ਸਾਵਧਾਨ! ਫੇਸਬੁੱਕ ''Blue Tick'' ਦੇ ਨਾਮ ''ਤੇ ਹੋ ਰਿਹਾ ਵੱਡਾ ਸਕੈਮ; 30 ਹਜ਼ਾਰ ਤੋਂ ਵੱਧ ਅਕਾਊਂਟ ਹੋਏ ਹੈਕ

ਗੈਜੇਟ ਡੈਸਕ : ਫੇਸਬੁੱਕ 'ਤੇ ਆਪਣੇ ਨਾਮ ਅੱਗੇ ਨੀਲਾ ਨਿਸ਼ਾਨ (Blue Tick) ਲਗਾਉਣ ਦੀ ਚਾਹਤ ਹੁਣ ਯੂਜ਼ਰਸ ਲਈ ਭਾਰੀ ਪੈ ਰਹੀ ਹੈ। ਇੱਕ ਨਵੇਂ ਅਤੇ ਬਹੁਤ ਹੀ ਖ਼ਤਰਨਾਕ ਸਾਈਬਰ ਹਮਲੇ ਰਾਹੀਂ ਹੈਕਸ ਹੁਣ ਤੱਕ 30,000 ਤੋਂ ਵੱਧ ਫੇਸਬੁੱਕ ਅਕਾਊਂਟਸ ਨੂੰ ਆਪਣਾ ਸ਼ਿਕਾਰ ਬਣਾ ਚੁੱਕੇ ਹਨ। ਸੁਰੱਖਿਆ ਮਾਹਿਰਾਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਇਹ ਸਕੈਮ ਇੰਨੇ ਪੇਸ਼ੇਵਰ ਤਰੀਕੇ ਨਾਲ ਚਲਾਇਆ ਜਾ ਰਿਹਾ ਹੈ ਕਿ ਆਮ ਲੋਕ ਆਸਾਨੀ ਨਾਲ ਇਸ ਦੇ ਜਾਲ ਵਿੱਚ ਫਸ ਰਹੇ ਹਨ।

ਕੀ ਹੈ 'ਅਕਾਊਂਟ-ਡੰਪਲਿੰਗ' ਸਕੈਮ? 
ਸਾਈਬਰ ਸੁਰੱਖਿਆ ਕੰਪਨੀ 'ਗਾਰਡ ਡੌਟ ਆਈਓ' (Guard.io) ਦੇ ਖੋਜਕਰਤਾਵਾਂ ਨੇ ਇਸ ਹਮਲੇ ਨੂੰ ਟਰੈਕ ਕੀਤਾ ਹੈ ਅਤੇ ਇਸ ਨੂੰ 'ਅਕਾਊਂਟ-ਡੰਪਲਿੰਗ' ਦਾ ਨਾਮ ਦਿੱਤਾ ਹੈ। ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਇਸ ਪਿੱਛੇ ਵੀਅਤਨਾਮ ਦਾ ਇੱਕ ਸੰਗਠਿਤ ਗਰੁੱਪ ਹੋ ਸਕਦਾ ਹੈ, ਜੋ ਹੈਕ ਕੀਤੇ ਗਏ ਅਕਾਊਂਟਸ ਨੂੰ ਡਿਜੀਟਲ ਬਲੈਕ ਮਾਰਕੀਟ ਵਿੱਚ ਵੇਚ ਦਿੰਦਾ ਹੈ। ਹੈਕਰ ਖਾਸ ਤੌਰ 'ਤੇ ਬਿਜ਼ਨਸ ਮਾਲਕਾਂ, ਇੰਫਲੂਐਂਸਰਾਂ ਅਤੇ ਇਸ਼ਤਿਹਾਰ ਦੇਣ ਵਾਲੇ ਹਾਈ-ਵੈਲਿਊ ਅਕਾਊਂਟਸ ਨੂੰ ਨਿਸ਼ਾਨਾ ਬਣਾ ਰਹੇ ਹਨ।

ਹੈਕਰਾਂ ਦੇ ਚਲਾਕ ਤਰੀਕੇ
1.ਗੂਗਲ ਐਪਸ਼ੀਟ ਦੀ ਦੁਰਵਰਤੋਂ: ਹੈਕਰ ਗੂਗਲ ਐਪਸ਼ੀਟ ਵਰਗੇ ਭਰੋਸੇਮੰਦ ਟੂਲਸ ਰਾਹੀਂ ਫਿਸ਼ਿੰਗ ਈ-ਮੇਲ ਭੇਜਦੇ ਹਨ। ਕਿਉਂਕਿ ਇਹ ਮੇਲ ਇੱਕ ਭਰੋਸੇਯੋਗ ਗੂਗਲ ਸਰਵਿਸ ਤੋਂ ਆਉਂਦੇ ਹਨ, ਇਸ ਲਈ ਸਪੈਮ ਫਿਲਟਰ ਵੀ ਇਨ੍ਹਾਂ ਨੂੰ ਨਹੀਂ ਫੜ ਪਾਉਂਦੇ।
2.ਡਰ ਅਤੇ ਲਾਲਚ: ਹੈਕਰ ਦੋ ਤਰ੍ਹਾਂ ਦੀਆਂ ਚਾਲਾਂ ਚੱਲਦੇ ਹਨ ਜਾਂ ਤਾਂ ਉਹ ਯੂਜ਼ਰ ਨੂੰ ਡਰਾਉਂਦੇ ਹਨ ਕਿ ਉਨ੍ਹਾਂ ਦਾ ਅਕਾਊਂਟ ਡਿਲੀਟ ਹੋਣ ਵਾਲਾ ਹੈ, ਜਾਂ ਫਿਰ ਮੁਫ਼ਤ ਬਲੂ ਟਿੱਕ ਦਾ ਲਾਲਚ ਦਿੰਦੇ ਹਨ ਤਾਂ ਜੋ ਤੁਹਾਨੂੰ ਸਬਸਕ੍ਰਿਪਸ਼ਨ ਦੇ ਪੈਸੇ ਨਾ ਦੇਣੇ ਪੈਣ।
3.ਡਾਟਾ ਚੋਰੀ: ਜਦੋਂ ਕੋਈ ਯੂਜ਼ਰ ਦਿੱਤੇ ਗਏ ਲਿੰਕ 'ਤੇ ਕਲਿੱਕ ਕਰਦਾ ਹੈ, ਤਾਂ ਉਸ ਨੂੰ ਲਾਗ-ਇਨ ਕਰਨ ਜਾਂ ਕੈਪਚਾ ਹੱਲ ਕਰਨ ਲਈ ਕਿਹਾ ਜਾਂਦਾ ਹੈ। ਇਸ ਪ੍ਰਕਿਰਿਆ ਦੌਰਾਨ ਯੂਜ਼ਰ ਆਪਣੀ ਲਾਗ-ਇਨ ਡਿਟੇਲ ਅਤੇ ਟੂ-ਫੈਕਟਰ ਅਥੈਂਟੀਕੇਸ਼ਨ ਕੋਡ ਤੱਕ ਹੈਕਰਾਂ ਨਾਲ ਸਾਂਝਾ ਕਰ ਦਿੰਦੇ ਹਨ, ਜਿਸ ਨਾਲ ਅਕਾਊਂਟ ਦਾ ਪੂਰਾ ਕੰਟਰੋਲ ਹੈਕਰਾਂ ਕੋਲ ਚਲਾ ਜਾਂਦਾ ਹੈ।
    
ਬਚਾਅ ਲਈ ਅਪਣਾਓ ਇਹ ਸਾਵਧਾਨੀਆਂ:
•ਕਿਸੇ ਵੀ ਅਣਜਾਣ ਲਿੰਕ 'ਤੇ ਕਲਿੱਕ ਨਾ ਕਰੋ, ਖਾਸ ਕਰਕੇ ਜੇਕਰ ਉਹ ਵੈਰੀਫਿਕੇਸ਼ਨ ਦਾ ਦਾਅਵਾ ਕਰਦਾ ਹੋਵੇ।
•ਹਮੇਸ਼ਾ ਫੇਸਬੁੱਕ ਦੇ ਅਧਿਕਾਰਤ ਚੈਨਲਾਂ ਰਾਹੀਂ ਹੀ ਜਾਣਕਾਰੀ ਦੀ ਪੁਸ਼ਟੀ ਕਰੋ।
•ਕਦੇ ਵੀ ਕਿਸੇ ਅਣਜਾਣ ਵੈੱਬਸਾਈਟ 'ਤੇ ਆਪਣੀ ਲੌਗ-ਇਨ ਜਾਣਕਾਰੀ ਸਾਂਝੀ ਨਾ ਕਰੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e