''ਮੈਕਸ, ਮਿਨ ਐਂਡ ਮਿਓਜ਼ਕੀ'' ਦਾ ਟੀਜ਼ਰ ਰਿਲੀਜ਼

ਮੁੰਬਈ (ਏਜੰਸੀ)- ਪਰਿਵਾਰਕ ਡਰਾਮਾ ਫਿਲਮ 'ਮੈਕਸ, ਮਿਨ ਐਂਡ ਮਿਓਜ਼ਕੀ' ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਅਦਾਕਾਰਾ, ਨਿਰਦੇਸ਼ਕ ਅਤੇ ਲੇਖਿਕਾ ਸਮੀਕਸ਼ਾ ਓਸਵਾਲ, ਉੱਦਮੀ ਅਤੇ ਗਾਇਕ ਸ਼ੇਲ ਓਸਵਾਲ ਇਸ ਫਿਲਮ ਦੇ ਨਿਰਮਾਤਾ ਅਤੇ ਪੇਸ਼ਕਾਰ ਹਨ। ਸ਼ੇਲ ਓਸਵਾਲ ਨੇ ਫਿਲਮ ਨੂੰ ਆਪਣੀ ਆਵਾਜ਼ ਵੀ ਦਿੱਤੀ ਹੈ। ਨਿਰਮਾਤਾਵਾਂ ਦਾ ਕਹਿਣਾ ਹੈ ਕਿ ਇਹ ਫਿਲਮ ਆਧੁਨਿਕ ਜੀਵਨ ਵਿੱਚ ਬਦਲਦੇ ਪਰਿਵਾਰਕ ਰਿਸ਼ਤਿਆਂ, ਉਮੀਦ ਅਤੇ ਪਿਆਰ ਦੀ ਸੁੰਦਰਤਾ ਨੂੰ ਸੰਵੇਦਨਸ਼ੀਲਤਾ ਨਾਲ ਪੇਸ਼ ਕਰਦੀ ਹੈ। ਹਾਲ ਹੀ ਵਿੱਚ ਜਾਰੀ ਕੀਤਾ ਗਿਆ ਟੀਜ਼ਰ ਪਰਿਵਾਰ ਅਤੇ ਰਿਸ਼ਤਿਆਂ ਦੀਆਂ ਜਟਿਲਤਾਵਾਂ, ਅਤੇ 'ਮਿਓਜ਼ਕੀ' ਨਾਮ ਦੀ ਇੱਕ ਬਿੱਲੀ ਦੀ ਮੁੱਖ ਭੂਮਿਕਾ ਦੀ ਝਲਕ ਪੇਸ਼ ਕਰਦਾ ਹੈ। ਮੰਨਿਆ ਜਾ ਰਿਹਾ ਹੈ ਇਕ ਇਸ ਬਿੱਲੀ ਦਾ ਨਾਂ ਮਸ਼ਹੂਰ ਜਾਪਾਨੀ ਫਿਲਮ ਨਿਰਮਾਤਾ ਹਯਾਓ ਮਿਓਜ਼ਕੀ ਤੋਂ ਪ੍ਰੇਰਿਤ ਹੈ।

ਫਿਲਮ ਵਿੱਚ ਮੇਧਾ ਸ਼ੰਕਰ, ਸਿਧਾਰਥ ਮੈਨਨ, ਵਿਧਾਤਰੀ ਬੰਦੀ, ਆਦਿਲ ਹੁਸੈਨ, ਮੰਦਿਰਾ ਬੇਦੀ, ਨਾਸਿਰ ਅਤੇ ਨਫੀਸਾ ਅਲੀ ਹਨ। ਫਿਲਮ ਵਿੱਚ, ਮਿਓਜ਼ਕੀ ਸਿਰਫ਼ ਇੱਕ ਪਾਲਤੂ ਬਿੱਲੀ ਨਹੀਂ, ਸਗੋਂ ਆਪਣੇਪਣ ਅਤੇ ਮਨੁੱਖਤਾ ਦਾ ਪ੍ਰਤੀਕ ਬਣ ਕੇ ਉਭਰਦੀ ਹੈ। ਇਹ ਫਿਲਮ ਪਦਮਕੁਮਾਰ ਨਰਸਿਮਹਾਮੂਰਤੀ ਦੁਆਰਾ ਲਿਖੀ ਅਤੇ ਨਿਰਦੇਸ਼ਿਤ ਕੀਤੀ ਗਈ ਹੈ। ਇਹ ਫਿਲਮ 24 ਜੁਲਾਈ ਨੂੰ ਦੇਸ਼ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।