''ਰਕਤਾਂਚਲ ਸੀਜ਼ਨ 3'' ਦਾ ਟ੍ਰੇਲਰ ਰਿਲੀਜ਼, ''ਵਿਜੈ ਸਿੰਘ'' ਦੇ ਦਮਦਾਰ ਅੰਦਾਜ਼ ''ਚ ਪਰਤੇ ਕ੍ਰਾਂਤੀ ਪ੍ਰਕਾਸ਼ ਝਾਅ

ਮੁੰਬਈ (ਏਜੰਸੀ)- ਅਦਾਕਾਰ ਕ੍ਰਾਂਤੀ ਪ੍ਰਕਾਸ਼ ਝਾਅ ਸਟਾਰਰ ਚਰਚਿਤ ਵੈੱਬ ਸੀਰੀਜ਼ ਰਕਤਾਂਚਲ ਦੇ ਤੀਜੇ ਸੀਜ਼ਨ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਟ੍ਰੇਲਰ ਵਿੱਚ ਇੱਕ ਵਾਰ ਫਿਰ 'ਵਿਜੈ ਸਿੰਘ' ਦੇ ਕਿਰਦਾਰ ਵਿੱਚ ਕ੍ਰਾਂਤੀ ਪ੍ਰਕਾਸ਼ ਝਾਅ ਦਾ ਦਮਦਾਰ ਅਤੇ ਹਮਲਾਵਰ ਅੰਦਾਜ਼ ਦੇਖਣ ਨੂੰ ਮਿਲ ਰਿਹਾ ਹੈ, ਜਿਸਨੂੰ ਸੋਸ਼ਲ ਮੀਡੀਆ 'ਤੇ ਦਰਸ਼ਕਾਂ ਵੱਲੋਂ ਸਕਾਰਾਤਮਕ ਹੁੰਗਾਰਾ ਮਿਲ ਰਿਹਾ ਹੈ। ਪੂਰਵਾਂਚਲ ਦੀ ਪਿੱਠਭੂਮੀ 'ਤੇ ਆਧਾਰਿਤ ਇਸ ਕ੍ਰਾਈਮ-ਥ੍ਰੀਲਰ ਸੀਰੀਜ਼ ਦੇ ਟ੍ਰੇਲਰ ਵਿੱਚ ਸੱਤਾ, ਰਾਜਨੀਤੀ ਅਤੇ ਗੈਂਗਵਾਰ ਦੀ ਕਹਾਣੀ ਨੂੰ ਨਵੇਂ ਮੋੜ ਨਾਲ ਪੇਸ਼ ਕੀਤਾ ਗਿਆ ਹੈ।

ਟ੍ਰੇਲਰ ਵਿੱਚ ਕ੍ਰਾਂਤੀ ਪ੍ਰਕਾਸ਼ ਝਾਅ ਦੀ ਪ੍ਰਭਾਵਸ਼ਾਲੀ ਸਕ੍ਰੀਨ ਮੌਜੂਦਗੀ ਅਤੇ ਡਾਇਲਾਗ ਡਿਲੀਵਰੀ ਦਰਸ਼ਕਾਂ ਦਾ ਧਿਆਨ ਆਕਰਸ਼ਿਤ ਕਰ ਰਹੀ ਹੈ। ਬਿਹਾਰ ਦੇ ਬੇਗੂਸਰਾਏ ਦੇ ਰਹਿਣ ਵਾਲੇ ਕ੍ਰਾਂਤੀ ਪ੍ਰਕਾਸ਼ ਝਾਅ ਨੇ 'ਵਿਜੈ ਸਿੰਘ' ਦੇ ਕਿਰਦਾਰ ਨਾਲ OTT 'ਤੇ ਆਪਣੀ ਇੱਕ ਵੱਖਰੀ ਪਛਾਣ ਬਣਾ ਹੈ। ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕ ਉਨ੍ਹਾਂ ਨੂੰ 'ਲੱਲਾ' ਵਜੋਂ ਯਾਦ ਕਰਦੇ ਹੋਏ ਉਨ੍ਹਾਂ ਦੀ ਵਾਪਸੀ ਦਾ ਸਵਾਗਤ ਕਰ ਰਹੇ ਹਨ। ਕ੍ਰਾਂਤੀ ਪ੍ਰਕਾਸ਼ ਝਾਅ ਨੂੰ ਰਾਸ਼ਟਰੀ ਪੁਰਸਕਾਰ ਜੇਤੂ ਫਿਲਮ ਮਿਥਿਲਾ ਮਖਾਣ ਨਾਲ ਪਛਾਣ ਮਿਲੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਦੇਸਵਾ, ਵਨਸ ਅਪੌਨ ਏ ਟਾਈਮ ਇਨ ਬਿਹਾਰ, ਅਤੇ ਐਮ.ਐਸ. ਧੋਨੀ: ਦਿ ਅਨਟੋਲਡ ਸਟੋਰੀ ਵਰਗੀਆਂ ਫਿਲਮਾਂ ਵਿੱਚ ਕੰਮ ਕੀਤਾ। "ਰਕਤਾਂਚਲ" ਦੇ ਦੋਵੇਂ ਸੀਜ਼ਨਾਂ ਵਿੱਚ ਉਨ੍ਹਾਂ ਦੀ ਅਦਾਕਾਰੀ ਦੀ ਦਰਸ਼ਕਾਂ ਦੁਆਰਾ ਪ੍ਰਸ਼ੰਸਾ ਕੀਤੀ ਗਈ ਹੈ। "ਰਕਤਾਂਚਲ ਸੀਜ਼ਨ 3" ਜੁਲਾਈ ਵਿੱਚ ਐਮਾਜ਼ਾਨ 'ਤੇ ਰਿਲੀਜ਼ ਹੋਣ ਵਾਲਾ ਹੈ।