ਰਾਜੂ ਸ੍ਰੀਵਾਸਤਵ ਦੇ ਭਰਾ ਨੇ ਵੀਡੀਓ ਜਾਰੀ ਕਰ ਦੱਸੀ ਕਾਮੇਡੀਅਨ ਦੀ ਹਾਲਤ
08/20/2022 3:36:09 PM
ਮੁੰਬਈ (ਬਿਊਰੋ)– ਕਾਮੇਡੀਅਨ ਰਾਜੂ ਸ੍ਰੀਵਾਸਤਵ ਦੇ ਛੋਟੇ ਭਰਾ ਦੀਪੂ ਸ੍ਰੀਵਾਸਤਵ ਨੇ ਇਕ ਵੀਡੀਓ ਰਾਹੀਂ ਆਪਣੇ ਭਰਾ ਦੀ ਸਿਹਤ ਨੂੰ ਲੈ ਕੇ ਜਾਣਕਾਰੀ ਦਿੱਤੀ ਹੈ ਤੇ ਅਫਵਾਹਾਂ ’ਤੇ ਧਿਆਨ ਨਾ ਦੇਣ ਲਈ ਕਿਹਾ ਹੈ। ਦੀਪੂ ਸ੍ਰੀਵਾਸਤਵ ਨੇ ਕਿਹਾ ਕਿ ਮਨ ਦੁਖੀ ਸੀ, ਵੀਡੀਓ ਬਣਾਉਣ ਦਾ ਮਨ ਨਹੀਂ ਕਰ ਰਿਹਾ ਸੀ ਪਰ ਮੈਂ ਦੇਖਿਆ ਕੁਝ ਲੋਕ ਸੋਸ਼ਲ ਮੀਡੀਆ ’ਤੇ ਗਲਤ ਪੋਸਟਾਂ ਕਰ ਰਹੇ ਹਨ। ਅਫਵਾਹਾਂ ’ਤੇ ਧਿਆਨ ਨਾ ਦਿਓ। ਉਨ੍ਹਾਂ ਲੋਕਾਂ ਨੇ ਪਰਿਵਾਰ ਦੇ ਲੋਕਾਂ ਨਾਲ ਗੱਲ ਨਹੀਂ ਕੀਤੀ ਹੈ। ਟੀ. ਆਰ. ਪੀ., ਪੇਜ ਨੂੰ ਜ਼ਿਆਦਾ ਲਾਈਕ ਮਿਲਣਗੇ, ਇਸ ਲਈ ਉਹ ਅਜਿਹਾ ਕਰ ਰਹੇ ਹਨ।
ਇਹ ਖ਼ਬਰ ਵੀ ਪੜ੍ਹੋ : ਰਣਬੀਰ ਕਪੂਰ ਨੇ ਪਤਨੀ ਆਲੀਆ ਭੱਟ ਦੇ ਵਧੇ ਭਾਰ ਦਾ ਉਡਾਇਆ ਮਜ਼ਾਕ, ਲੋਕਾਂ ਨੇ ਕੀਤਾ ਟਰੋਲ
ਦੀਪੂ ਸ੍ਰੀਵਾਸਤਵ ਨੇ ਅੱਗੇ ਕਿਹਾ ਕਿ ਦੇਸ਼ ਦੇ ਸਭ ਤੋਂ ਵੱਡੇ ਹਸਪਤਾਲ ਤੇ ਸਭ ਤੋਂ ਚੰਗੇ ਡਾਕਟਰ ਦੀ ਨਿਗਰਾਨੀ ’ਚ ਰਾਜੂ ਸ੍ਰੀਵਾਸਤਵ ਹਨ। ਡਾਕਟਰ ਆਪਣਾ 100 ਫੀਸਦੀ ਦੇ ਰਹੇ ਹਨ। ਉਨ੍ਹਾਂ ਦੀ ਰਿਕਵਰੀ ਹੋ ਰਹੀ ਹੈ। ਜਲਦ ਹੀ ਰਾਜੂ ਕਾਮੇਡੀ ਦੀ ਦੁਕਾਨ ਰਾਹੀਂ ਤੁਹਾਨੂੰ ਹਸਾਉਣਗੇ, ਦੁਆ ਕਰੋ। ਰਾਜੂ ਫਾਈਟਰ ਹੈ, ਜਲਦ ਹੀ ਜਿੱਤਣਗੇ। ਦੋ ਦਿਨਾਂ ਤੋਂ ਸੋਸਲ ਮੀਡੀਆ ’ਤੇ ਚੱਲ ਰਹੀਆਂ ਅਫਵਾਹਾਂ ’ਤੇ ਧਿਆਨ ਨਾ ਦਿਓ।
राजू श्रीवास्तव जी को लेकर अफवाहों पर ध्यान न दें। रिकवरी हो रही है। गजोधर भैया फाइटर हैं, जल्दी जीतेंगे। दुआ कीजिए : दीपू श्रीवास्तव, राजू श्रीवास्तव के छोटे भाई। pic.twitter.com/H2OUN5Mt3n
— Parimal Kumar (@parimmalksinha) August 20, 2022
ਉਥੇ ਇਸ ਤੋਂ ਪਹਿਲਾਂ ਰਾਜੂ ਸ੍ਰੀਵਾਸਤਵ ਦੀ ਪਤਨੀ ਸ਼ਿਖਾ ਨੇ ਉਨ੍ਹਾਂ ਦੀ ਸਿਹਤ ਦੀ ਜਾਣਕਾਰੀ ਦਿੰਦਿਆਂ ਕਿਹਾ ਸੀ ਕਿ ਮੇਰੇ ਪਤੀ ਇਕ ਫਾਈਟਰ ਹਨ ਤੇ ਉਹ ਸਾਡੇ ਸਾਰਿਆਂ ਵਿਚਾਲੇ ਵਾਪਸ ਆਉਣਗੇ। ਹਾਲਤ ਸਥਿਰ ਹੈ ਤੇ ਡਾਕਟਰ ਉਨ੍ਹਾਂ ਦਾ ਬਿਹਤਰ ਇਲਾਜ ਕਰ ਰਹੇ ਹਨ। ਮੇਰੀ ਬੇਨਤੀ ਹੈ ਕਿ ਕਿਰਪਾ ਕਰਕੇ ਅਫਵਾਹਾਂ ਨਾ ਫੈਲਾਓ, ਇਹ ਸਾਡੇ ਮਨੋਬਲ ਨੂੰ ਪ੍ਰਭਾਵਿਤ ਕਰਦਾ ਹੈ।
ਦੱਸ ਦੇਈਏ ਕਿ ਸ੍ਰੀਵਾਸਤਵ ਨੂੰ 10 ਅਗਸਤ ਨੂੰ ਦਿਲ ਦਾ ਦੌਰਾ ਪਿਆ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਏਮਜ਼ ’ਚ ਦਾਖ਼ਲ ਕਰਵਾਇਆ ਗਿਆ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
