‘ਦਿ ਗ੍ਰੇਟ ਗ੍ਰੈਂਡ ਸੁਪਰਹੀਰੋ’ ਦਾ ਪ੍ਰੀਮੀਅਰ 21 ਨੂੰ

ਐਂਟਰਟੇਨਮੈਂਟ ਡੈਸਕ - ਕਿਡਜ਼ ਜ਼ੈੱਡ ਦਰਸ਼ਕਾਂ ਲਈ ਇਕ ਅਜਿਹੀ ਕਹਾਣੀ ਲੈ ਕੇ ਆ ਰਿਹਾ ਹੈ, ਜੋ ਆਸ, ਕਲਪਨਾ ਤੇ ਮਨੁੱਖੀ ਜੁੜਾਅ ਦੀ ਤਾਕਤ ਦੀ ਯਾਦ ਦਿਵਾਉਂਦੀ ਹੈ। 21 ਅਗਸਤ ਤੋਂ ਵਿਸ਼ੇਸ਼ ਤੌਰ ’ਤੇ ਜ਼ੀ5 ’ਤੇ ਕਿਡਜ਼ ’ਤੇ ਪ੍ਰੀਮੀਅਰ ਹੋਣ ਵਾਲੀ ‘ਦਿ ਗ੍ਰੇਟ ਗ੍ਰੈਂਡ ਸੁਪਰਹੀਰੋ’ ਇਕ ਦਿਲ ਛੂਹ ਲੈਣ ਵਾਲੀ ਪਾਰਿਵਾਰਕ ਮਨੋਰੰਜਕ ਫ਼ਿਲਮ ਹੈ, ਜੋ ਬਚਪਨ ਦੀ ਮਾਸੂਮੀਅਤ ਤੇ ਜਾਦੂ, ਦਾਦਾ-ਦਾਦੀ/ਨਾਨਾ-ਨਾਨੀ ਤੇ ਪੋਤੇ-ਪੋਤੀਆਂ/ਦੋਹਤੇ-ਦੋਹਤੀਆਂ ਦੇ ਅਨਮੋਲ ਰਿਸ਼ਤੇ ਤੇ ਅਸੰਭਵ ਚੀਜ਼ਾਂ ’ਤੇ ਯਕੀਨ ਕਰਨ ਦੇ ਜ਼ਬਰਦਸਤ ਅਸਰ ਦਾ ਜਸ਼ਨ ਮਨਾਉਂਦੀ ਹੈ।

ਮਨੀਸ਼ ਸੈਣੀ ਦੁਆਰਾ ਨਿਰਦੇਸ਼ਿਤ ਤੇ ਜੈਕੀ ਸ਼ਰਾਫ਼ ਦੇ ਬੇਹੱਦ ਪਿਆਰੇ ਤੇ ਦਿਲ ਛੂਹ ਲੈਣ ਵਾਲੇ ਅਭਿਨੈ ਨਾਲ ਸਜੀ ਇਹ ਫ਼ਿਲਮ ਇਕ ਅਜਿਹੇ ਹੀਰੋ ਦੀ ਕਹਾਣੀ ਹੈ, ਜੋ ਸਭ ਤੋਂ ਵੱਖਰਾ ਹੈ। ਕੁਝ ਸੁਪਰਹੀਰੋ ਕੈਪ ਪਹਿਨਦੇ ਹਨ ਤੇ ਕਈਆਂ ਕੋਲ ਅਨੋਖੀਆਂ ਸ਼ਕਤੀਆਂ ਹੁੰਦੀਆਂ ਹਨ। ਫਿਰ ਕੁਝ ਅਜਿਹੇ ਹੁੰਦੇ ਹਨ, ਜਿਨ੍ਹਾਂ ਦੀ ਸਭ ਤੋਂ ਵੱਡੀ ਤਾਕਤ ਦੂਜਿਆਂ ਨੂੰ ਵੱਡੇ ਸੁਪਨੇ ਦੇਖਣ ਅਤੇ ਰੋਜ਼ਾਨਾ ਦੀ ਜ਼ਿੰਦਗੀ ’ਚ ਜਾਦੂ ਦੇਖਣ ਲਈ ਪ੍ਰੇਰਿਤ ਕਰਨਾ ਹੁੰਦਾ ਹੈ। ਹਾਸਾ-ਠੱਠਾ, ਫ਼ੈਂਟਸੀ, ਰੋਮਾਂਚ ਤੇ ਦਿਲ ਛੂਹਣ ਵਾਲੇ ਜਜ਼ਬਾਤਾਂ ਨਾਲ ਭਰਪੂਰ ‘ਦਿ ਗ੍ਰੇਟ ਗ੍ਰੈਂਡ ਸੁਪਰਹੀਰੋ’ ਹਰ ਉਮਰ ਦੇ ਦਰਸ਼ਕਾਂ ਲਈ ਇਕ ਮਨੋਰੰਜਕ ਤੇ ਖ਼ੁਸ਼ੀਆਂ ਭਰਿਆ ਅਨੁਭਵ ਦੇਣ ਦਾ ਵਾਅਦਾ ਕਰਦੀ ਹੈ।