Samsung ਦਾ ਵੱਡਾ ਧਮਾਕਾ, ਸਮਾਰਟਫੋਨਾਂ ਦੀਆਂ ਕੀਮਤਾਂ ''ਚ ਕੀਤੀ ਭਾਰੀ ਕਟੌਤੀ

ਨਵੀਂ ਦਿੱਲੀ: ਸੈਮਸੰਗ ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੇ ਗਾਹਕਾਂ ਨੂੰ ਵੱਡਾ ਤੋਹਫ਼ਾ ਦਿੰਦੇ ਹੋਏ ਕਈ ਮਿਡ-ਰੈਂਜ ਸਮਾਰਟਫੋਨਾਂ ਦੀਆਂ ਕੀਮਤਾਂ ਵਿੱਚ ਭਾਰੀ ਕਟੌਤੀ ਕਰ ਦਿੱਤੀ ਹੈ। ਕੰਪਨੀ ਵੱਲੋਂ ਆਪਣੀ Galaxy M ਅਤੇ Galaxy F ਸੀਰੀਜ਼ ਦੇ ਚੋਣਵੇਂ ਮਾਡਲਾਂ 'ਤੇ 12,000 ਰੁਪਏ ਤੱਕ ਦੀ ਛੋਟ ਦਿੱਤੀ ਜਾ ਰਹੀ ਹੈ, ਜੋ ਕਿ ਅੱਜ ਤੋਂ ਹੀ ਲਾਗੂ ਹੋ ਗਈ ਹੈ।

ਕਿਹੜੇ ਫੋਨ ਹੋਏ ਸਸਤੇ?
ਸਰੋਤਾਂ ਅਨੁਸਾਰ, ਕੀਮਤਾਂ ਵਿੱਚ ਕੀਤੀ ਗਈ ਕਟੌਤੀ ਤੋਂ ਬਾਅਦ ਫੋਨ ਹੁਣ ਇਨ੍ਹਾਂ ਕੀਮਤਾਂ 'ਤੇ ਮਿਲਣਗੇ:

•    Galaxy M56 5G: ਇਸ ਫੋਨ ਦੀ ਕੀਮਤ 33,999 ਰੁਪਏ ਤੋਂ ਘਟਾ ਕੇ ਹੁਣ 21,999 ਰੁਪਏ ਕਰ ਦਿੱਤੀ ਗਈ ਹੈ, ਜਿਸ ਨਾਲ ਗਾਹਕਾਂ ਨੂੰ ਸਿੱਧਾ 12,000 ਰੁਪਏ ਦਾ ਫਾਇਦਾ ਹੋਵੇਗਾ।
•    Galaxy M36: ਇਹ ਫੋਨ ਹੁਣ 26,999 ਦੀ ਬਜਾਏ 16,999 ਰੁਪਏ ਵਿੱਚ ਮਿਲੇਗਾ।
•    Galaxy M17e 5G ਅਤੇ Galaxy F70e: ਇਹ ਦੋਵੇਂ ਫੋਨ ਹੁਣ 18,999 ਰੁਪਏ ਦੀ ਬਜਾਏ ਮਹਿਜ਼ 12,499 ਰੁਪਏ ਵਿੱਚ ਉਪਲਬਧ ਹਨ।
•    Galaxy F36 5G: ਇਸ ਦੀ ਕੀਮਤ ਵਿੱਚ ਵੀ 10,000 ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ ਅਤੇ ਹੁਣ ਇਹ 16,999 ਰੁਪਏ ਵਿੱਚ ਮਿਲੇਗਾ।
•    Galaxy M17 5G: ਇਸ ਫੋਨ ਦੀ ਕੀਮਤ 20,999 ਰੁਪਏ ਤੋਂ ਘਟਾ ਕੇ 13,999 ਰੁਪਏ ਕਰ ਦਿੱਤੀ ਗਈ ਹੈ।

ਆਈਫੋਨ ਖਰੀਦਣ ਦਾ ਵੀ ਸੁਨਹਿਰੀ ਮੌਕਾ
ਸੈਮਸੰਗ ਦੇ ਨਾਲ-ਨਾਲ, ਫਲਿੱਪਕਾਰਟ 'ਤੇ 9 ਮਈ ਤੋਂ ਸ਼ੁਰੂ ਹੋਣ ਵਾਲੀ 'ਸਾਸਾ ਲੇਲੇ' (Sasa Lele) ਸੇਲ ਵਿੱਚ iPhone 16 'ਤੇ ਵੀ ਭਾਰੀ ਬਚਤ ਕਰਨ ਦਾ ਮੌਕਾ ਹੈ। ਇਹ ਫੋਨ, ਜੋ 79,999 ਰੁਪਏ ਵਿੱਚ ਲਾਂਚ ਹੋਇਆ ਸੀ, ਸੇਲ ਦੌਰਾਨ 58,900 ਰੁਪਏ ਵਿੱਚ ਲਿਸਟ ਕੀਤਾ ਜਾਵੇਗਾ। 

ਇਹ ਕਟੌਤੀ ਅਜਿਹੇ ਸਮੇਂ ਕੀਤੀ ਗਈ ਹੈ ਜਦੋਂ ਚਿਪ ਦੀ ਘਾਟ ਕਾਰਨ ਮੋਬਾਈਲ ਫੋਨ ਮਹਿੰਗੇ ਹੋ ਰਹੇ ਹਨ, ਇਸ ਲਈ ਨਵਾਂ ਫੋਨ ਖਰੀਦਣ ਦੀ ਯੋਜਨਾ ਬਣਾ ਰਹੇ ਲੋਕਾਂ ਲਈ ਇਹ ਇੱਕ ਬਿਹਤਰੀਨ ਮੌਕਾ ਹੈ।