Google Users ਦੀਆਂ ਲੱਗੀਆਂ ਮੌਜਾਂ! ਮਿਲਣ ਜਾ ਰਿਹਾ ਇਹ ਧਾਕੜ Features

ਗੈਜੇਟ ਡੈਸਕ- ਗੂਗਲ ਦਾ ਨਾਂ ਦੁਨੀਆ ਦੀਆਂ ਮੋਹਰੀ ਅਤੇ ਸਭ ਤੋਂ ਪ੍ਰਸਿੱਧ ਕੰਪਨੀਆਂ ਵਿਚ ਗਿਣਿਆ ਜਾਂਦਾ ਹੈ। ਇਸ ਦੌਰਾਨ ਗੂਗਲ ਆਪਣੇ ਯੂਜ਼ਰਸ ਨੂੰ ਕਈ ਤਰ੍ਹਾਂ ਦੀਆਂ ਸੇਵਾਵਾਂ ਪ੍ਰਦਾਨ ਕਰਦਾ ਰਹਿੰਦਾ ਹੈ ਅਤੇ ਹਾਲ ਹੀ ਵਿਚ ਗੂਗਲ ਨੇ ਆਪਣੇ ਯੂਜ਼ਰਸ ਲਈ ਇਕ ਵੱਡਾ ਐਲਾਨ ਕੀਤਾ ਹੈ। ਅਸਲ ਵਿਚ ਕੰਪਨੀ ਨੇ ਮੈਸੇਜਿੰਗ ਐਪ ਲਈ ਕਈ ਅਪਡੇਟਸ ਜਾਰੀ ਕੀਤੇ ਹਨ। ਨਵੇਂ ਅਪਡੇਟਸ ਤੋਂ ਬਾਅਦ, ਯੂਜ਼ਰਸ ਨੂੰ ਮੈਸੇਜਿੰਗ ਵਿਚ ਇਕ ਨਵਾਂ ਅਨੁਭਵ ਮਿਲਣ ਵਾਲਾ ਹੈ। ਯੂਜ਼ਰਸ ਨੂੰ ਹੁਣ WhatsApp ਵਰਗੇ ਮੈਸੇਜ ਵਿਚ ਹਰ ਕਿਸੇ ਲਈ ਨੋਟੀਫਿਕੇਸ਼ਨ ਸਨੂਜ਼ ਕਰਨ ਅਤੇ ਟੈਕਸਟ ਮੈਸੇਜ ਮਿਟਾਉਣ ਵਰਗੇ ਫੀਚਰ ਮਿਲਣ ਜਾ ਰਹੇ ਹਨ।

ਗੂਗਲ ਇਨ੍ਹਾਂ ਸਾਰੇ ਨਵੇਂ ਫੀਚਰਸ ਨੂੰ ਸਟੇਬਲ ਯੂਜ਼ਰਸ ਲਈ ਪੜਾਅਵਾਰ ਰੋਲ ਆਊਟ ਕਰ ਰਿਹਾ ਹੈ। ਗੂਗਲ ਦੇ ਇਹ ਅਪਡੇਟਸ ਯੂਜ਼ਰਸ ਨੂੰ ਮੈਸੇਜਿੰਗ ਐਪ ਵਿਚ ਸੋਸ਼ਲ ਮੀਡੀਆ ਐਪਸ ਦੇ ਫੀਚਰਸ ਦਾ ਅਨੁਭਵ ਦੇਣਗੇ। ਸਨੂਜ਼ ਫੀਚਰ ਦੀ ਮਦਦ ਨਾਲ, ਤੁਸੀਂ ਮੈਸੇਜ ਸੈਕਸ਼ਨ ਵਿਚ ਆਉਣ ਵਾਲੀ ਕਿਸੇ ਵੀ ਨੋਟੀਫਿਕੇਸ਼ਨ ਨੂੰ ਸਨੂਜ਼ ਕਰ ਸਕੋਗੇ। ਇਸ ਦੇ ਨਾਲ ਹੀ, ਡਿਲੀਟ ਫਾਰ ਐਵਰੀਵਨ ਦੀ ਮਦਦ ਨਾਲ, ਤੁਸੀਂ ਭੇਜੇ ਗਏ ਮੈਸੇਜ ਨੂੰ ਡਿਲੀਟ ਕਰ ਸਕੋਗੇ।

ਮਿਲੇਗਾ ਇਹ ਲਾਭ
ਗੂਗਲ ਮੈਸੇਜਿੰਗ ਐਪ ਲਈ ਇਨ੍ਹਾਂ ਫੀਚਰਜ਼ 'ਤੇ ਲੰਬੇ ਸਮੇਂ ਤੋਂ ਕੰਮ ਕਰ ਰਿਹਾ ਸੀ। ਜੇਕਰ ਤੁਸੀਂ ਕਿਸੇ ਨੂੰ SMS ਭੇਜਿਆ ਹੈ। ਜੇਕਰ ਉਸ ਸੰਦੇਸ਼ ਵਿਚ ਕੋਈ ਗਲਤੀ ਹੈ ਜਾਂ ਤੁਸੀਂ ਗਲਤੀ ਨਾਲ ਉਹ ਸੰਦੇਸ਼ ਗਲਤ ਵਿਅਕਤੀ ਨੂੰ ਭੇਜ ਦਿੱਤਾ ਹੈ ਅਤੇ ਤੁਸੀਂ ਚਾਹੁੰਦੇ ਹੋ ਕਿ ਉਹ ਸੰਦੇਸ਼ ਰਿਸੀਵਰ ਤੋਂ ਡਿਲੀਟ ਹੋ ਜਾਵੇ, ਤਾਂ ਅਜਿਹੀ ਸਥਿਤੀ ਵਿਚ ਡਿਲੀਟ ਫਾਰ ਐਵਰੀਵਨ ਦਾ ਫੀਚਰ ਬਹੁਤ ਲਾਭਦਾਇਕ ਹੋਣ ਵਾਲਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਵਟਸਐਪ ਆਪਣੇ ਕਰੋੜਾਂ ਯੂਜ਼ਰਸ ਨੂੰ ਇਹ ਸ਼ਾਨਦਾਰ ਫੀਚਰ ਪ੍ਰਦਾਨ ਕਰਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਫੀਚਰ ਪਹਿਲੀ ਵਾਰ ਗੂਗਲ ਮੈਸੇਜਿੰਗ ਐਪ ਵਿੱਚ ਫਰਵਰੀ ਦੇ ਮਹੀਨੇ ਵਿਚ ਦੇਖਿਆ ਗਿਆ ਸੀ। ਹਾਲਾਂਕਿ, ਉਸ ਸਮੇਂ ਕੰਪਨੀ ਨੇ ਬੀਟਾ ਯੂਜ਼ਰਸ ਲਈ ਇਸ ਫੀਚਰ ਨੂੰ ਰੋਲ ਆਊਟ ਕੀਤਾ ਸੀ। ਹੁਣ ਆਮ ਯੂਜ਼ਰ ਵੀ ਇਸ ਫੀਚਰ ਦੀ ਵਰਤੋਂ ਕਰ ਸਕਦੇ ਹਨ।

ਵਰਤਣ ਦਾ ਤਰੀਕਾ :-
ਜੇਕਰ ਤੁਸੀਂ Delete for Everyone ਦੀ ਵਰਤੋਂ ਕਰਨਾ ਚਾਹੁੰਦੇ ਹੋ, ਤਾਂ ਅਸੀਂ ਤੁਹਾਨੂੰ ਦੱਸ ਦੇਈਏ ਕਿ ਤੁਹਾਨੂੰ ਭੇਜੇ ਗਏ ਮੈਸੇਜ 'ਤੇ ਦੇਰ ਤੱਕ ਦਬਾਉਣ ਦੀ ਲੋੜ ਹੈ। ਇਸ ਤੋਂ ਬਾਅਦ, ਤੁਹਾਨੂੰ ਡਿਸਪਲੇ ਵਿਚ ਦੋ ਵਿਕਲਪ ਮਿਲਣਗੇ। ਇਸ ਵਿਚ Delete for everyone ਅਤੇ Delete for me ਸ਼ਾਮਲ ਹੋਣਗੇ। ਜੇਕਰ ਤੁਸੀਂ ਦੋਵਾਂ ਪਾਸਿਆਂ ਤੋਂ ਮੈਸੇਜ ਮਿਟਾਉਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ Delete for everyone ਦਾ ਵਿਕਲਪ ਚੁਣਨਾ ਹੋਵੇਗਾ।