Uttarakhand: ਸੁਪਰਸਟਾਰ ਰਜਨੀਕਾਂਤ ਪਹੁੰਚੇ ਬਦਰੀਨਾਥ ਧਾਮ
06/01/2024 11:45:37 AM
ਮੁੰਬਈ(ਬਿਊਰੋ)- ਦੱਖਣ ਦੇ ਸੁਪਰਸਟਾਰ ਰਜਨੀਕਾਂਤ ਸ਼ੁੱਕਰਵਾਰ ਬਦਰੀਨਾਥ ਧਾਮ ਪੁੱਜੇ। ਉਨ੍ਹਾਂ ਭਗਵਾਨ ਬਦਰੀ ਵਿਸ਼ਾਲ ਦੀ ਵਿਸ਼ੇਸ਼ ਪੂਜਾ ਕੀਤੀ। ਕੇਦਾਰਨਾਥ ਮੰਦਰ ਕਮੇਟੀ ਵਲੋਂ ਰਜਨੀਕਾਂਤ ਨੂੰ ਬਦਰੀਨਾਥ ਧਾਮ ਦਾ ਵਿਸ਼ੇਸ਼ ਪ੍ਰਸ਼ਾਦ ਦਿੱਤਾ ਗਿਆ।
ਇਸ ਤੋਂ ਬਾਅਦ ਉਹ ਸ਼ੰਕਰਾਚਾਰੀਆ ਅਵਿਮੁਕਤੇਸ਼ਵਰਾਨੰਦ ਸਰਸਵਤੀ ਦੇ ਮੱਠ ਪਹੁੰਚੇ, ਜਿੱਥੇ ਮੱਠ ਦੇ ਪ੍ਰਬੰਧਕ ਮੁਕੁੰਦਨੰਦ ਸਰਸਵਤੀ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਰਜਨੀਕਾਂਤ ਨੇ ਧਾਮ ’ਚ ਕੁਝ ਸਮਾਂ ਮੈਡੀਟੇਸ਼ਨ ਵੀ ਕੀਤੀ।
ਅਦਾਕਾਰ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਹਾਲ ਹੀ 'ਚ ਅਮਿਤਾਭ ਬੱਚਨ, ਫਹਾਦ ਫਾਜ਼ਿਲ ਅਤੇ ਰਾਣਾ ਡੱਗੂਬਾਤੀ ਨਾਲ ਆਪਣੀ ਫ਼ਿਲਮ 'ਵੇਟਾਈਆਂ' ਦੀ ਸ਼ੂਟਿੰਗ ਖਤਮ ਕੀਤੀ ਹੈ। ਇਸ ਤੋਂ ਬਾਅਦ ਉਹ ਲੋਕੇਸ਼ ਕਾਨਾਗਰਾਜ ਦੀ ਫ਼ਿਲਮ 'ਕੁਲੀ' 'ਚ ਗੈਂਗਸਟਰ ਅਵਤਾਰ 'ਚ ਨਜ਼ਰ ਆਉਣਗੇ।