ਸਾਰਾ ਗੁਰਪਾਲ ਦੇ ਬਾਹਰ ਆਉਂਦੇ ਹੀ ਬਦਲੇ ਪਤੀ ਤੁਸ਼ਾਰ ਕੁਮਾਰ ਦੇ ਤੇਵਰ, ਹੁਣ ਆਖ ਰਹੇ ਨੇ ਇਹ ਗੱਲਾਂ
10/15/2020 12:32:22 PM
ਜਲੰਧਰ (ਬਿਊਰੋ) : ਪੰਜਾਬੀ ਗਾਇਕਾ ਤੇ 'ਬਿੱਗ ਬੌਸ 14' ਫੇਮ ਸਾਰਾ ਗੁਰਪਾਲ ਦੇ ਸਾਬਕਾ ਪਤੀ ਤੁਸ਼ਾਰ ਕੁਮਾਰ ਦੇ ਸੁਰ ਹੁਣ ਥੋੜ੍ਹੇ ਬਦਲੇ-ਬਦਲੇ ਨਜ਼ਰ ਆ ਰਹੇ ਹਨ। ਸਾਰਾ ਗੁਰਪਾਲ ਨੇ ਹਾਲ ਹੀ 'ਚ 'ਬਿੱਗ ਬੌਸ 14' 'ਚੋਂ ਬੇਘਰ ਹੋ ਗਈ ਹੈ। ਸਾਰਾ ਜਦੋਂ 'ਬਿੱਗ ਬੌਸ' 'ਚ ਗਈ ਸੀ ਉਦੋਂ ਅਚਾਨਕ ਉਨ੍ਹਾਂ ਦੇ ਪਤੀ ਤੁਸ਼ਾਰ ਕੁਮਾਰ ਸਾਰਿਆਂ ਸਾਹਮਣੇ ਆਏ ਅਤੇ ਉਨ੍ਹਾਂ ਨੇ ਸਾਰਾ ਗੁਰਪਾਲ 'ਤੇ ਦੋਸ਼ ਲਾਏ ਸਨ। ਤੁਸ਼ਾਰ ਕੁਮਾਰ ਦਾ ਕਹਿਣਾ ਸੀ ਕਿ ਸਾਰਾ ਗੁਰਪਾਲ ਆਪਣੇ ਰਿਸ਼ਤੇ ਨੂੰ ਲੈ ਕੇ ਦੁਨੀਆ ਨਾਲ ਝੂਠ ਬੋਲ ਰਹੀ ਹੈ। ਜੇਕਰ ਉਨ੍ਹਾਂ ਨੂੰ 'ਬਿੱਗ ਬੌਸ' ਦੇ ਘਰ 'ਚ ਜਾਣ ਦਾ ਮੌਕਾ ਮਿਲਿਆ ਹੈ ਤਾਂ ਉਹ ਸਾਰਾ ਗੁਰਪਾਲ ਦੀ ਸੱਚਾਈ ਨੂੰ ਸਾਰਿਆਂ ਸਾਹਮਣੇ ਲੈ ਕੇ ਆਵੇ।
ਇਨ੍ਹਾਂ ਹੀ ਨਹੀਂ ਤੁਸ਼ਾਰ ਨੇ ਕਿਹਾ ਸੀ ਕਿ ਸਾਰਾ ਗੁਰਪਾਲ ਨੇ ਉਨ੍ਹਾਂ ਨਾਲ ਵਿਆਹ ਸਿਰਫ਼ ਯੂ. ਐੱਸ. ਦੀ ਸਿਟੀਜ਼ਨਸ਼ੀਪ ਪਾਉਣ ਲਈ ਕੀਤਾ ਸੀ ਪਰ ਸਾਰਾ ਦੇ ਬਾਹਰ ਆਉਣ ਤੋਂ ਬਾਅਦ ਹੁਣ ਤੁਸ਼ਾਰ ਕੁਮਾਰ ਦੇ ਬੋਲ ਥੋੜੇ ਬਦਲ ਗਏ ਹਨ। ਹੁਣ ਤੁਸ਼ਾਰ ਕੁਮਾਰ ਦਾ ਕਹਿਣਾ ਹੈ ਕਿ ਉਹ ਦੋਵੇਂ ਆਪਣੀ ਲਾਈਫ 'ਚ ਮੂਵ ਆਨ ਕਰ ਚੁੱਕੇ ਹਨ। ਹੁਣ ਉਹ ਆਪਣੇ ਕੰਮ 'ਤੇ ਫੋਕਸ ਕਰ ਰਹੇ ਹਨ।
ਬਦਲੇ ਤੁਸ਼ਾਰ ਕੁਮਾਰ ਦੇ ਬੋਲ
ਸਪੋਟਬੁਆਏ ਨੂੰ ਦਿੱਤੇ ਇੰਟਰਵਿਊ 'ਚ ਤੁਸ਼ਾਰ ਕੁਮਾਰ ਨੇ ਕਿਹਾ, 'ਅਸੀਂ ਅੱਗੇ ਵੱਧ ਚੁੱਕੇ ਹਾਂ, ਹੁਣ ਅਸੀਂ ਉਨ੍ਹਾਂ ਸਾਰੀਆਂ ਚੀਜਾਂ ਬਾਰੇ ਨਹੀਂ ਸੋਚਦੇ। ਸਾਡੇ ਲਈ ਹੁਣ ਇਹ ਖ਼ਤਮ ਹੋ ਚੁੱਕਾ ਹੈ। ਹੁਣ ਅਸੀਂ ਦੋਵੇਂ ਆਪਣੇ ਕੰਮ 'ਤੇ ਫੋਕਸ ਕਰਨਾ ਚਾਹੁੰਦੇ ਹਾਂ। ਮੈਂ ਵਾਪਸ ਨਹੀਂ ਜਾਣਾ ਚਾਹੁੰਦਾ।' ਜਦੋਂ ਤੁਸ਼ਾਰ ਤੋਂ ਪੁੱਛਿਆ ਗਿਆ ਕਿ ਦੋਵਾਂ 'ਚ ਕੀ ਗ਼ਲਤ ਹੋਇਆ ਸੀ ਤਾਂ ਉਨ੍ਹਾਂ ਨੇ ਕਿਹਾ 'ਕੁਝ ਵੀ ਗਲਤ ਨਹੀਂ ਹੋਇਆ ਸੀ, ਇਹ ਫ਼ੈਸਲਾ ਅਸੀਂ ਦੋਵਾਂ ਨੇ ਆਪਸੀ ਸਹਿਮਤੀ ਨਾਲ ਲਿਆ ਸੀ ਤੇ ਅਸੀਂ ਆਪਣੇ ਫ਼ੈਸਲੇ ਤੋਂ ਖ਼ੁਸ਼ ਹਾਂ। ਉਹ ਆਪਣੀ ਲਾਈਫ 'ਚ ਚੰਗਾ ਕਰ ਰਹੀ ਹੈ ਤੇ ਇਹੀ ਕਰਨਾ ਚਾਹੀਦਾ ਹੈ। ਫ਼ਿਲਹਾਲ ਸਿਰਫ਼ ਆਪਣੇ ਕੰਮ 'ਤੇ ਫੋਕਸ ਕਰ ਰਿਹਾ ਹਾਂ। ਮੈਂ ਬਸ ਸਭ ਨੂੰ ਇਹੀ ਦੱਸਣਾ ਚਾਹੁੰਦਾ ਹਾਂ ਕਿ ਮੇਰੀ ਗ਼ਲਤੀ ਨਹੀਂ ਹੈ, ਨਹੀਂ ਤਾਂ ਕੋਈ ਵੀ ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਗੱਲ ਨਹੀਂ ਕਰਨਾ ਚਾਹੁੰਦਾ।'
ਸਾਰਾ ਗੁਰਪਾਲ ਨੇ ਦੱਸੀ ਸੱਚਾਈ
ਨਿਊਜ਼ ਏਜੰਸੀ ਆਈ. ਏ. ਐੱਨ. ਐੱਸ. ਨਾਲ ਗੱਲਬਾਤ ਕਰਦੇ ਹੋਏ ਸਾਰਾ ਗੁਰਪਾਲ ਨੇ ਕਿਹਾ ਸੀ, 'ਸਾਨੂੰ ਵੱਖ ਹੋਏ ਲਗਪਗ ਚਾਰ ਤੋਂ ਪੰਜ ਸਾਲ ਹੋਏ ਗਏ ਹਨ। ਮੌਜੂਦਾ ਸਮੇਂ 'ਚ ਇਹ ਇਕ ਹਿੰਸਾਤਮਕ ਰਿਲੇਸ਼ਨਸ਼ਿਪ ਸੀ ਤੇ ਮੈਨੂੰ ਲਗਦਾ ਹੈ ਕਿ ਹਰੇਕ ਕੁੜੀ ਨੂੰ ਮੂਵ ਆਨ ਕਰਨ ਦਾ ਹੱਕ ਹੈ। ਅਜਿਹੀ ਚੀਜ਼ ਜਿਹੜੀ ਠੀਕ ਨਹੀਂ ਹੈ। ਚਾਰ ਸਾਲ ਤਕ ਉਹ ਕਿੱਥੇ ਰਿਹਾ? ਜਿਸ ਸਮੇਂ 'ਬਿੱਗ ਬੌਸ' ਸ਼ੁਰੂ ਹੋਇਆ ਉਨ੍ਹਾਂ ਨੇ ਗੱਲਾਂ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ। ਜੇਕਰ ਉਹ ਮੇਰੀ ਲਈ ਮਹੱਤਵਪੂਰਨ ਹੁੰਦਾ ਤਾਂ ਮੇਰੀ ਲਾਈਫ 'ਚ ਹੁੰਦਾ।'
