Facebook users ਸਾਵਧਾਨ! ਤੁਰੰਤ ਇਸ Features ਨੂੰ ਕਰ ਲਓ ਬੰਦ ਨਹੀਂ ਤਾਂ...

ਗੈਜੇਟ ਡੈਸਕ - ਇਕ ਵਾਰ ਫਿਰ ਮੈਟਾ ਪ੍ਰਾਇਵੇਸੀ ਵਿਵਾਦਾਂ ਨੂੰ ਲੈ ਕੇ ਘਿਰਿਆ ਹੋਇਆ ਹੈ ਜਿਸ ਦਾ ਕਾਰਨ ਫੇਸਬੁੱਕ ਤੇ ਇੰਸਟਾਗ੍ਰਾਮ ਹਨ। ਤੁਹਾਨੂੰ ਦੱਸ ਦਈਏ ਕਿ ਹੁਣ ਤੱਕ ਲੋਕ ਜਾਣਦੇ ਸਨ ਕਿ ਮੇਟਾ ਏਆਈ ਆਪਣੇ ਸਿਸਟਮ ਨੂੰ ਬਿਹਤਰ ਬਣਾਉਣ ਲਈ ਫੇਸਬੁੱਕ 'ਤੇ ਪੋਸਟ ਕੀਤੀਆਂ ਫੋਟੋਆਂ ਦੀ ਵਰਤੋਂ ਕਰਦਾ ਹੈ, ਪਰ ਹੁਣ ਮਾਮਲਾ ਹੋਰ ਵੀ ਅੱਗੇ ਵਧ ਗਿਆ ਹੈ। ਹੁਣ ਮੇਟਾ ਤੁਹਾਡੇ ਫੋਨ ਗੈਲਰੀ ਵਿਚ ਫੋਟੋਆਂ ਤੱਕ ਪਹੁੰਚ ਚਾਹੁੰਦਾ ਹੈ। ਉਹ ਫੋਟੋਆਂ ਵੀ ਜੋ ਤੁਸੀਂ ਕਦੇ ਫੇਸਬੁੱਕ ਜਾਂ ਇੰਸਟਾਗ੍ਰਾਮ 'ਤੇ ਸਾਂਝੀਆਂ ਨਹੀਂ ਕੀਤੀਆਂ ਹਨ। ਇਹ ਮਾਮਲਾ ਥੋੜ੍ਹਾ ਉਲਝਣ ਵਾਲਾ ਹੈ ਇਸ ਲਈ ਆਓ ਇਸ ਨੂੰ ਵਿਸਥਾਰ ਨਾਲ ਜਾਣਦੇ ਹਾਂ। 

ਕੀ ਹੈ Cloud Processing?

ਹਾਲ ਹੀ ਵਿਚ, ਕੁਝ ਫੇਸਬੁੱਕ ਯੂਜ਼ਰਸ ਨੇ ਇਕ ਨਵਾਂ ਪੌਪ-ਅੱਪ ਦੇਖਿਆ ਜਿਸ ਵਿਚ ਉਨ੍ਹਾਂ ਨੂੰ ਕਲਾਉਡ ਪ੍ਰੋਸੈਸਿੰਗ ਫੀਚਰ ਨੂੰ ਚਾਲੂ ਕਰਨ ਲਈ ਕਿਹਾ ਗਿਆ ਸੀ। ਇਸ ਫੀਚਰ ਨੂੰ ਚਾਲੂ ਕਰਨ ਨਾਲ ਮੈਟਾ ਤੁਹਾਡੀ ਗੈਲਰੀ ਨੂੰ ਸਕੈਨ ਕਰ ਸਕਦਾ ਹੈ ਭਾਵ ਕਿ ਤੁਹਾਡੀਆਂ ਸਾਰੀਆਂ ਫੋਟੋਆਂ ਜੋ ਤੁਸੀਂ ਸਾਂਝੀਆਂ ਨਹੀਂ ਕੀਤੀਆਂ ਹਨ ਸਿੱਧੇ ਮੈਟਾ ਦੇ ਕਲਾਉਡ ਸਰਵਰ ਤੇ ਜਾਂਦੀਆਂ ਹਨ। ਹਾਲਾਂਕਿ ਮੈਟਾ ਦਾ ਇਹ ਦਾਅਵਾ ਹੈ ਕਿ ਅਜਿਹਾ ਕਰਨ ਨਾਲ, ਇਹ ਤੁਹਾਨੂੰ ਰਚਨਾਤਮਕ ਵਿਚਾਰ ਦੇਵੇਗਾ। ਜਿਵੇਂ ਕਿ ਫੋਟੋ ਕੋਲਾਜ, ਜਨਮਦਿਨ ਜਾਂ ਵਿਆਹਾਂ ਲਈ ਖਾਸ ਫਿਲਟਰ ਅਤੇ ਏਆਈ-ਤਿਆਰ ਕੀਤੇ ਸੁਝਾਅ। ਇਹ ਵਧੀਆ ਲੱਗਦਾ ਹੈ ਪਰ ਅਸਲ ਖੇਡ ਇਸ ਤੋਂ ਕਿਤੇ ਡੂੰਘੀ ਹੈ।
 
ਜ਼ਿਕਰਯੋਗ ਹੈ ਕਿ ਜਦੋਂ ਤੁਸੀਂ ਇਸ ਫੀਚਰ ਨੂੰ ਚਾਲੂ ਕਰਦੇ ਹੋ, ਤਾਂ ਮੈਟਾ ਨੂੰ ਤੁਹਾਡੀਆਂ ਅਣਸ਼ੇਅਰ ਕੀਤੀਆਂ ਫੋਟੋਆਂ ਜਿਵੇਂ ਕਿ ਚਿਹਰੇ ਦੀ ਪਛਾਣ, ਫੋਟੋ ਵਿਚ ਮੌਜੂਦ ਚੀਜ਼ਾਂ, ਇਸ ਨੂੰ ਕਦੋਂ ਅਤੇ ਕਿੱਥੇ ਕਲਿੱਕ ਕੀਤਾ ਗਿਆ ਸੀ ਅਤੇ ਹੋਰ ਜਾਣਕਾਰੀ ਦੇਖਣ ਦੀ ਆਜ਼ਾਦੀ ਮਿਲਦੀ ਹੈ। ਇਸ ਦੌਰਾਨ ਮੈਟਾ ਨੇ ਕਿਹਾ ਕਿ ਇਹ ਇਕ ਔਪਟ-ਇਨ ਫੀਚਰ ਹੈ ਜੇ ਤੁਸੀਂ ਚਾਹੋ ਤਾਂ ਇਸਨੂੰ ਕਿਸੇ ਵੀ ਸਮੇਂ ਬੰਦ ਕਰ ਸਕਦੇ ਹੋ, ਪਰ ਸਵਾਲ ਇਹ ਉੱਠਦਾ ਹੈ ਕਿ ਕੀ ਜ਼ਿਆਦਾਤਰ ਯੂਜ਼ਰ ਇਹ ਸਾਰੇ ਸ਼ਬਦ ਪੜ੍ਹਦੇ ਹਨ? ਕੀ ਉਹ ਸੱਚਮੁੱਚ ਜਾਣਦੇ ਹਨ ਕਿ ਉਨ੍ਹਾਂ ਦੀਆਂ ਨਿੱਜੀ ਫੋਟੋਆਂ ਹੁਣ ਇੱਕ AI ਦੇ ਸੰਪਰਕ ਵਿਚ ਆ ਰਹੀਆਂ ਹਨ?

ਕਈ ਸਾਲਾਂ ਪਹਿਲਾਂ ਤੋਂ ਹੋ ਰਹੀ ਹੈ ਵਰਤੋਂ
 
ਤੁਹਾਨੂੰ ਦੱਸ ਦਈਏ ਕਿ ਮੈਟਾ ਪਹਿਲਾਂ ਹੀ ਇਹ ਪ੍ਰਵਾਨ ਕਰ ਚੁੱਕਾ ਹੈ ਕਿ ਉਸ ਨੇ 2007 ਤੋਂ ਫੇਸਬੁੱਕ ਅਤੇ ਇੰਸਟਾਗ੍ਰਾਮ 'ਤੇ ਅਪਲੋਡ ਕੀਤੀਆਂ ਗਈਆਂ ਸਾਰੀਆਂ ਜਨਤਕ ਫੋਟੋਆਂ ਨੂੰ ਏਆਈ ਨੂੰ ਸਿਖਲਾਈ ਦੇਣ ਲਈ ਵਰਤਿਆ ਹੈ ਪਰ ਮੈਟਾ ਨੇ ਕਦੇ ਵੀ ਇਹ ਸਪੱਸ਼ਟ ਨਹੀਂ ਕੀਤਾ ਕਿ ਜਨਤਕ ਤੋਂ ਇਸਦਾ ਕੀ ਅਰਥ ਹੈ। ਸਵਾਲ ਇਹ ਵੀ ਉੱਠਦਾ ਹੈ ਕਿ ਮੈਟਾ ਕਿਸਨੂੰ ਬਾਲਗ ਮੰਨ ਰਿਹਾ ਹੈ? ਜੇਕਰ ਕੋਈ 2007 ਵਿਚ 13 ਸਾਲ ਦਾ ਸੀ ਅਤੇ ਹੁਣ ਉਸਦਾ ਡੇਟਾ ਏਆਈ ਸਿਖਲਾਈ ਵਿਚ ਵਰਤਿਆ ਜਾ ਰਿਹਾ ਹੈ, ਤਾਂ ਕੀ ਇਹ ਸਹੀ ਹੈ?

ਇਸ ਦੌਰਾਨ ਚੰਗੀ ਖ਼ਬਰ ਇਹ ਹੈ ਕਿ ਤੁਸੀਂ ਫੇਸਬੁੱਕ ਦੀਆਂ ਸੈਟਿੰਗਾਂ ਵਿਚ ਇਸ ਕਲਾਉਡ ਪ੍ਰੋਸੈਸਿੰਗ ਫੀਚਰ ਨੂੰ ਬੰਦ ਕਰ ਸਕਦੇ ਹੋ। ਮੈਟਾ ਦਾ ਕਹਿਣਾ ਹੈ ਕਿ ਜੇਕਰ ਕੋਈ ਯੂਜ਼ਰ ਇਸ ਆਪਸ਼ਨ ਨੂੰ ਬੰਦ ਕਰ ਦਿੰਦਾ ਹੈ, ਤਾਂ ਇਹ 30 ਦਿਨਾਂ ਦੇ ਅੰਦਰ ਕਲਾਉਡ ਤੋਂ ਸਾਰੀਆਂ ਅਣਸ਼ੇਅਰ ਕੀਤੀਆਂ ਫੋਟੋਆਂ ਨੂੰ ਹਟਾ ਦੇਵੇਗਾ ਪਰ ਅਸਲ ਚਿੰਤਾ ਇਹ ਹੈ ਕਿ ਇਸ ਫੀਚਰ ਨੂੰ ਇਕ ਮਦਦਗਾਰ ਸਾਧਨ ਵਜੋਂ ਪੇਸ਼ ਕੀਤਾ ਜਾ ਰਿਹਾ ਹੈ, ਜਦੋਂ ਕਿ ਅਸਲ ਵਿਚ ਇਹ ਚੁੱਪਚਾਪ ਤੁਹਾਡੀ ਪ੍ਰਾਇਵੇਸੀ ਦੀਆਂ ਹੱਦਾਂ ਨੂੰ ਪਾਰ ਕਰ ਰਿਹਾ ਹੈ।

ਯੂਜ਼ਰਸ ਲਈ ਖਤਰਾ!
 
ਅੱਜ ਏਆਈ ਹਰ ਚੀਜ਼ ਵਿਚ ਘੁਸਪੈਠ ਕਰ ਰਿਹਾ ਹੈ, ਚੈਟਿੰਗ, ਖਰੀਦਦਾਰੀ, ਫੋਟੋਗ੍ਰਾਫੀ ਅਤੇ ਹੁਣ ਤੁਹਾਡੀ ਗੈਲਰੀ ਵਿਚ ਵੀ। ਕੰਪਨੀਆਂ ਹੁਣ ਯੂਜ਼ਰਸ ਤੋਂ ਵੱਧ ਤੋਂ ਵੱਧ ਡੇਟਾ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ ਤਾਂ ਜੋ ਉਨ੍ਹਾਂ ਦੇ ਏਆਈ ਸਿਸਟਮ ਸਮਾਰਟ ਬਣ ਸਕਣ। ਮੈਟਾ ਦਾ ਇਹ ਨਵਾਂ ਕਦਮ ਇਹ ਸਵਾਲ ਉਠਾਉਂਦਾ ਹੈ ਕਿ ਕੀ ਅਸੀਂ ਸੱਚਮੁੱਚ ਆਪਣੀ ਪ੍ਰਾਇਵੇਸੀ ਨੂੰ ਸਮਝਦੇ ਹਾਂ? ਕੀ ਇੱਕ ਸਧਾਰਨ ਦਿਖਾਈ ਦੇਣ ਵਾਲਾ ਫੀਚਰ ਸਾਡੀ ਪ੍ਰਾਇਵੇਸੀ ਨੂੰ ਵਿਗਾੜ ਸਕਦੀ ਹੈ? ਇਸਦੇ ਲਈ, ਫੇਸਬੁੱਕ ਸੈਟਿੰਗਾਂ ਵਿਚ ਜਾਓ ਅਤੇ ਕਲਾਉਡ ਪ੍ਰੋਸੈਸਿੰਗ ਜਾਂ ਕੈਮਰਾ ਰੋਲ ਐਕਸੈਸ ਵਰਗੇ ਵਿਕਲਪਾਂ ਦੀ ਜਾਂਚ ਕਰੋ। ਜੇਕਰ ਤੁਹਾਨੂੰ ਇਹ ਫੀਚਰ ਚਾਲੂ ਮਿਲਦਾ ਹੈ, ਤਾਂ ਇਸਨੂੰ ਤੁਰੰਤ ਬੰਦ ਕਰ ਦਿਓ।