Samsung ਦੇ ਇਸ Smartphone ’ਤੇ ਮਿਲ ਰਿਹਾ 25000 ਦਾ ਡਿਸਕਾਊਂਟ!

ਗੈਜੇਟ ਡੈਸਕ - ਹਾਲ ਹੀ ’ਚ ਫਲਿੱਪਕਾਰਟ 'ਤੇ SASA LELE ਸੇਲ ਚੱਲ ਰਹੀ ਹੈ ਤੇ ਇਸ ਡੀਲ  ਦੌਰਾਨ ਕਈ ਸਮਾਰਟਫੋਨਾਂ 'ਤੇ ਆਕਰਸ਼ਕ ਉਪਲਬਧ ਹਨ। ਇਨ੍ਹਾਂ ਸਮਾਰਟਫੋਨ ਡੀਲਾਂ ’ਚੋਂ ਇਕ ਅਜਿਹਾ ਹੈ ਜਿਸ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਜੀ ਹਾਂ ਬਿਲਕੁਲ! ਅਸੀਂ ਗਲੈਕਸੀ S24 FE ਸਮਾਰਟਫੋਨ ਬਾਰੇ ਗੱਲ ਕਰ ਰਹੇ ਹਾਂ, ਜਿਸ ਨੂੰ ਸੈਮਸੰਗ ਨੇ ਪਿਛਲੇ ਸਾਲ ਸਤੰਬਰ ’ਚ ਭਾਰਤ ’ਚ ਲਾਂਚ ਕੀਤਾ ਸੀ। ਹਾਲਾਂਕਿ ਇਹ ਸਮਾਰਟਫੋਨ ਲਗਭਗ 60,000 ਰੁਪਏ ’ਚ ਲਾਂਚ ਕੀਤਾ ਗਿਆ ਸੀ ਪਰ ਗਾਹਕਾਂ ਕੋਲ ਇਸਨੂੰ ਭਾਰੀ ਛੋਟ 'ਤੇ ਖਰੀਦਣ ਦਾ ਮੌਕਾ ਹੈ।

ਮਿਲੀ ਜਾਣਕਾਰੀ ਅਨੁਸਾਰ ਤੁਹਾਨੂੰ ਇਹ ਦੱਸਣਾ ਜ਼ਰੂਰੀ ਹੈ ਕਿ ਇਹ ਡੀਲ 8 ਮਈ ਨੂੰ ਅੱਧੀ ਰਾਤ 12 ਵਜੇ ਖਤਮ ਹੋਵੇਗੀ। ਇਸ ਸੀਮਤ ਸਮੇਂ ’ਚ, ਦਿਲਚਸਪੀ ਰੱਖਣ ਵਾਲੇ ਗਾਹਕਾਂ ਕੋਲ ਇਕ ਵਧੀਆ ਡੀਲ ਪ੍ਰਾਪਤ ਕਰਨ ਦਾ ਮੌਕਾ ਹੈ। ਇਸ ਦੌਰਾਨ ਇਸ ਸਮਾਰਟਫੋਨ ਦੇ ਕੁਝ ਫੀਚਰਜ਼ ਦੀ ਗੱਲ ਕਰੀਏ ਤਾਂ ਇਸ ’ਚ Samsung ਦਾ Exynos 2400e ਪ੍ਰੋਸੈਸਰ ਹੈ ਅਤੇ ਇਹ ਫੋਨ ਇਕ ਪਤਲੇ ਡਿਜ਼ਾਈਨ ਫੈਕਟਰ ’ਚ ਆਉਂਦਾ ਹੈ ਅਤੇ 4,700mAh ਬੈਟਰੀ ਤੋਂ ਪਾਵਰ ਖਿੱਚਦਾ ਹੈ। ਇਸ ’ਚ 50-ਮੈਗਾਪਿਕਸਲ ਦਾ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਹੈ। ਇਹ ਸਰਕਲ ਟੂ ਸਰਚ ਅਤੇ ਲਾਈਵ ਟ੍ਰਾਂਸਲੇਟ ਵਰਗੇ ਗਲੈਕਸੀ AI ਫੀਚਰ ਦਾ ਵੀ ਸਮਰਥਨ ਕਰਦਾ ਹੈ।

ਹਾਲਾਂਕਿ Flipkart SASA LELE ਸੇਲ ’ਚ SBI ਕਾਰਡ ਰਾਹੀਂ ਜ਼ਿਆਦਾਤਰ ਉਤਪਾਦਾਂ ਨੂੰ ਖਰੀਦਣ 'ਤੇ 10% ਵਾਧੂ ਛੋਟ ਦਿੱਤੀ ਜਾ ਰਹੀ ਹੈ ਪਰ ਕਿਉਂਕਿ Samsung Galaxy S24 FE ਇਕ ਵੱਡੀ ਛੋਟ 'ਤੇ ਸੂਚੀਬੱਧ ਹੈ, ਇੱਥੇ ਗਾਹਕ ਕੋਲ Flipkart Axis Bank ਕ੍ਰੈਡਿਟ ਕਾਰਡ ਰਾਹੀਂ ਪੂਰੇ ਸਵਾਈਪ ਟ੍ਰਾਂਜੈਕਸ਼ਨ 'ਤੇ ਸਿਰਫ 5% ਕੈਸ਼ਬੈਕ ਪ੍ਰਾਪਤ ਕਰਨ ਦਾ ਵਿਕਲਪ ਬਚਿਆ ਹੈ। ਧਿਆਨ ’ਚ ਰੱਖੋ ਕਿ ਇਹ ਕੈਸ਼ਬੈਕ EMI 'ਤੇ ਉਪਲਬਧ ਨਹੀਂ ਹੋਵੇਗਾ। ਹਾਲਾਂਕਿ, ਚੋਣਵੇਂ ਬੈਂਕ ਕਾਰਡਾਂ 'ਤੇ ਗਾਹਕਾਂ ਲਈ No Cost EMI ਵਿਕਲਪ ਉਪਲਬਧ ਹਨ।

ਦੱਸ ਦਈਏ ਕਿ ਸੈਮਸੰਗ ਗਲੈਕਸੀ ਦੇ ਇਸ ਸਮਾਰਟਫੋਨ ਨੂੰ ਦੋ ਵੇਰੀਐਂਟ ’ਚ ਲਾਂਚ ਕੀਤਾ ਗਿਆ ਸੀ, ਇਸਦੇ ਬੇਸ 8GB RAM ਅਤੇ 128GB ਸਟੋਰੇਜ ਕੌਂਫਿਗਰੇਸ਼ਨ ਦੀ ਕੀਮਤ 59,999 ਰੁਪਏ ਅਤੇ 8GB RAM ਅਤੇ 256GB ਸਟੋਰੇਜ ਵੇਰੀਐਂਟ ਦੀ ਕੀਮਤ 65,999 ਰੁਪਏ ਹੈ। ਹਾਲਾਂਕਿ, Flipkart SASA LELE ਸੇਲ ਦੌਰਾਨ, ਇਹ ਦੋਵੇਂ ਵੇਰੀਐਂਟ ਕ੍ਰਮਵਾਰ 34,999 ਰੁਪਏ ਅਤੇ 40,999 ਰੁਪਏ ਵਿੱਚ ਸੂਚੀਬੱਧ ਸਨ। ਇਸ ਨਾਲ ਕੁੱਲ 25,000 ਰੁਪਏ ਦੀ ਛੋਟ ਮਿਲਦੀ ਹੈ।

ਸਪੈਸੀਫਿਕੇਸ਼ਨਜ਼

ਇਸ ਸਮਾਰਟਫੋਨ ’ਚ 6.7-ਇੰਚ ਫੁੱਲ HD + ਡਾਇਨਾਮਿਕ AMOLED 2X ਡਿਸਪਲੇਅ ਹੈ ਜਿਸ ਦਾ ਰੈਜ਼ੋਲਿਊਸ਼ਨ 1080 x 2340 ਪਿਕਸਲ ਅਤੇ 120Hz ਰਿਫਰੈਸ਼ ਰੇਟ ਹੈ। ਇਸ ’ਚ ਪਿਛਲੇ ਪਾਸੇ OIS ਸਪੋਰਟ ਵਾਲਾ 50-ਮੈਗਾਪਿਕਸਲ ਦਾ ਪ੍ਰਾਇਮਰੀ ਕੈਮਰਾ, 3x ਆਪਟੀਕਲ ਜ਼ੂਮ ਵਾਲਾ 8-ਮੈਗਾਪਿਕਸਲ ਦਾ ਟੈਲੀਫੋਟੋ ਕੈਮਰਾ ਅਤੇ 12-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਕੈਮਰਾ ਹੈ। ਸੈਲਫੀ ਲਈ 10-ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਹੈ।

Galaxy S24 FE ’ਚ 4700mAh ਬੈਟਰੀ ਹੈ, ਜੋ 25W ਵਾਇਰਡ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। Galaxy S24 FE ਦੇ ਕਨੈਕਟੀਵਿਟੀ ਵਿਕਲਪ ਡਿਊਲ ਸਿਮ 5G, LTE, Wi-Fi 6E, ਬਲੂਟੁੱਥ 5.3 ਅਤੇ USB ਟਾਈਪ C ਪੋਰਟ ਹਨ। Galaxy S24 FE ਫੋਨ IP68 ਰੇਟਿੰਗ ਦੇ ਨਾਲ ਆਉਂਦਾ ਹੈ, ਜੋ ਧੂੜ ਅਤੇ ਛਿੱਟਿਆਂ ਤੋਂ ਸੁਰੱਖਿਆ ਨੂੰ ਯਕੀਨੀ ਬਣਾਉਂਦਾ ਹੈ।