CCTV ਖਰੀਦਣ ਜਾ ਰਹੇ ਹੋ ਤਾਂ ਨਾ ਕਰੋ ਇਹ 5 ਗਲਤੀਆਂ, ਹਮੇਸ਼ਾ ਫਾਇਦੇ ''ਚ ਰਹੋਗੇ
Friday, Sep 06, 2024 - 11:29 PM (IST)
ਗੈਜੇਟ ਡੈਸਕ- ਸੀਸੀਟੀਵੀ ਕੈਮਰੇ ਹੁਣ ਸਾਡੇ ਘਰਾਂ ਲਈ ਇਕ ਲੋੜ ਬਣ ਗਏ ਹਨ। ਖਾਸ ਕਰਕੇ ਉਨ੍ਹਾਂ ਲੋਕਾਂ ਲਈ ਜੋ ਇਕੱਲੇ ਰਹਿੰਦੇ ਹਨ ਜਾਂ ਜਿਨ੍ਹਾਂ ਦੇ ਰਿਸ਼ਤੇਦਾਰ ਘਰ ਵਿਚ ਰਹਿੰਦੇ ਹਨ ਅਤੇ ਉਹ ਘਰ ਤੋਂ ਦੂਰ ਰਹਿੰਦੇ ਹਨ। ਸੀਸੀਟੀਵੀ ਉਪਭੋਗਤਾਵਾਂ ਨੂੰ ਦੂਰੋਂ ਆਪਣੇ ਘਰ ਦੀ ਨਿਗਰਾਨੀ ਕਰਨ ਦੀ ਆਗਿਆ ਦਿੰਦਾ ਹੈ। ਮਾਰਕੀਟ ਵਿਚ ਸੀਸੀਟੀਵੀ ਕੈਮਰਿਆਂ ਦੇ ਬਹੁਤ ਸਾਰੇ ਬ੍ਰਾਂਡ ਉਪਲੱਬਧ ਹਨ ਅਤੇ ਇਨ੍ਹਾਂ ਕੈਮਰਿਆਂ ਵਿਚ ਵੱਖ-ਵੱਖ ਤਰ੍ਹਾਂ ਦੀਆਂ ਵਿਸ਼ੇਸ਼ਤਾਵਾਂ ਵੀ ਹਨ। ਜੇਕਰ ਤੁਸੀਂ ਆਪਣੇ ਘਰ 'ਚ ਸੀਸੀਟੀਵੀ ਕੈਮਰੇ ਲਗਾਉਣ ਬਾਰੇ ਸੋਚ ਰਹੇ ਹੋ ਤਾਂ ਖਰੀਦਣ ਤੋਂ ਪਹਿਲਾਂ ਇਨ੍ਹਾਂ 5 ਗੱਲਾਂ 'ਤੇ ਜ਼ਰੂਰ ਧਿਆਨ ਦਿਓ।
1. ਕੈਮਰੇ ਦੀ ਕਿਸਮ- ਜੇਕਰ ਤੁਸੀਂ ਇਨਡੋਰ ਲਈ ਕੈਮਰਾ ਖਰੀਦ ਰਹੇ ਹੋ ਤਾਂ ਤੁਹਾਨੂੰ ਡੋਮ ਕੈਮਰਾ ਖਰੀਦਣਾ ਚਾਹੀਦਾ ਹੈ। ਬੁਲੇਟ ਕੈਮ ਆਊਟਡੋਰ ਲਈ ਬਹੁਤ ਵਧੀਆ ਹੈ। ਜੇ ਵੱਡੀਆਂ ਥਾਵਾਂ ਲਈ ਕੈਮਰੇ ਖਰੀਦ ਰਹੇ ਹੋ ਅਤੇ ਹੋਰ ਖੇਤਰਾਂ ਨੂੰ ਕਵਰ ਕਰਨ ਲਈ, ਪੈਨ-ਟਿਲਟ-ਜ਼ੂਮ (PTZ) ਕੈਮਰੇ ਖਰੀਦੋ ਕਿਉਂਕਿ ਉਹ ਘੁੰਮ ਸਕਦੇ ਹਨ ਅਤੇ ਜ਼ੂਮ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਜੇਕਰ ਤੁਸੀਂ ਕਿਤੇ ਵੀ ਕੈਮਰੇ ਦੀ ਲਾਈਵ ਫੀਡ ਦੇਖਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਇੱਕ IP ਕੈਮਰਾ ਲੈਣਾ ਚਾਹੀਦਾ ਹੈ। ਇਸ ਵਿੱਚ ਇੰਟਰਨੈਟ ਕਨੈਕਟੀਵਿਟੀ ਹੈ ਜਿਸ ਰਾਹੀਂ ਤੁਸੀਂ ਐਪ 'ਤੇ ਲਾਈਵ ਫੀਡ ਦੇਖ ਸਕੋਗੇ।
2. ਲੋੜ ਅਤੇ ਸਥਾਨ- ਸਭ ਤੋਂ ਪਹਿਲਾਂ ਫੈਸਲਾ ਕਰੋ ਕਿ ਤੁਸੀਂ ਕੈਮਰਾ ਕਿੱਥੇ ਲਗਾਉਣਾ ਚਾਹੁੰਦੇ ਹੋ। ਜਿਵੇਂ ਘਰ, ਦਫ਼ਤਰ, ਦੁਕਾਨ, ਪਾਰਕਿੰਗ ਆਦਿ।
3. ਰੈਜ਼ੋਲਿਊਸ਼ਨ- ਆਪਣੀ ਲੋੜ ਮੁਤਾਬਕ ਕੈਮਰੇ ਦਾ ਰੈਜ਼ੋਲਿਊਸ਼ਨ ਵੀ ਚੈੱਕ ਕਰੋ ਕਿ ਤੁਹਾਨੂੰ 720p, 1080p ਜਾਂ 4K ਕਿਹੜਾ ਕੈਮਰਾ ਚਾਹੀਦਾ ਹੈ।
4. ਸਟੋਰੇਜ ਆਪਸ਼ਨ- ਪਹਿਲਾਂ ਹੀ ਸਥਾਨਕ ਸਟੋਰੇਜ (SD ਕਾਰਡ, DVR) ਜਾਂ ਕਲਾਉਡ ਸਟੋਰੇਜ ਦੀ ਜਾਂਚ ਕਰੋ। ਕਲਾਉਡ ਸਟੋਰੇਜ ਮਹਿੰਗਾ ਹੋ ਸਕਦਾ ਹੈ ਪਰ ਇਸ ਨੂੰ ਕਿਤੇ ਵੀ ਐਕਸੈਸ ਕੀਤਾ ਜਾ ਸਕਦਾ ਹੈ।
5. ਨਾਈਟ ਵਿਜ਼ਨ ਅਤੇ ਮੋਸ਼ਨ ਡਿਟੈਕਸ਼ਨ- ਜੇਕਰ ਰਾਤ ਨੂੰ ਵੀ ਨਿਗਰਾਨੀ ਦੀ ਲੋੜ ਹੁੰਦੀ ਹੈ, ਤਾਂ ਨਾਈਟ ਵਿਜ਼ਨ ਫੀਚਰ ਵਾਲੇ ਕੈਮਰੇ ਚੁਣੋ। ਇਸ ਦਾ ਫਾਇਦਾ ਇਹ ਹੈ ਕਿ ਤੁਹਾਨੂੰ ਕਿਸੇ ਵੀ ਗਤੀਵਿਧੀ ਦੀ ਤੁਰੰਤ ਜਾਣਕਾਰੀ ਮਿਲ ਜਾਂਦੀ ਹੈ।
