ਪ੍ਰਿਯੰਕਾ ਚੋਪੜਾ ਨੇ ਪਤੀ ਨਿਕ ਜੋਨਸ ਨਾਲ ਕੀਤਾ ਰੋਮਾਂਸ ! ਪੂਲ ''ਚ ਬਣਾ''ਤੀ ਬਿਨਾਂ ਕੱਪੜਿਆਂ ਤੋਂ ਵੀਡੀਓ

ਮੁੰਬਈ/ਲਾਸ ਏਂਜਲਸ- ਬਾਲੀਵੁੱਡ ਦੀ 'ਦੇਸੀ ਗਰਲ' ਪ੍ਰਿਯੰਕਾ ਚੋਪੜਾ ਅਤੇ ਉਨ੍ਹਾਂ ਦੇ ਪਤੀ ਨਿਕ ਜੋਨਸ ਹਮੇਸ਼ਾ ਹੀ ਆਪਣੀ ਰੋਮਾਂਟਿਕ ਕੈਮਿਸਟਰੀ ਕਾਰਨ ਚਰਚਾ ਵਿੱਚ ਰਹਿੰਦੇ ਹਨ। ਇੱਕ ਵਾਰ ਫਿਰ ਇਸ ਜੋੜੀ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਮਸਤੀ ਨਾਲ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਹੈ। ਪ੍ਰਿਯੰਕਾ ਨੇ ਹਾਲ ਹੀ ਵਿੱਚ ਨਿਕ ਜੋਨਸ ਦੀ ਇੱਕ ਅਜਿਹੀ ਵੀਡੀਓ ਸਾਂਝੀ ਕੀਤੀ ਹੈ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਪ੍ਰਿਯੰਕਾ ਨੇ ਚੋਰੀ-ਚੋਰੀ ਕੈਦ ਕੀਤਾ ਨਿਕ ਦਾ ‘ਚਾਰਮ’
ਇੰਸਟਾਗ੍ਰਾਮ 'ਤੇ ਸਾਂਝੀ ਕੀਤੀ ਗਈ ਇਸ ਵੀਡੀਓ ਵਿੱਚ ਨਿਕ ਜੋਨਸ ਸਵੀਮਿੰਗ ਪੂਲ ਵਿੱਚ ਚਿੱਲ ਕਰਦੇ ਨਜ਼ਰ ਆ ਰਹੇ ਹਨ। ਪ੍ਰਿਯੰਕਾ ਨੇ ਬੜੀ ਚਲਾਕੀ ਨਾਲ ਦੂਰੋਂ ਆਪਣੇ ਪਤੀ ਦੀ ਵੀਡੀਓ ਬਣਾਈ ਅਤੇ ਫਿਰ ਕੈਮਰੇ ਨੂੰ ਜ਼ੂਮ ਕਰਕੇ ਉਨ੍ਹਾਂ ਦੇ ਜ਼ਬਰਦਸਤ ਅੰਦਾਜ਼ ਨੂੰ ਹਾਈਲਾਈਟ ਕੀਤਾ। ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਨਿਕ ਪੂਲ ਵਿੱਚ ਬੜੀ ਸ਼ਾਂਤੀ ਨਾਲ ਆਪਣੇ ਡਰਿੰਕ ਦਾ ਆਨੰਦ ਮਾਣ ਰਹੇ ਹਨ।

“ਖਾ ਜਾਣ ਨੂੰ ਜੀਅ ਕਰਦਾ” - ਪ੍ਰਿਯੰਕਾ ਦੀ ਮਜ਼ਾਕੀਆ ਟਿੱਪਣੀ
ਵੀਡੀਓ ਦੇ ਨਾਲ ਪ੍ਰਿਯੰਕਾ ਨੇ ਜੋ ਕੈਪਸ਼ਨ ਲਿਖਿਆ, ਉਸ ਨੇ ਸਭ ਦਾ ਧਿਆਨ ਖਿੱਚ ਲਿਆ। ਉਨ੍ਹਾਂ ਨੇ ਨਿਕ ਨਾਲ ਫਲਰਟ ਕਰਦਿਆਂ ਲਿਖਿਆ, "ਜਦੋਂ ਉਹ ਬਸ ਇੰਝ ਹੀ ਬਾਹਰ ਹੁੰਦਾ ਹੈ, ਲੱਗਦਾ ਹੈ ਜਿਵੇਂ ਕੋਈ ਸਨੈਕ (Snack) ਹੋਵੇ... ਖਾ ਜਾਣ ਨੂੰ ਮਨ ਕਰਦਾ ਹੈ"।
ਨਿਕ ਦਾ ਜਵਾਬ - "ਪੈਪਸ ਨੇ ਫਿਰ ਫੜ ਲਿਆ"
ਪਤਨੀ ਦੀ ਇਸ ਚੋਰੀ 'ਤੇ ਨਿਕ ਜੋਨਸ ਨੇ ਵੀ ਬੜੇ ਮਜ਼ਾਕੀਆ ਅੰਦਾਜ਼ ਵਿੱਚ ਪ੍ਰਤੀਕਿਰਿਆ ਦਿੱਤੀ। ਉਨ੍ਹਾਂ ਨੇ ਟਿੱਪਣੀ ਕਰਦਿਆਂ ਲਿਖਿਆ, "ਡੈਮ, ਪੈਪਸ (ਪੈਪਰਾਜ਼ੀ) ਨੇ ਮੈਨੂੰ ਫਿਰ ਤੋਂ ਫੜ ਲਿਆ"। ਜ਼ਿਕਰਯੋਗ ਹੈ ਕਿ ਹਾਲ ਹੀ ਵਿੱਚ ਨਿਕ ਨੇ ਵੀ ਪੰਜਾਬੀ ਸੁਪਰਸਟਾਰ ਦਿਲਜੀਤ ਦੋਸਾਂਝ ਦੇ ਗੀਤ 'ਸੈਨੋਰੀਟਾ' 'ਤੇ ਦੋਵਾਂ ਦੀ ਇੱਕ ਬੇਹੱਦ ਰੋਮਾਂਟਿਕ ਵੀਡੀਓ ਸਾਂਝੀ ਕੀਤੀ ਸੀ, ਜਿਸ ਵਿੱਚ ਉਹ ਸਮੁੰਦਰ ਕਿਨਾਰੇ ਇੱਕ-ਦੂਜੇ ਦੇ ਪਿਆਰ ਵਿੱਚ ਗੁਆਚੇ ਹੋਏ ਸਨ।
ਵਰਕ ਫਰੰਟ 'ਤੇ ਨਜ਼ਰ
ਜੇਕਰ ਕੰਮ ਦੀ ਗੱਲ ਕਰੀਏ ਤਾਂ ਪ੍ਰਿਯੰਕਾ ਚੋਪੜਾ ਜਲਦੀ ਹੀ ਫਿਲਮ 'ਦ ਬਲੱਫ' (The Bluff) ਵਿੱਚ ਇੱਕ ਅਹਿਮ ਭੂਮਿਕਾ ਵਿੱਚ ਨਜ਼ਰ ਆਉਣ ਵਾਲੀ ਹੈ, ਜਿਸ ਦਾ ਪ੍ਰਸ਼ੰਸਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।