ਖ਼ੁਸ਼ਖ਼ਬਰੀ! ਇਕ ਲੱਖ ਨਵੇਂ ਟਾਵਰ ਲਾਏਗਾ BSNL, 5G ਦੇ ਨਾਂ ਲਈ ਮੰਗੇ ਸੁਝਾਅ

ਗੈਜੇਟ ਡੈਸਕ- ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਇਸ ਮਹੀਨੇ ਆਪਣੇ ਪਹਿਲੇ ਪੜਾਅ ਵਿੱਚ 1 ਲੱਖ 4ਜੀ ਮੋਬਾਈਲ ਟਾਵਰ ਲਗਾਉਣ ਦਾ ਕੰਮ ਪੂਰਾ ਕਰੇਗਾ। ਪੂਰੀ ਤਰ੍ਹਾਂ ਸਵਦੇਸ਼ੀ ਤਕਨਾਲੋਜੀ 'ਤੇ ਆਧਾਰਿਤ 1 ਲੱਖ ਮੋਬਾਈਲ ਟਾਵਰਾਂ ਵਿੱਚੋਂ, ਪਿਛਲੇ ਮਹੀਨੇ ਤੱਕ 93 ਹਜ਼ਾਰ ਤੋਂ ਵੱਧ ਟਾਵਰ ਲਗਾਏ ਜਾ ਚੁੱਕੇ ਸਨ। ਬਾਕੀ 7 ਹਜ਼ਾਰ ਮੋਬਾਈਲ ਟਾਵਰ ਲਗਾਉਣ ਦਾ ਕੰਮ ਇਸ ਮਹੀਨੇ ਪੂਰਾ ਹੋ ਗਿਆ ਹੈ। ਕੇਂਦਰੀ ਸੰਚਾਰ ਮੰਤਰੀ ਜੋਤੀਰਾਦਿੱਤਿਆ ਸਿੰਧੀਆ ਨੇ ਦੱਸਿਆ ਸੀ ਕਿ ਬਿਹਤਰ ਕਨੈਕਟੀਵਿਟੀ ਲਈ ਹੋਰ ਨਵੇਂ ਟਾਵਰ ਲਗਾਏ ਜਾਣਗੇ।

ਕੇਂਦਰੀ ਸੰਚਾਰ ਰਾਜ ਮੰਤਰੀ ਚੰਦਰਸ਼ੇਖਰ ਪੇਮਾਸਾਨੀ ਨੇ ਹਾਲ ਹੀ ਵਿੱਚ ਕਿਹਾ ਸੀ ਕਿ BSNL ਆਪਣੀ ਕਨੈਕਟੀਵਿਟੀ ਨੂੰ ਬਿਹਤਰ ਬਣਾਉਣ ਲਈ ਦੂਜੇ ਪੜਾਅ ਵਿੱਚ 1 ਲੱਖ ਹੋਰ ਨਵੇਂ 4G ਮੋਬਾਈਲ ਟਾਵਰ ਲਗਾਏਗਾ। ਵਰਤਮਾਨ ਵਿੱਚ, ਦੂਰਸੰਚਾਰ ਵਿਭਾਗ (DoT) BSNL ਦੀ 4G ਸੇਵਾ ਦੇ ਅਗਲੇ ਪੜਾਅ ਨੂੰ ਸ਼ੁਰੂ ਕਰਨ ਲਈ ਕੇਂਦਰੀ ਕੈਬਨਿਟ ਤੋਂ ਪ੍ਰਵਾਨਗੀ ਦੀ ਉਡੀਕ ਕਰ ਰਿਹਾ ਹੈ।

ਚੰਦਰਸ਼ੇਖਰ ਪੇਮਾਸਾਨੀ ਨੇ ਕਿਹਾ ਕਿ 1 ਲੱਖ ਮੋਬਾਈਲ ਟਾਵਰ ਲਗਾਉਣ ਦਾ ਕੰਮ ਸਫਲਤਾਪੂਰਵਕ ਪੂਰਾ ਹੋ ਗਿਆ ਹੈ। ਅਸੀਂ 1 ਲੱਖ ਹੋਰ ਨਵੇਂ 4G/5G ਮੋਬਾਈਲ ਟਾਵਰ ਲਗਾਉਣ ਲਈ ਪ੍ਰਧਾਨ ਮੰਤਰੀ ਮੋਦੀ ਦੀ ਅਗਵਾਈ ਵਾਲੀ ਕੇਂਦਰੀ ਕੈਬਨਿਟ ਤੋਂ ਪ੍ਰਵਾਨਗੀ ਦੀ ਉਡੀਕ ਕਰ ਰਹੇ ਹਾਂ। 1 ਲੱਖ ਹੋਰ ਨਵੇਂ ਮੋਬਾਈਲ ਟਾਵਰ ਲਗਾਉਣ ਤੋਂ ਬਾਅਦ, ਟੈਲੀਕਾਮ ਕੰਪਨੀ ਦੇ 4G ਮੋਬਾਈਲ ਟਾਵਰਾਂ ਦੀ ਗਿਣਤੀ ਵਧੇਗੀ, ਜਿਸ ਕਾਰਨ ਕਰੋੜਾਂ ਉਪਭੋਗਤਾਵਾਂ ਨੂੰ ਬਿਹਤਰ ਕਨੈਕਟੀਵਿਟੀ ਮਿਲੇਗੀ। BSNL ਨੇ ਕਿਹਾ ਹੈ ਕਿ ਉਹ ਹੋਰ 4G ਅਤੇ 5G ਉਪਕਰਣ ਵੀ ਸਥਾਪਿਤ ਕਰੇਗਾ।

BSNL ਦੀ 5G ਸਰਵਿਸ ਦਾ ਨਾਂ ਕੀ ਰੱਖੀਏ? ਜਨਤਾ ਤੋਂ ਮੰਗੇ ਸੁਝਾਅ

BSNL ਨੇ ਆਪਣੀ ਆਉਣ ਵਾਲੇ 5ਜੀ ਸਰਵਿਸ ਦੇ ਨਾਂ ਨੂੰ ਲੈ ਕੇ ਜਨਤਾ ਤੋਂ ਸੁਝਾਅ ਮੰਗੇ ਹਨ। ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ 'ਤੇ ਪੋਸਟ ਕਰਕੇ ਕਿਹਾ ਗਿਆ. 'ਇਤਿਹਾਸ ਬਣਾਓ। BSNL 5G ਦੇ ਭਵਿੱਖ ਨੂੰ ਨਾਂ ਦਿਓ।' ਹੁਣ ਤਕ ਮਿਲੇ ਕੁਝ ਲੋਕਪ੍ਰਸਿੱਧ ਨਾਂ ਸਾਹਮਣੇ ਆਏ ਹਨ ਜਿਨ੍ਹਾਂ 'ਚ BSNL Blitz, ਤੇਜ਼ ਭਾਰਤ, BSNL 5G Storm ਸ਼ਾਮਲ ਹਨ।