ਸਟਾਈਲ ਦੇ ਨਾਲ ਆਫਰੋਡਿੰਗ ਦਾ ਮਜਾ! Hero ਨੇ ਲਾਂਚ ਕੀਤੀ ਇਹ ਧਾਕੜ ਬਾਈਕ

ਆਟੋ ਡੈਸਕ- ਹੀਰੋ ਮੋਟੋਕੋਰਪ ਨੇ ਭਾਰਤੀ ਬਾਜ਼ਾਰ 'ਚ XPulse 200 4V ਪ੍ਰੋ ਡਕਾਰ ਐਡੀਸ਼ਨ ਨੂੰ ਲਾਂਚ ਕੀਤਾ ਹੈ। ਆਕਰਸ਼ਕ ਲੁੱਕ ਅਤੇ ਦਮਦਾਰ ਇੰਜਣ ਨਾਲ ਲੈਸ ਇਸ ਬਾਈਕ ਦੀ ਸ਼ੁਰੂਆਤੀ ਕੀਮਤ 1.67 ਲੱਖ ਰੁਪਏ (ਐਕਸ-ਸ਼ੋਅਰੂਮ) ਤਕ ਰੱਖੀ ਗਈ ਹੈ। ਕੰਪਨੀ ਨੇ ਨਵੀਂ ਬਾਈਕ ਲਈ ਬੁਕਿੰਗ ਸ਼ੁਰੂ ਕਰ ਦਿੱਤੀ ਹੈ। ਨਵਾਂ ਡਕਾਰ ਐਡੀਸ਼ਨ XPulse 200 4V ਅਤੇ Xpulse 200 4V Pro ਦੇ ਨਾਲ ਵਿਕਰੀ ਲਈ ਉਪਲੱਬਧ ਹੈ ਜਿਨ੍ਹਾਂ ਦੀ ਕੀਮਤ 1.51 ਲੱਖ ਰੁਪਏ ਅਤੇ 1.64 ਲੱਖ ਰੁਪਏ (ਐਕਸ-ਸ਼ੋਅਰੂਮ) ਹੈ। 

Dakar Edition 'ਚ ਕੀ ਹੈ ਖਾਸ

ਦੱਸ ਦੇਈਏ ਕਿ ਆਟੋਮੋਬਾਇਲ ਰੇਸਿੰਗ ਦੀ ਦੁਨੀਆ 'ਚ ਇਹ ਡਕਾਰ ਰੈਲੀ ਕਾਫੀ ਮਸ਼ਹੂਰ ਹੈ। ਮੂਲ ਰੂਪ ਨਾਲ ਇਹ ਨਵਾਂ ਐਡੀਸ਼ਨ Xpulse 200 4V Pro 'ਤੇ ਹੀ ਬੇਸਡ ਹੈ ਪਰ ਇਸ ਵਿਚ ਕੰਪਨੀ ਨੇ ਕੁਝ ਕਾਸਮੈਟਿਕ ਬਦਲਾਅ ਕੀਤੇ ਹਨ ਜੋ ਇਸ ਦੀ ਲੁੱਕ ਨੂੰ ਥੋੜ੍ਹਾ ਹੋਰ ਬਿਹਤਰ ਬਣਾਉਂਦੇ ਹਨ। ਖਾਸਤੌਰ 'ਤੇ ਬਾਈਕ 'ਚ ਡਕਾਰ ਤੋਂ ਪ੍ਰੇਰਿਤ ਇਕ ਖਾਸ ਪੇਂਟ ਸਕੀਮ ਦਿੱਤੀ ਗਈ ਹੈ। 

ਬਾਈਕ ਦੇ ਫਿਊਲ ਟੈਂਕ 'ਤੇ 'Dakar' ਲੋਗੋ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਬ੍ਰਾਂਡ ਨੇ ਟੈਂਕ 'ਤੇ ਗ੍ਰਾਫਿਕਸ 'ਚ ਕੰਪਾਸ ਵੀ ਕੋਆਰਡੀਨੇਸ਼ਨ ਵੀ ਦਿੱਤੇ ਗਏ ਹਨ ਜੋ ਸੰਭਾਵਿਤ ਇਹ ਦੱਸਦੇ ਹਨ ਕਿ ਸਾਊਦੀ ਅਰਬ 'ਚ ਡਕਾਰ ਰੈਲੀ ਕਿੱਥੇ ਹੁੰਦੀ ਹੈ। ਸ਼ੁਰੂਆਤੀ ਦੌਰ 'ਚ ਡਕਾਰ ਰੈਲੀ ਪੈਰਿਸ, ਫਰਾਂਸ ਤੋਂ ਡਕਾਰ ਅਤੇ ਸੇਨੇਗਲ (ਅਫਰੀਕਾ ਮਹਾਦੀਪ ਦੇ ਸੇਨੇਗਲ ਦੇਸ਼ ਦੀ ਰਾਜਧਾਨੀ) 'ਚ ਆਯੋਜਿਤ ਕੀਤੀ ਗਈ ਸੀ ਪਰ 2020 ਤੋਂ ਇਸਦਾ ਆਯੋਜਨ ਸਾਊਦੀ ਅਰਬ 'ਚ ਕੀਤਾ ਜਾ ਰਿਹਾ ਹੈ। 

ਪਾਵਰ ਅਤੇ ਪਰਫਾਰਮੈਂਸ

ਇਸ ਸਪੈਸ਼ਲ ਐਡੀਸ਼ਨ ਦੇ ਇੰਜਣ ਮਕੈਨਿਜ਼ਮ 'ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਇਸ ਵਿੱਚ, ਕੰਪਨੀ ਨੇ 199 ਸੀਸੀ ਸਮਰੱਥਾ ਦੇ ਸਿੰਗਲ-ਸਿਲੰਡਰ ਏਅਰ/ਆਇਲ ਕੂਲਡ ਇੰਜਣ ਦੀ ਵਰਤੋਂ ਕੀਤੀ ਹੈ। ਜੋ 18.9 bhp ਦੀ ਪਾਵਰ ਅਤੇ 17.35 ਨਿਊਟਨ ਮੀਟਰ ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ਇੰਜਣ ਨੂੰ 5-ਸਪੀਡ ਗਿਅਰਬਾਕਸ ਨਾਲ ਜੋੜਿਆ ਗਿਆ ਹੈ।

ਬਾਈਕ ਦਾ ਹਾਰਡਵੇਅਰ ਕਾਫੀ ਹੱਦ ਤਕ Xpulse Pro ਵੇਰੀਐਂਟ ਤੋਂ ਲਿਆ ਗਿਆ ਹੈ। ਹਾਲਾਂਕਿ, ਇਹ ਹੁਣ ਨੌਬੀ ਆਫ-ਰੋਡ ਟਾਇਰਾਂ ਦੇ ਨਾਲ ਆਉਂਦਾ ਹੈ। ਜੋ ਇਸ ਨੂੰ ਖਰਾਬ ਸੜਕਾਂ 'ਤੇ ਚੱਲਣ 'ਚ ਮਦਦ ਕਰਦਾ ਹੈ। ਖੈਰ, ਡਕਾਰ ਰੈਲੀ ਤੋਂ ਪ੍ਰੇਰਿਤ ਬਾਈਕ ਦੀ ਪਹਿਲੀ ਸ਼ਰਤ ਘੱਟੋ-ਘੱਟ ਇਹ ਹੋਣੀ ਚਾਹੀਦੀ ਹੈ ਕਿ ਇਹ ਸ਼ਾਨਦਾਰ ਆਫ-ਰੋਡਿੰਗ ਟਾਇਰਾਂ ਨਾਲ ਲੈਸ ਹੋਵੇ। ਇਨ੍ਹਾਂ ਵਿੱਚ ਸਪੋਕ ਵ੍ਹੀਲ ਹਨ ਜਿਨ੍ਹਾਂ ਵਿੱਚ ਟਿਊਬਲੈੱਸ ਟਾਇਰ ਉਪਲੱਬਧ ਨਹੀਂ ਹਨ।

ਇਸ 'ਚ ਐਡਜਸਟੇਬਲ ਫਰੰਟ ਸਸਪੈਂਸ਼ਨ ਵੀ ਹੈ। ਬਾਈਕ ਦੀ ਗਰਾਊਂਡ ਕਲੀਅਰੈਂਸ ਵੀ 270 mm ਹੈ। ਬ੍ਰੇਕਿੰਗ ਦੀ ਜਿੰਮੇਵਾਰੀ ਬਾਈਕ ਦੇ ਦੋਹਾਂ ਸਿਰਿਆਂ 'ਤੇ ਪ੍ਰਦਾਨ ਕੀਤੇ ਗਏ ਡਿਸਕ ਬ੍ਰੇਕਾਂ ਦੀ ਹੈ। ਇਸ 'ਚ ਐਂਟੀ ਲਾਕ ਬ੍ਰੇਕਿੰਗ ਸਿਸਟਮ (ABS) ਅਤੇ 3 ਰਾਈਡ ਮੋਡਸ: ਰੋਡ, ਆਫ-ਰੋਡ ਅਤੇ ਰੈਲੀ ਦਿੱਤੀ ਜਾ ਰਹੀ ਹੈ। ਵਿਸ਼ੇਸ਼ਤਾਵਾਂ ਦੀ ਸੂਚੀ ਵਿੱਚ USB ਚਾਰਜਰ, ਰੈਲੀ-ਸਟਾਈਲ ਵਿੰਡਸ਼ੀਲਡ ਅਤੇ ਬੰਦ-ਲੂਪ ਨਕਲ ਗਾਰਡ ਸ਼ਾਮਲ ਹਨ।