Creators ਲਈ ਖੁਸ਼ਖਬਰੀ! ਹੁਣ ਗੂਗਲ ਉਤੇ ਦਿਖੇਗਾ ਤੁਹਾਡਾ ਹਰ Content
Friday, Jun 05, 2026 - 02:03 PM (IST)
ਗੈਜੇਟ ਡੈਸਕ - ਗੂਗਲ ਨੇ ਕੰਟੈਂਟ ਕ੍ਰਿਏਟਰਸ ਅਤੇ ਪਬਲਿਸ਼ਰਾਂ ਲਈ ਇਕ ਵੱਡਾ ਐਲਾਨ ਕਰਦਿਆਂ “ਸਰਚ ਪ੍ਰੋਫਾਈਲ” ਨਾਮਕ ਇਕ ਨਵਾਂ ਫੀਚਰ ਲਾਂਚ ਕੀਤਾ ਹੈ। ਇਸ ਫੀਚਰ ਦੀ ਮਦਦ ਨਾਲ ਹੁਣ ਕ੍ਰਿਏਟਰਸ ਆਪਣੀ ਪਛਾਣ ਅਤੇ ਕੰਟੈਂਟ ਨੂੰ ਗੂਗਲ ਸਰਚ ਅਤੇ ਡਿਸਕਵਰ ਵਿੱਚ ਬਿਹਤਰ ਤਰੀਕੇ ਨਾਲ ਦਿਖਾ ਸਕਣਗੇ।
ਕੀ ਹੈ ਨਵਾਂ ਸਰਚ ਪ੍ਰੋਫਾਈਲ ਫੀਚਰ?
ਸਰਚ ਪ੍ਰੋਫਾਈਲ ਇਕ ਅਜਿਹਾ ਹੱਬ ਹੋਵੇਗਾ ਜਿੱਥੇ ਕ੍ਰਿਏਟਰ ਦੇ ਸਾਰੇ ਤਾਜ਼ਾ ਆਰਟੀਕਲ, ਵੀਡੀਓ ਅਤੇ ਸੋਸ਼ਲ ਮੀਡੀਆ ਪੋਸਟਾਂ ਇਕ ਹੀ ਜਗ੍ਹਾ ਦਿਖਾਈ ਦੇਣਗੀਆਂ। ਗੂਗਲ ਅਨੁਸਾਰ, ਇਸ ਸੁਵਿਧਾ ਨਾਲ ਦਰਸ਼ਕਾਂ ਲਈ ਆਪਣੇ ਮਨਪਸੰਦ ਕ੍ਰਿਏਟਰ ਨੂੰ ਫਾਲੋ ਕਰਨਾ ਸੌਖਾ ਹੋ ਜਾਵੇਗਾ ਅਤੇ ਕੰਟੈਂਟ ਦੀ ਪਹੁੰਚ ਵੀ ਵਧੇਗੀ। ਕ੍ਰਿਏਟਰਸ ਇਸ ਨੂੰ ਮੋਬਾਈਲ 'ਤੇ ਗੂਗਲ ਸਰਚ ਦੇ ਨੌਲੇਜ ਪੈਨਲ, ਗੂਗਲ ਡਿਸਕਵਰ ਜਾਂ ਸਿੱਧੇ URL ਰਾਹੀਂ ਐਕਸੈਸ ਕਰ ਸਕਣਗੇ।
ਕੌਣ ਲੈ ਸਕਦਾ ਹੈ ਇਸ ਦਾ ਲਾਭ?
ਗੂਗਲ ਨੇ ਇਸ ਫੀਚਰ ਲਈ ਕੁਝ ਸ਼ਰਤਾਂ ਤੈਅ ਕੀਤੀਆਂ ਹਨ:
ਯੂਟਿਊਬ, ਇੰਸਟਾਗ੍ਰਾਮ ਜਾਂ X (ਟਵਿੱਟਰ)
- ਘੱਟੋ-ਘੱਟ 1 ਲੱਖ ਫਾਲੋਅਰਜ਼ ਹੋਣੇ ਲਾਜ਼ਮੀ ਹਨ।
ਟਿਕਟਾਕ
- ਘੱਟੋ-ਘੱਟ 3 ਲੱਖ ਫਾਲੋਅਰਜ਼ ਹੋਣੇ ਜ਼ਰੂਰੀ ਹਨ।
ਨੌਲੇਜ ਪੈਨਲ ਹੋਵੇਗਾ ਹੋਰ ਵੀ ਸਮਾਰਟ
ਜਿਹੜੇ ਕ੍ਰਿਏਟਰਸ ਆਪਣੀ ਪ੍ਰੋਫਾਈਲ ਕਲੇਮ ਕਰਨਗੇ, ਉਨ੍ਹਾਂ ਦਾ 'ਗੂਗਲ ਨੌਲੇਜ ਪੈਨਲ' ਹੋਰ ਅਪਡੇਟ ਹੋ ਜਾਵੇਗਾ। ਇਸ 'ਚ ਨਵਾਂ ਅਵਤਾਰ, ਹਾਲੀਆ ਕੰਟੈਂਟ ਅਤੇ ਸੋਸ਼ਲ ਮੀਡੀਆ ਪ੍ਰੋਫਾਈਲਾਂ ਦੇ ਸਿੱਧੇ ਲਿੰਕ ਸ਼ਾਮਲ ਕੀਤੇ ਜਾਣਗੇ। ਕ੍ਰਿਏਟਰਸ ਨੂੰ ਇਸ 'ਤੇ ਪੂਰਾ ਕੰਟਰੋਲ ਮਿਲੇਗਾ ਕਿ ਉਹ ਗੂਗਲ ਦੇ ਵੱਖ-ਵੱਖ ਪਲੇਟਫਾਰਮਾਂ 'ਤੇ ਕਿਸ ਤਰ੍ਹਾਂ ਦਿਖਾਈ ਦੇਣਾ ਚਾਹੁੰਦੇ ਹਨ।
ਕਦੋਂ ਤੱਕ ਭਾਰਤ 'ਚ ਆਵੇਗਾ ਇਹ ਫੀਚਰ?
ਫਿਲਹਾਲ ਇਹ ਸੇਵਾ ਅਮਰੀਕਾ 'ਚ ਸ਼ੁਰੂ ਕੀਤੀ ਗਈ ਹੈ। ਹਾਲਾਂਕਿ, ਗੂਗਲ ਨੇ ਸੰਕੇਤ ਦਿੱਤਾ ਹੈ ਕਿ ਆਉਣ ਵਾਲੇ ਸਮੇਂ 'ਚ ਇਸ ਨੂੰ ਭਾਰਤ ਸਮੇਤ ਹੋਰ ਦੇਸ਼ਾਂ ਅਤੇ ਹੋਰ ਜ਼ਿਆਦਾ ਕ੍ਰਿਏਟਰਸ ਤੱਕ ਪਹੁੰਚਾਇਆ ਜਾਵੇਗਾ।
ਕਿਵੇਂ ਕਰੀਏ ਅਪਲਾਈ?
ਯੋਗ ਕ੍ਰਿਏਟਰਸ ਆਪਣੀ ਪ੍ਰੋਫਾਈਲ ਬਣਾਉਣ ਲਈ profile.google.com/claim 'ਤੇ ਜਾ ਕੇ ਆਪਣੇ ਗੂਗਲ ਅਤੇ ਸੋਸ਼ਲ ਮੀਡੀਆ ਅਕਾਊਂਟਸ ਰਾਹੀਂ ਸਾਈਨ-ਇਨ ਕਰ ਸਕਦੇ ਹਨ।
