ਾਇਨ ਨਾਲ ਪੇਸ਼ ਕੀਤਾ ਗਿਆ macOS 10.16 Big Sur
ਨਵੇਂ ਡਿਜ਼ਾਇਨ ਅਤੇ ਵਿਜ਼ੁਅਲ ਬਦਲਾਅ ਨਾਲ ਅਧਿਕਾਰਤ ਤੌਰ ’ਤੇ macOS 10.16 Big Sur ਪੇਸ਼ ਕੀਤਾ ਗਿਆ । ਇਸ ਵਿਚ ਕੰਪਨੀ ਨੇ ਰੀਡਿਜ਼ਾਇਨ ਨੋਟੀਫਿਕੇਸ਼ਨ ਸੈਂਟਰ, ਪਾਵਰਫੁਲ ਸਰਚ, ਰੀਡਿਜ਼ਾਇਨ ਫੋਟੋ ਪਿਕਰ, ਮੀਮੋਜੀ ਇੰਟੀਗ੍ਰੇਸ਼ਨ ਅਤੇ ਪਿੰਨਡ ਕਨਵਰਸੇਸ਼ਨ ਵਰਗੀਆਂ ਸਹੂਲਤਾਂ ਦਿੱਤੀਆਂ ਹਨ। ਐਪਲ ਦਾ ਦਾਅਵਾ ਹੈ ਕਿ macOS Big Sur ’ਚ ਕ੍ਰੋਮ ਦੇ ਮੁਕਾਬਲੇ ਸਫਾਰੀ ਬ੍ਰਾਊਜ਼ਰ 50 ਫੀਸਦੀ ਤੇਜ਼ੀ ਨਾਲ ਪੇਜ ਲੋਡ ਕਰੇਗਾ। ਇਸ ਦੀ ਟੂਲਬਾਰ ’ਚ ਪ੍ਰਾਈਵੇਸੀ ਰਿਪੋਰਟ ਬਟਨ ਮਿਲੇਗਾ ਜੋ ਤੁਹਾਨੂੰ ਦੱਸੇਗਾ ਕਿ ਵੈੱਬਪੇਜ ਤੁਹਾਡੀ ਪ੍ਰਾਈਵੇਸੀ ਨੂੰ ਕਿੰਨਾ ਸੁਰੱਖਿਅਤ ਰੱਖ ਰਿਹਾ ਹੈ। 

9. ਐਪਲ ਵਾਚ ’ਚ ਸ਼ਾਮਲ ਹੋਇਆ ਹੈਂਡ ਵਾਸ਼ਿੰਗ ਫੀਚਰ
ਕੋਰੋਨਾ ਦੇ ਚਲਦੇ ਐਪਲ ਵਾਚ ’ਚ ਨਵੇਂ ਹੈਂਡ ਵਾਸ਼ਿੰਗ ਫੀਚਰ ਨੂੰ ਸ਼ਾਮਲ ਕੀਤਾ ਗਿਆ ਹੈ ਜੋ ਤੁਹਾਨੂੰ ਦੱਸੇਗਾ ਕਿ ਕਿੰਨ ਦੇਰ ਹੱਥ ਧੋਣੇ ਚਾਹੀਦੇ ਹਨ। ਇਸ ਫੀਚਰ ਰਾਹੀਂ ਤੁਹਾਨੂੰ ਪਤਾ ਚਲਦਾ ਰਹੇਗਾ ਕਿ ਤੁਸੀਂ ਕਿੰਨੀ ਦੇਰ ਤਕ ਹੱਥ ਧੋਤੇ ਹਨ। 

10. ਐਪਲ ਮੈਪਸ ਨੂੰ ਬਣਾਇਆ ਗਿਆ ਹੋ ਵੀ ਬਿਹਤਰ
ਐਪਲ ਮੈਪਸ ਦੇ ਡਾਇਰੈਕਟਰ ਮੇਗ ਫ੍ਰਾਸਟ ਨੇ iOS 14 ’ਚ ਨਵੇਂ ਐਪਲ ਮੈਪਸ ਦੇ ਸ਼ਾਮਲ ਹੋਣ ਦੀ ਵੀ ਜਾਣਕਾਰੀ ਦਿੱਤੀ। ਇਸ ਵਿਚ ਨਵੀਂ ਸਾਈਕਲ ਡਾਇਰੈਕਸ਼ਨ ਅਤੇ ਕਵਾਇਟ ਤੇ ਬਿਜ਼ੀ ਰੋਡਸ ਵਰਗੇ ਨਵੇਂ ਆਪਸ਼ੰਸ ਦੇ ਜੁੜਨ ਬਾਰੇ ਦੱਸਿਆ ਗਿਆ ਹੈ।